قامت الصبح لقته لسه نايم دخلت الحمام اتوضت وصلت وخرجت بره الاوضه بهدوء ونزلت فاق بلال من نومه ملقهاش قال ممكن تكون ف الحمام جاب فونه وفضل يقلب فيه شويه قلق قام يشوفها خبط علي الحمام ملقهاش فيه قام لبس هدومه ونزل يشوفها خاف لتكون مشت......
نور: صباح الخير ياماما صباح الخير يابابا
ياسر وسميه: صباح النور ياحبيبتي
ياسر: بلال لسه نايم
نور: ايوه يابابا نايم
إبراهيم: صباح الخير ياجماعه
الجميع: صباح النور
إبراهيم: انا رايح المعرض محتاجين حاجه اجبها وانا جاي
نور: معلش ياابراهيم اطلع صحي بلال هيتأخر علي المكتب
إبراهيم: هو مش هيروح انهارده هو انتي متعرفيش ولا ايه
ياسر: ايوه يبنتي هو قايلنا انه مش رايح
نور بحزن: اا. اه صح هه.هو ق. قالي بس اا. اانا نسيت
إبراهيم: طيب ياجماعه هستأذن انا سلام عليكم
سميه بتنهيده: ف ايه يانور مالك يبنتي!!
انفجرت نور ف العياط بألم ومرار: مفيش ياماما انا بس مخنوقه شويه ومودي وحش الايام دي ممكن يابابا نتكلم مع بعض شويه لوحدنا بعد اذن ماما
سميه: اتفضلي يبنتي
خدها ياسر ودخلو المكتب يتكلموو.....
ياسر: خير ياحبيبتي مالك
نور بدموع: ممكن اطلب منك طلب بس توافق ومتراجعنيش فيه
ياسر: مش لما اعرف ايه هو لو حاجه لصالحك مش هرفض اكيد
نور: انا عاوزه اطلق
ياسر بهدوء: كنت متاكد من كده
نور بعياط: ارجوك يابابا انا بموت وبتقطع كل يوم من معامله بلال ليا انا مش هفضل كده طول العمر ف نكد وزعل ارجوك ارحمني وطلقني منه احنا مش متوافقين مع بعض
ياسر بتنهيده: الامور مش بتتحل كده يابنتي لو كل اتنين زعلو من بعض شويه واتطلقو محدش هيبقي متجوز خالص استهدو بالله يبنتي الامور مبتتحلش كده وانا هشدهولك شده متينه
نزل بلال من فوق....
بلال: نوران فين؟
سميه🙄: صباح النور
بلال بتنهيده: نوران فين ياأمي بالله عليكي
خرجت نور وياسر من المكتب بصت له نور بألم ووجع وهو بصلها بأستغراب وخاف يكون قالت لابوه انهم عاوزين يطلقوو.....
بلال: احم صباح الخير ياحاج
ياسر بعتاب: صباح الخير
نور: بعد اذنكم
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
