غيرت نور هدومها وخدت شنطتها وراحت علي بيتها.....
رنت الجرس فتحتلها ميرا اختها بدموع هي عارفه ان اختها جايه غصب عنها وحزينه جدا علي ال ابوها بيعملو فيها....
نور: مشي ولا لسه جوا
ميرا بحزن: مرزوع جوا اهو عمال يطفح من ساعه ماقعد ومصمم يشوفك
نور بتأفف: طيب ادخلي انتي ذاكري ومتطلعيش نهائي فاهمه
ميرا بتفهم: حاضر
دخلت نور للصالون بضيق.....
نور بتأفف: السلام عليكو
عاطف: وعليكم السلام اهلا اهلا بعروستنا اقعدي ده فريد باشا الجواهرجي
نور بقرف: اهلا
فريد بنبهار: اهلا اهلا ياجميل
عاطف: ها قولت ايه يافريد بيه
فريد: موافق طبعا علي كل طلباتك وهوزن تقلها دهب
عاطف بطمع: علي خيره الله نقرا الفاتحه
نور بأنفعال: ايييييييه تقرا فاتحه مين هو انا قولتلك ان انا موافقه ياعم انت هو انت اشترتني
عاطف: هتلاقي احسن من فريد بيه فين يابت انتي تطولي
نور: مستغنيه عن الطول ده يلا يافريد بيه من هنا انا مش موافقه علي الجوازه دي روح شوفلك واحده تانيه توزن تقلها دهب انا منفعكش
فريد بغضب: ايه الكلام ده ياعاطف هو لعب عيال
عاطف بزعيق: اخرسي يابت انتي هتتجوزيه ورجلك فوق رقبتك حقك عليا يابيه ده دلع بنات
نور: لا مش دلع بنات انا مش موافقه يابيه ويلا من غير مطرود
فريد بغضب: دي مهزله ياعاطف انت جايبني تهزقني هنا ولا ايه
عاطف: استني بس يافريد بيه ده سوء تفاهم عيله وهربيها يابيه استني
قام فريد وخرج من البيت ورزع الباب وراه دخل عاطف وعينه كلها شرار وغضب ومسك شعرها .....
عاطف بغضب: بقي انتي يابنت الكلب تكسفيني مع الراجل وتعملي فيا كده
نور بصريخ: سيب شعري ياراجل انت انت مشترتنيش عشان كل يوم والتاني تجبلي عريس يشتري ويبيع فيا
هانم والده نور: سيبها ياعاطف البت هتموت ف ايدك
ادم اخو نور من امها تؤام ميرا وهو ف حقوق : سيبها يابابا بقولك الجواز مش بالعافيه ال انت بتعملو ده غلط سيبها يابابا
سابها عاطف ورماها علي الكنبه بغضب....
عاطف: يكون ف علمك هتجوزيه والجزمه فوق دماغك وهي كلمه واحده انا مش مستعد اضيع كل ال بعمله عشان خاطر دلعك الراجل هيعيشك احلي عيشه وهتقبي وهنقب معاكي علي وش الدنيا
هانم بدموع: حرام عليك بقي ياعاطف سيب البت ف حالها مش كفايه مقشطها اول بأول ومش مخلي حيلتها حاجه عاوز منها ايه تاني
عاطف: بقولك ايه ياست انتي هو انا باخد منها ايه دول شويه ملاليم وياريت مكفين طالبتك وطلبات عيالك عقلي بنتك ياهانم احسنلها
جلست نور ببكاء ف حضن آدم اخوها ووالدتها...
نور ببكاء: يارب خدني وخلصني بقي يارب
هانم بشهقه: بعد الشر عليكي يقلب امك متقوليش كده كل حاجه وليها حل ومحدش هيغصبك علي حاجه يبنتي
دخلت ميرا للاوضه وارتمت علي السرير بعياط..
ميرا بعياط: ليه كده يابابا تخوفني منك معقول هيجي يوم وتعمل فيا كده وتبعني لاي حد زي مابتعمل مع نوران كده
_____________________________________
في قصر في ارقي مناطق القاهره....
دخل ياسر والد بلال إلي اوضه بلال بحزن...
ياسر: هتفضل كده ياإبراهيم يبني كل يوم تعيط بساعات جمبه كده من ساعه مانقلناه من المستشفي للبيت
ابراهيم بعياط: مش قادر انسي ان انا السبب ف ال حصله ده يابابا انا بموت كل يوم
ياسر: يبني انت تقولي السبب وعماد يقولي ان هو السبب ارحمو نفسكم ده قضاء وقدر ومحدش عارف ايه ال حصل متلومش نفسكم ياحبيبي
ابراهيم: لا يابابا انا لو مكنتش رنيت عليه وقتها واستعجلته مكنش جه بسرعه كده وعمل الحادثه انا مش قادر يابابا وانا كل يوم اشوفو نايم من غير حول ولاقوه كده
ياسر بحزن: ربنا يشفيه ياحبيبي ويقوم لينا بألف سلامه يارب
ابراهيم: يارب يابابا ياااارب
ياسر: قوم ياحبيبي روح شغلك واحنا جمبه اهو وادعيله ياابراهيم قوم ياحبيبي
مسح ابراهيم دموع وسمع كلام والده وباس بلال من راسه وقام راح شغله......
قام ياسر هو كمان باس ابنه وطلع من اوضته ودخل اوضه زوجته لقاها بتصلي وساجده بتعيط..
قعد قدامها علي الكرسي لما خلصت صلاه وقام قعد جمبها علي الارض..
ياسر بحزن: حرما ياحجه
سميه والده بلال: حرما انشالله
ياسر: ليه ياسميه تتعبيني انتي وابراهيم كده ليه بتعيطو ده بدل ماتدعو له ان ربنا يقومه بسلامه
سميه بعياط: مش قادره ياياسر وانا شيفاه كده معدتش متحمله رقدته دي 5 سنين ياحبه عيني مفتحش عينه ولا كلمني كلمه هتجنن ياسر هتجنن
ياسر بحزن: مفيش بإيدنا حاجه غير اننا ندعيله وبس قومي ياسميه تعالي ننزل تحت نقعد ف الجنينه نتكلم شويه
قامت سميه معاه ونزلو تحت الجنينه...
____________________________________
يتبع......
_____________________________________
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
