وصل آدم لمطار القاهره الدولي وركب تاكسي وااتجهه للبيت......
لسه هيرن الجرس سمع صوت صريخ جاي من شقتهم اتفزع آدم وزق باب الشقه لحد مااتفتح...
واتفاجأ من ال شافه لقا ابوه بيضرب امه واخته بوحشيه بعصا المكنسه.....
آدم بيحاول يشد أبوه عنهم: ابعد بقولك عنهم
هانم وميرا بصريخ قامو واتحمو ف ضهر آدم...
عاطف بسخريه: ياهلا ياهلا بالبيه سياده المحامي حمد لله على السلامه
آدم بغضب: انت بتضربهم كده ليه وازاي تعمل فيهم كده
عاطف: جرا ايه هو عشان طلعلك شنب وسافرت شهرين برا هتعمل نفسك راجل
آدم بزعيق: انا فعلا مش راجل ان سبتك من الاول تبيع اختي الكبيره وتاخد فلوس بيعها تصرفها علي القرف ال بتشربه
عاطف: خلصو يااخويا خلصو الفلوس ال كل ماتتكلمو تجيبو سيرتها ارتاحو
ميرا بعياط: عاوزني ابيع السلسه الدهب التؤام بتاعتي انا وانت ولما مرضش ضربني وامي جات تحوشني ضربها هي كمان
آدم بغضب: قسما عظما لو قربتلهم تاني لكون واخدهم معايا ونسافر ونسيبلك البلد بحالها كان نفسي افتخر بيك قدام الناس كلها بس للاسف ليها حق نوران متجييش تزورك ولا مره من بعد ماتجوزت يخساره يابابا ياخساره
خد اخته وامه ودخلهم جوه وسابوه بره.....
______________________________________
رن فونها.....
إبراهيم: ممكن اعرف انتي مش بتردي علي مكالماتي ليه
ميرا بحزن: معلش يإبراهيم مكنتش فاضيه
إبراهيم: مخنوقه؟؟ اممم وال مش فاضي ميردش علي الفون ويسبني ارن بساعه والاتنين ايه مفيش خمس دقايق فضيتي فيهم تردي ع الكلب ال بيرن
ميرا: إبراهيم ارجوك ملوش لزوم الكلام ده
إبراهيم: فعلا عندك حق ملوش لزوم
قفل الخط وحس إبراهيم انه زودها عليها وان صوتها كان مخنوق فعلا يمكن يكون موضوع ابوهاا عامل فيها كده قرر انه يروح لها تاني يوم الجامعه يصالحها ويقعد معاها يشوف مالها...
••••••••••••••••••••••••••••••••••••••••••••••••••••••••••
كانت ف الجامعه بعد ماخلصت الامتحان الاخير ليها ف السنه دي........
ميرا: حبيبي بتعمل ايه هنا (وحضنته)
آدم: جيت اشوف عملتي ايه ف الامتحان واشوف لو محتاجه حاجه
ميرا: لا الحمد لله ولله الامتحان كان كويس اووي
آدم: طب الحمد لله يلا نمشي
ميرا: يلا ياروحي
ف نفس اللحظه ال آدم راح لميرا كان إبراهيم هيقرب منها بس وقف مكانه مصدوم لما شاف آدم راح لها وهي حضنته وسمع الحوار وقف مصدوم وعينه بتطلع شرار.....
إبراهيم بشر وغضب: بقي هو ده ال انتي متغيره معايا عشانه هي حصلت تستغفليني مااشي
وركب عربيته ومشا.............
***********************************************
ملحوظه(إبراهيم مشفش آدم ولا يعرفه ومحضرش كتب كتاب نوران لانه مكنش موافق علي الجوازه وبعدها بأيام جاله السفر وسافر وميرا مقلتش لابراهيم انه رجع من السفر)
_____________________________________
انا اسفه البارت قصير لانه اتنشر غصب عني وكنت لسه مكملتوش هكمل ف البارت الجاي انشالله ♥♥
أنت تقرأ
عشقته ف غيبوبته
Acakالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
