عشقته ف غيبوبته

Part 11

عمر بخوف : ابعد كده ياجماعه لو سمحتوو

بدأ عمر ف فحص بلال وقالهم.....

عمر بسعاده: بلال بيحاول يفوق

الجميع صرخ بسعاده: بجد ياعمرررر

يااسر بدموع: انت متأكد يبني من الكلام ده

إبراهيم بدموع: بالله عليك ماتلعبش بأعصابنا ياعمر

نور بعياط: يعني بلال هيفوق

سميه بعياط: ياحبيبي يابني ياقلب امك وعينيها

عمر: ياجماعه اهدو اسمعوني للاخر وتعالو نخرج ونسيبو يرتاح

كلهم خرجو وسكتو وسمعوه....

عمر بتنهيده: بلال بيحاول وبيجاهد وبيضغط علي نفسه قدر المستطاع عشان يفوق بس ال5 سنين ال قعد فيهم ف غيبوبه كتير جدا جدا وكافيين انهم يضعفو قلبه كل مابيحاول يفوق مش بيقدر وممكن لقدر الله ف مره وهو بيحاول قلبه يقف فامحدش يضغط عليه ولا يقولو فوق هو هيحاول ولو ف نصيب هيفوق لوحده وعلي قد ما ده مؤشر كويس جدا بس انا مش هديكم أمل لان ده شئ عادي لاي حد بيبقي ف غيبوبه بس ال واضح قدامي ان قلبه ضعيف جدا جدا لدرجه انه مش متحمل المقاومه

ياسر بصدمه: يعني ايه ياعمر يعني ابني هيموت

عمر بنفي: بعد الشر عليه ياعمي الاعمار بيد الله انا بقولك علي التشخيص ال قدامي بلال قوي ومستحيل يستسلم بسهوله

سميه ونور قعدو مكانهم مصدومين مقدروش يقفو.....

إبراهيم دموعه نزلت غصب عنه سابهم ونزل جري علي تحت نزلت وراه ميرا.....

قعد إبراهيم ف الجنينه علي الكرسي وانفجر ف العياط وشهقاته علت وحط إيده الاتنين علي وشه.....

جات ميرا من قدامه وشالت ايدن من علي وشه ومسكت ايده بإيدها وقالت وقالت....

ميرا بدموع: انشالله هيبقي كويس يإبراهيم متعملش ف نفسك كده

بصلها إبراهيم وعينه حمرا من العياط: مش هيفوق يااميرا اخويا هيموت

ميرا بنفي ودموع: لاء متقولش كده بعد الشر عليه ولله هيفوق خلي املك ف ربنا كبير

سابها ووقف دور وشه وانهار من العياط وبقي عامل زي العيل الصغير متحملتش تشوفو كده خدته ف حضنها....

ميرا بطبطبه علي ضهره: هيفوق ولله وهيبقي كويس خليك انت كمان قوي عشان لما يفوق يلاقيك جمبه عشان تسنده لما يسترد صحته تاني

ابراهيم دفن وشه ف رقبتها وانفجر من العياط..

ميرا بدموع وحزن: بس بس ياحبيبي خلاص اهدا اهدا يإبراهيم بسم الله علي قلبك تعالي نخرج نروح اي مكان يلا

سمع كلامها ومسح دموعه وخدها ومشو بالعربيه...
______________________________________

فوق ف اوضه بلال كان عمر مشا وياسسر وسميه نزلو بحزن ويأس تحت وفضلت نوران جمبه مسكت ايده وطبطبت عليها بحنان وحب..