ان قاعد ف اوضته بيحاول يرن عليها مش بترد...
آدم بتنهيده وخنقه: ردي بقي ياريناد يارب متكنش سافرت يااارب
نور فتحت الباب وقالت بخبث: مين ريناد ال مش عاووها تسافر دي ياواد انت
آدم بضحك وقام سلم عليها وحضنها : نور حبيبتي جيتي امتا
نور: بقالي نصايه كده وسألت عليك قالولي محبوس ف الاوضه بقالك يومين ف ايه ياحبيب اختك مالك
آدم بتنهيده: موضوع كده ولله يانور وقارفني ومنكد عليا
نور بفهم: بسبب ريناد دي صح
آدم هز لها دماغه.....
نور: طب احكيلي ايه حصل يمكن اساعدك
آدم:(حكالها من اول ماجات من السفر لحد ماتعصب عليها وزعلت ومن يومها وهي مش بترد عليه ولا يعرف عنها حاجه) بس ومن وقتها وانا بحاول ارن عليها يرن مره وبعدها يدي مقفول وبقاله يومين مقفول دايما وخايف تكون سافرت
نور بفهم: طب وانت مشاعرك من ناحيتها ايه يآدم طالما انت متأكد انها بتحبك وبلمحتلك كتير
آدم: انا ف الاول مكنتش عاوز اعلقها بيا ولا اتعلق بيها بس وقفتها جمبي واهتمامها وحنانها بيا ونزولها مصر ورايا مع الوقت الموضوع اتغير وبدأت احس بحاجه من ناحيتها ولما بعدت عني الشويه دول هتجنن يانور هتجنن
نور ببتسامه: يبقي حبتها يامعلم هتسمع كلامي
آدم: طبعا يانور انا بثق فيكي جدا
نور بحب: هات الرقم
اداها آدم الرقم وبصله بإستغراب....
رنت نور علي الرقم من فونها لقته بيرن.....
نور بصوت واطي: بيرن
ااتعدل آدم بسعاده: افتحي الاسبيكر
فتحت نور الاسبيكر.......
ريناد: الو
اول ماسمع صوتها قلبه دق بعنف وطار من الفرحه...
نور: ازيك ياحبيبتي ريناد معايا
ريناد: ايوا انا اهلا بيكي مين؟؟
نور: انا نوران الحسيني
ريناد بإرتباك: اا. ااهلا بيكي ازيك اخت آدم مش كده
نور: الحمد لله انا كويسه ايوا انا ممكن اخد منك معاد ونتقابل
ريناد بتوتر: ب. بب. بس اا. اانا
نور: انا اول مره اكلمك ارجوكي مترفضيش
ريناد: مفيش مشكله بكره الساعه 3 انشالله
نور: خلاص اتفقنا 3 بالظبط هكون ف كافيه ____
ريناد: انشالله
قفلت نور الخط....
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
