دخل عند نور شافها متوصله بالاجهزه ومنظرها يوجع القلب قرب منها وقعد ع الكرسي مسك ايدها......
بلال بدموع: انا اسف يانور عيني انا اسف وحقك علي عيني وراسي وقلبي انا معترف ان انا كنت قاسي ووحش معاكي معترف ان وريتك ايام وحشه اووي وانتي متستهليش ان اعمل معاكي كده مردتلكيش الجميل ال عملتيه معايا ليكي حق تزعلي مني وتخاصميني بس ارجوكي متعمليش فيا كده وتبعدي عني ارجوكي يانور انا مش هقدر اتحمل انك تبعدي عني او ان انا اخسرك فوقي يانور فوقي ياحبيبتي وكلميني
حط دماغه علي ايدها وعيط عياط ندم ووجع حس بإيد علي كتفه رفع دماغه لقاهم معاه ف الاوضه.....
ياسر: قوم يابني وسيبها ترتاح هي اكيد سمعاك وحاسه بيك قوم ياحبيبي اطلع برا
إبراهيم: ايوه قوم تعالي ارتاح انت كمان مرتحتش بقالك يومين
خدو باسم ونزل بيه يحاول يخليه ياكل او يرتاح...
إبراهيم راح عند الباب واتسحب براحه يبص عليه يشوفو نزل ولا لا.....
ياسر بصوت واطي: نزل؟؟!
إبراهيم: اه نزل
إبراهيم: اظهر وبان عليك الامان
نور: ولله حرام عليكم قلبي واجعني اووي
إبراهيم: صدقي احنا غلطانين يلا يابابا نقوله الحقيقه
نور: خلاص ياسوسه انا بس صعبان عليا مش قادره اشوفو ف الحاله دي
ياسر: علي عيني انا كمان يبنتي بس ابني وانا عارفه مش هيتراجع عن ال ف دماغه حتي لو روحه فيكي غير لما يحس انه هيخسرك بجد
نور بحزن : مكنتش عايزه يحصل كده يابابا ولا ان انا افرض نفسي عليه
ياسر: ايه الكلام ده يانور هتزعليني منك يابنتي مفيش الكلام ده ده جوزك يابنتي وحقك وحلتلك ولو انا مش واثق من حبه ليكي مكنتش اشتركت معاكم ف الجريمه دي 😂💔
نور بضحك: لا بس ايه الدماغ دي ياواد ياهيما يخربيتك ده انت رهيب
إبراهيم بفخر: انا عندي مواهب وقدرات خاصه ياماما انتو ال مش عارفين قيمتي
ياسر بضحك: طب يلا ياخويا نطلع برا احسن مانتكشف وبلال يعرفنا قيمتك كويس
فلاش باڪ.....
بعد ما طلعت ورا بلال رن فونها وهي علي باب الاوضه كانت الايربودز ف ودنها فتحتها وردت علي ابراهيم ولسه داخله الاوضه بلال فضل يزعق وهي من الاحراج سكتت وابراهيم لسه معاها ع الخط.....
بلال بغضب: هي حصلت ياهانم انك تتكلمي معاهم ف حاجه زي دي
نور بصدمه: انت بتقول ايه؟؟؟ انت اتجنتتت!!!!! انت ازاي تفكر ان ممكن اقول لبابا حاجه زي كده
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
