أسبوع علي كل الاحداث دي لسه نور عند اهلها وبلال قرر انه يسيبها براحتها ونور فقدت الامل واتأكدت انه خلاص معتش عاوزها فعلا......
رجع من المكتب شاف امه وابوه قاعدين ف الانتريه مستنينه.....
بلال: مساء الخير خير ياجماعه قاعدين كده ليه!!!
ياسر: تعالي يابلال اقعد
بلال بتنهيده: خير يابابا
ياسر: مش ناوي تروح تجيب مراتك؟؟؟
بلال: انا ممشتهاش ولا زعلتها عشان اروح اجيبها يابابا
ياسر: طالما مزعلتهاش ولا مشيتها امال هي ايه مقعدها كل ده هناك
بلال بضيق: ايه المطلوب يعني يابابا
ياسر: تروح تجيب مراتك وتراضيها حتي لو مزعلتهاش
بلال بتنهيده: حاضر هروح ليها بكره اي اوامر تانيه؟؟!
سميه: ايه ال حصلك يابلال مالك يابني هي نور زعلتك ف حاجه
بلال: بعد اذنك ياماما بعد اذنك يابابا انا تعبان وعاوز اطلع ارتاح تسمحولي
ياسر وسميه: اتفضل يابني
سابهم بلال وطلع اوضته.......
سميه بتنهيده: ربنا يهديك يابني ويسعدك
(قامت سميه وبعتت لنور رساله صوتيه بتقول)
(نور ياحبيبتي عامله ايه احنا مسكناه سلخناه انا وابوه وانا حكيت لعمك ياسر علي كل حاجه وقالي سيبي الموضوع ده عليا لان هو عارف ان ابنه دماغه انشف من الحجر انا ياحبيبتي كده بعملك قيمه وكرامه اتحملي يانوران يابنتي لو بتحبي بلال بجد ال بيحب بيتحمل وبيسامح خلي بالك من نفسك ياحبيبتي وانا هبلغك بأي جديد)
سمعت نور الفويس ونزلت دمعه حاره من عنيها..
نور بدموع قالت لنفسها : هو انا بحبه بس انا بعشقه ياماما انا بحبه اوي وده ال عامل فيا كده نفسي بس يحس بيا ويعرف انا بحبه قد ايه 💔
_____________________________________
تاني يوم قامت بحزن وقهر وقعدت مع اخواتها وامها علي السفره......
ميرا: هتفضلي كده لحد امتا يانور
نور بشبه ابتسامه: كده ازاي ياميرا انا كويسه ياحبيبتي
صعبت عليها نفسها ومقدرتش تمسك دموعها وانفجرت ف العياط....
هانم: مهما كان ال حصل ياحبيبتي ميستهلش انك تعملي ف نفسك كده
نور بدموع: يستاهل ياماما لان انا كنت فاكره ان انا اهمه وبيحبني زي مانا بحبه وان لما ابعد هيحس بيا ومش هيتحمل بعدي بس الظاهر ان انا كنت غلطانه
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
