كانو مجتمعين ف المكتب باسم وساره وعماد بيراجعو قضيه بلال بعد مافتحو فيها التحقيق تاني......
عماد: كده قربنا نوصل ياباسم
ساره: ايوه خلاص كده احنا جمعنا معلومات كافيه اننا نرجع نقدمها للنيابه تاني
باسم: لا لسه لاازم نجيب السواق ده بأي طريقه هو ده ال هيقر علي كل حاجه وكل المعلومات عنده
عماد: وهنجيبه ده ازاي ياباسم
باسم بتفكير: هقولك
____________________________________
مر 5 شهور علي جوازها من بلال ف قصر
النويري قامت رتبت الاوضه وفتحت الشباك جت الشمس علي وش بلال.....
نور بصدمه: بلال انت رمشت صح بلا ارجوك انا حاسه ان شوفتك رمشت بعينك بلال
اتنهدت نور بيأس وطلعت فونها ورنت علي اختها...
ميرا: نونو عامله ايه
نور: لا انا زعلانه منك
ميرا: ياخبر ليه بس
نور: بقي انا بقالي 5 شهور متجوزه متجيش تزوري اختك مره ف بيت جوزها
ميرا: ولله يانور كان ورايا امتحانات وبتحرج اووي ان اجي عندك وكده
نور: بطلي هبل يابت هستناكي انهارده تيجي تتغديي معايا مش عاوزه اعذار يلا سلام
قامت نور ونزلت تحت بلغت امينه تعمل اكل عشان اختها جايه.....
___________________________________
دخلت سميه لأبراهيم الاوضه.....
سميه: انت منزلتش روحت الشغل ليه
إبراهيم: مفيش ياماما تعبان شويه
سميه بخضه: مالك ياحبيبي حاسس بإيه
إبراهيم: مفيش يست الكل إرهاق بس محتاج اريح متقلقيش
سميه بإرتياح: طييب ياحبيبي ارتاح وانا هخليهم يعملولك أكل يرم عضمك
إبراهيم: متحرمش منك ياست الكل
طلعت وسابته.....
_____________________________________
وصلت ميرا بيت اختها وقابلتها نور بترحيب وحب واحضان....
نور بفرح: حبيبتي واحشتيني
ميرا بدموع: وانتي كمان يانور واحشتيني اووي
نور: تعالي تعالي احكيلي عاملين ايه
ميرا بدموع: من يوم ماتجوزتي وبابا بقي معاه فلوس كل يوم بقي يجي وش الفجر شارب قرف ومضيع الفلوس ف الاومار والشرب محدش عارف يوفقه من يوم ماآدم سافر يدرس برا وهو معتش فارق معاه حد خالص
نور بحزن: ولله مانا عارفه اي اخره كل ده ياميرا المهم تخلي بالك من نفسك انتي ومن ماما وتقفلي عليكي الباب كويس وانتي نايمه الامر ميسلمش ياحبيبتي فهماني
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
