عشقته ف غيبوبته

Part 32

بعد اسبوع نزل بلال المكتب لان كان ف قضايا...

بلال: صباح الخير ياعيال

عماد: عيال؟؟؟؟ ياجدع احتؤم الشهرين ال بيني وبينك

بلال: انا اسف ياابيه 😂😂ابقي خلي عندك دم وهات بابلو الصغير اشوفه بقالي اسبوعين مشفتوش

عماد: ولله بقاله يومين بيعيط وعاوز يجي

بلال: اخص عليك ياعماد يومين ولله انت بارد

عماد: مرضتش عشان مراتك ترتاح يبني

بلال: وهو يعني بيعمل ايه وبعدين نور سألتني عليه انهارده اعمل حسابك هروح معاك ع البيت اجيبه يقعد معانا اسبوع

عماد: ماشي يسطا متزعلش نفسك

باسم: خلصتو؟؟

بصو ل باسم بإستغراب....

بلال: ف ايه ياباسم مالك

عماد: مالك يا باسم

باسم: انهارده كام ف الشهر!!!

بلال: 9

باسم: متأكد؟؟

عماد: ف ايه ياعم ماتنطق

باسم بحزن حقيقي : طب كويس انك واخدين بالكم ان انهارده 9ومخدتوش بالكم ان فرحي يوم 21 ومعملتش اي حاجه بس إظاهر ان كل واحد اتلهي ف بيته وعياله وانا معتش ف الحسبان

وسابهم وخد مفاتيح عربيته ومشي.....

بلال بصدمه: بااااسم ياباسم استني افهم

عماد: احنا ازاي نسينا يابلال له حق يزعل

بلال: ولله الظروف ال حصلت دي نستني خالص قوم تعالي نروح نشوفه راح فين

____________________________________

صعبت عليه نفسه واتخنق رن علي هايدي ونزلت قابلته......

هايدي بقلق: ف ايه ياحبيبي مالك انت كويس صوتك قلقني اوي باسم ف ايه رد عليا

اترمي باسم ف حضنها ولا ولاول مره انفجر ف العياط.....

هايدي برعب: باسم ف ايه ياحبيبي بسم الله مالك ياروحي باسم رد عليا مالك

باسم بدموع: مخنوق اوي ياهايديي مخنووووووووق

هايدي بدموع : من ايه ياحبيبي حاجه حصلت ف شغلك ولا ف ايه فهمني متخوفنيش عليك اكتر من كده

بعد عن حضنها ومسح دموعه وبصلهاا...

باسم: عارفه انا اول مره احس بالوجع والقهر ان انا اتولدت يتيم وماليش حد ف الدنيا دي حاسس ان انا لوحدي مش حاسس بفرحه مش زي اي عريس فرحه قرب الحاجه الوحيده ال مصبراني ومهونه عليا انتي ياهايدي انا حقيقي عمري ماكنت هلاقي زيك لو لفيت الدنيا كلها سامحيني لو كنت غلطت ف حقك او زعلتك حتي لو بكلمه