نور بخضه: ايه ده عمييييي
نزلت نور جري علي السلم......
عاطف بزعيق: انا عاوزه اعرف بنتي بتعمل ايه عندكم
ياسر: هتكون بتعمل ايه يعني ياحاج صلي ع النبي واقعد كده بس وهنفهمك
نور: ايه ده ف اي ياعمي وانت جاي بتعمل ايه ف مكان شغلي
قام عاطف ومسكها من شعرها: هو ده الشغل ال الاضافي ال بتقولي عليه تبقي ممرضه لشاب وتباتي عنده كمان انا فعلا مغلطتش لما قولت معرفتش اربيكي
نور بصراخ: ااااه سبني انت بتعمل اييه
إبراهيم بزعيق: انت بتقول إيه ياراجل انت احترم نفسك
ياسر بزعيق: إبراهيم عييب كده اقعد ياحج واحنا هنفهمك علي كل حاجه
ساب عاطف نور وقعد بغضب: قعدت اهو عاوز افهم
ياسر بهدوء: بنت حضرتك بتشتغل هنا فعلا ممرضه لشاب تعبان والشاب ده ابني وفعلا بتبات هنا بس الفرق البسيط ان ابني ف غيبوبه بقاله 5 سنين ف السرير يعني مفيش عليها ضرر واحنا كلنا حواليها وبنعاملها زي بنتنا واكتر
عاطف بهدوء: يابيه انا مبقولش علي كده ربنا يشفيلك ابنك بس مينفعش تقعد هنا معاه وتبات كمان مهما كان غريب عنها
نور بضيق: جرا إيه ياعمي هو انت لسه جاي تفتكر تقول كده مرفضتش ليه لما قولتلك ان ف شغل بشكل ده وهبات فيه كمان فجأه كده افتكرت ان ليك بنت
إبراهيم: هو ابوكي ولا عمك
نور: عمي
ياسر بهدوء: يعني انت حضرتك المطلوب ايه ياحج احنا مش بنعذبها هنا بالعكس بنعاملها احسن معامله وكمان بنديلها مرتب كويس
عاطف بخبث: كام يعني؟؟
ياسر وابراهيم بصو لبعض بإستغراب....
نور بإحراج وضيق: هو ده ال همك يعني بيدوني 4 الاف مع مرتب المستشفي
عاطف بطمع: قليلين علي تعبك وشغلك وبياتك كمان
نور بزعيق: هو انا كنت اشتكيت ولا انت جاي تساومهم
ياسر بهدوء: حضرتك تحب نديلها كام ياحاج
عاطف بطمع وخبث: الضعف 8 مثلا
نور بشهقه: انت بتقول ايه انت ليه مصمم تخليني اتعامل معاك بأسلوب مش كويس قدامهم
ياسر: خلاص خلاص انا موافق 8 مفيش مشكله
عاطف بفرح: خلاص كده مفيش مشكله ومالو الشغل مش عيب برضو ومفيش حرمانيه لانه مش فايق يلا انا همشي انا
إبراهيم بسخريه: ياسبحان الله دلوقتي مبقش حرام ونفع
نور بإحراج: انا اسفه ياعمو ياسر
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
