عشقته ف غيبوبته

Part 1

بلال: استني انا جايلك اهو متتحركش من مكانك 5 دقايق واكون عندك متخفش

نزل بلال بسرعه من مكتبه قابله صديقه اسمه عماد...

عماد بقلق: رايح فين يابلال وبتجري ليه

بلال بخوف: ابراهيم كلمني وبيقول ان حد اتهجم عليه ف المحل بتاعه وكسرو وضربوه

عماد بقلق: ازاي ده؟؟  استني انا جاي معاك استني دقيقتين

بلال برفض: لا تعالي انت ورايا بعربيتك مش هينفع استني

ركب بلال عربيه وساقها بأقصي سرعه.....

نزل وراه عماد بدقائق وساق عربيه عشان يلحقهم....

خد بلال فونه وحاول يرن علي ابراهيم مردش...

بلال بقلق: مبتردش ليه ياابراهيم حصلك ايه

رن فون بلال خده بلهفه وبص علي الرقم لقاه عماد.....

بلال: ايوه ياعماد

عماد: بقيت فين

بلال: انا علي طريق__________

عماد: طيب تمام خلاص شوفتك سوق براحتك

بلال: ابراهيم مش بيرد عليا ياعماد وانا قلقان عليه اووي

عماد: متقلقش انشالله خير واحنا رايحين له اهو متقل.... بلاااااااااااااااااااالللللللل

مخدش باله بلال من الطريق وهو بيتكلم ف الفون وخبط ف عربيه جايه سريع واتقلبت العربيه اكتر من مره..

فاق عماد من ذكرياته بحزن ونزلت من عينه دمعه حاره علي الحادث الاليم ال حصل لصاحبه وصديق عمره.....
________________________
دخلت ساره زوجه عماد للاوضه بحزن مسح عماد دموعه لما حس بيها انها دخلت...

ساره بحزن: مالك ياحبيبي بس هتفضل كده يااعماد

عماد بدموع: مش قادر ياساره اعيش بطريقه دي مش قادر اكمل حياتي واتبسط وهو زي جثه هامده علي السرير بقاله 5 سنين كده

______________
ساره عيطت لانها صديقه بلال كانو بيشتغلو كلهم في مكتب محاماه واحد وكانت ايامها حامل ف ابنها هي وعماد ال سماه بلال علي اسمه بعد مادخل ف غيبوبه....
______________
ساره بحزن: مش الدكاتره بيطمنوك علي حالته اول بأول ياحبيبي وبيقولو ان ف امل انه يفوق من الغيبوبه

عماد: امل ايه ال بقاله 5 سنين زي ماهو ياساره

ساره تشجيع: طالما بيتنفس وحاسس بيكم هيتحسن وف ناس بتفضل بال 20 سنه في غيبوبه وربنا بيشفيها بعد كده

بصلها عماد بحزن.....

ساره: صدقني ولله هيفوق وربنا هيكرمه وهترجعو احسن من الاول كمان

عماد: تعبت ياساره من االانتظار وتعبت وانا بدور علي خيط اوصل لقضيه الحادثه دي مش لاقي