بعد مرور اسبوعين علي شغلها ف قصر النويري كانت نايمه جنبه علي الكرسي وصحت بصت حواليها لحظات لحد مااستوعبت انها مش ف بيتهااا.......
نور: صباح الخير يابلال عامل ايه انهارده انا عارفه انك كويس مش محتاج تقولي باين خالص يعني
خبط باب الاوضه وردت نور: ادخل
سميه: صباح الخير يبنتي
نور: صباح الفل ياطنط
سميه وجهت كلامها لابنها: عامل ايه انهارده يقلب امك مش هتقوم بقي ياحبيبي انت واحشتني اوي اوي يابلال
نور بدموع: هو سامعك ياطنط وانشالله هيفوق انا متاكده
سميه مسحت دموعها: يارب يبنتي ياارب
_____________________________________
ف مكتب عماد كان قاعد بيراجع ورق قضيه مهمه جدا تبع الحاج ال جاله يسأل علي بلال خلص وحط الورق ف الخزنه وقعد يريح ضهره شويه سمع صوت تكسير برا وصويت لسه هيقوم دخل عليه 3 رجاله متلثمين وكتفوه....
عماد بفزع: ايه ده انتو مين وعاوزين ايه
ظهر من وراهم شخص وف ايده سيجاره وقعد بكل برود وقال......
الشخص: ازيك يامترر ايه اخبارك
عماد بغيظ: انت مين وازاي تعمل كده انت عارف ده عقوبته ايه
الشخص: تؤتؤ كده هتزعلني منك بلاش تتحمق اوي كده هما كلمتين وهنمشي تاني بس لو متنفذوش لينا كلام تاني
عماد بزعيق: ده همجيه وراجعيه ومستحيل اقبل بكده ابدا آيا كان انت مين ولا عاوز ايه
الشخص: بص يامتر كلمتين ابرك من الفين واسمع وركز ف الكلام قضيه عادل البدويهي ملكش دعوه بيها وتتنازل عنها قبل الجلسه ال جايه
عماد بسخريه: اهااااا قول كده بقي وانت تبقي مين انشالله عشان تأمرني ان اعمل كده انا مستحيل اسيب قضيه انا مسكتها الا لما بعون الله اكسبها
الشخص ببرود: مانا عارف انك لو كملتها هتكسبها يامتر محدش يقدر يشكك ف قدراتك بس لو حصل وكملتها
قرب منه وقال بهدوء رهيب: هتحصل صاحبك بلال وزي ماهو راقد كده هترقد جمبه ومش بعيد متلحقش ترقد وتتوكل علي الله فهمتني
عماد بذهول: بلال؟ وانت مالك ومال بلال وبتتكلم كده ليه
الشخص وقف وعدل هدومه وقاله: احنا حذرنا صاحبك من 6 سنين ميخدش القضيه القديمه وهو مسمعش الكلام وزي مانت شايف هو حصله ايه اصل زعلنا وحش اووي
وشاور لرجالته ال مكتفين عماد وخرجو من المكتب.....
عماد مبرق عنيه ومذهول من ال قاله يعني دول هما ال ورا ال حصل ل بلال طلع جري وراهم من المكتب لتحت ووقف بعيد لقاهم بيركبو العربيه لفت نظره سواق العربيه بصله وابتسم بسخريه لعماد.....
أنت تقرأ
عشقته ف غيبوبته
Sonstigesالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
