عشقته ف غيبوبته

Part 23

وبعد  مرور يومين........

__________________&&&&&&&&:

ف منزل هايدي....

باسم: ياهايدي ولله البيت تحفه مش عارف انتي مش موافقه ليه

هايدي: لا ياباسم مش حلو وبعدين غالي اووي اوي

باسم بتساؤل: لا ثانيه افهم سبب رفضك ايه عشان مش حلو ولا غالي

هايدي بإحراج: الصراحه هو عاجبني بس غالي اوي ياباسم حرام تحط كل الفلوس دي ف بيت

باسم بفهم: ياحبيبه قلبي مفيش حاجه تغلي عليكي وبعدين الحمد لله معايا ال يشتري 100 بيت زيه انا مش عويل اهم حاجه تكوني مبسوطه

هايدي: بعد الشر ياروحي عويل ايه انا بس كان قصدي نجيب حاجه صغننه كده علي قدنا ف الاول وبعد كده نكبر براحتنا

باسم بحب: لا هناخد ده انشالله وبعد كده نبقي نكبر برضو وايه المشكله

هايدي ببتسامه: متحرمش منك ابدا ياروح قلبي

______________________________________

راحت نور وامها ل عاطف السجن....

عاطف: عامله ايه يانور يابنتي

نور: الحمد لله ياعمي بخير ولله ناقصنا انت بس

عاطف بحزن: هانت يبنتي هانت عامله ايه ياهانم

هانم بدموع: كويسين يااخويا الحمد لله ناقصنا انت ياعاطف

نور: طمني انت عنك عامل ايه

عاطف: الحمد لله يبنتي ماشيه البركه ف جوزك ابن الحلال الطيب ربنا يجازيه كل خير

نور: يارب ياعمي ربنا يحفظه يارب

عاطف: خلي بالك منه ياحبيبتي ملكيش بركه غيره حطيه جوه عينك

نور بتفكير: حاضر ياعمي متقلقش

عاطف: ربنا يسعدكم ويفرح قلبك وحياتك كلها يارب
_____________________________________

رجعت البيت ودخلت غيرت هدومها وامها دخلت تجهز الغدا........

رن جرس الباب قامت نور وفتحت الباب.....

نور بخضه: بلال

بلال: مساء الخير

نور: مساءالنور اتفضل

بلال بإحراج: ازيك ياطنط

هانم: تسلم ياحبيبي اتفصل يبني نورت وشرفت

بلال: ده نورك متحرمش منك

هانم: هقوم اجهز الغدا لما ترتاح شويه

بلال: لا ملوش لزوم ياحاجه اقعدي

هانم: ودي تيجي برضه ده حتي عيبه

مشت هانم وسابتهم مع بعض.......

بلال: هو حصل ايه لكل ده يانور