دخلت البيت لقت الكل نايم حمدت ربها هترتاح من زن عمها......لسه هتدخل اوضتها لقته بينادي عليها.....
عاطف: داخله تتسحبي كده فكراني نايم
نور بزهق: عاوز ايه ياعمي مني
عاطف: انتي مدياني المرتب ناقص 200جنيه ليه
نور: ايه ماليش نفس اجيب حاجه ليا ولا ابقي زي حمار العنب اشيل العنب ومدقهوش
عاطف: انتي عارفه الديون ال علينا ومصاريف اخواتك بتاعت المخروبه الجامعه ال صممتي تدخليهم غصب عني
نور: مش موضوعنا مش كل يوم هنذاكر فيه وبعدين أدم بيشتغل جمب جامعته ومقضي نفسه ومصاريفه وكمان بتاخد منه ومقشطه اول بأول
عاطف: مانا مش هفضل مستني شويه الملاليم ال بتديهوملي انتي واخوكي كل هله شهر انا مش ملاحق علي المصاريف والناس كل يوم والتاني بيطالبوني بالفلوس ال عليا انا هطلع آدم من جامعته ويسند عليا
نور بلهفه: لا ابوس ايدك بلاش آدم سيبه يكمل جامعته هو مش مقصر معاك انا هتصرف وهشتغل شغل جمب المستشفي
عاطف: وامتا ده بقي انشالله
نور: من الصبح انشالله بس توعدني متفكرش ف آدم ولا ف جامعته خالص سبيه ربنا معاه وال عاوزو انا هحاول اوفره ليك
عاطف: اما نشوف يست الحسن والجمال
نور بتأفف: حاضر بس الشغل ده هيبقي فيه بيات برا البيت
عاطف: وايه الجديد يعني مانتي بتباتي برا البيت علي طول المهم تجبيلي فلوس
نور بقرف: ربنا يسهل
وسابته ودخلت اوضتها طلعت ام نور بدموع..
هانم بدموع: حرام عليك ياعاطف البت اتبهدلت مش مكفيك طول النهار ف المستشفي كمان عاوز تخليها طول الليل تشتغل انت بتعنل فيها كده ليه
عاطف بزعيق: ماكله عشان خاطرك وخاطر عيالك يااختي وانا يعني باخد منكم حاجه
هانم: طب مادي بنتي برضو وبنت اخوك الله يرحمه انا لما اتجوزتك اتجوزتك عشان خاطر تلاقي حد تناديله يابابا وقولت انت ال هتبقي حنين عليها من بعده حرام عليك ياعاطف
عاطف: بقولك ايييه متوجعيش دماغ امي انت وهي خشي نامي وعدي ليلتك دي
سمعتهم نور وهي ف اوضتها وعيطت وقالت..
نور: الله يرحمك يابابا لو كنت موجود مكنتش هتعمل فيا كده مضطره اقبل الشغل ده عشان خاطر اخواتي ميتبهدلوش وطول مانا عايشه عمري ماهذل حد فيهم وهخليهم احسن الناس
____________________________________
في قصر النويري......
ياسر: يعني لقيت ياعماد بجد
أنت تقرأ
عشقته ف غيبوبته
Rastgeleالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
