الكل اتفزع وطلع يجري علي فوق بخوف....
عماد بخوف: بلال مالك يابلال رد عليا
ياسر برعب: مالك يبني ف ايه
عماد: حصل ايه ياساره
ساره بخوف: كنا بنتكلم عادي وجه يتعدل مقدرش فضل يصرخ ويقولي مش حاسس برجلي حاولنا نهديه انا ونور معرفناش واغني عليه
نور بدموع: كان لازم تقولو وتعرفه ياعماد موضوع رجله ده انت ال مرضتش
ياسر بقلق: موضوع ايه يبني فهمني
عماد: نفوقه بس الاول ياعمي وهفهمك
بعد محاولات ولحظات فاق بلال وفضل يرتعش جامد ودموعه نازله علي خده بصمت....
عماد بتنهيده: بلال اسمعني ياصاحبي رجلك دي مش حاجه خطيره انشالله الموضوع بسيط كل الحكايه ان حصلها تصلب من المده الطويله ال انت قعدتها ف الغيبوبه والدكاتره هيبدأو معاك العلاج الطبيعي من اول النهارده زمانهم علي وصول اهم حاجه نفسيتك تكون كويسه ارجوك يابلال احنا ماصدقنا ان ربنا رجعك لينا بألف سلامه قلبك تعبان هو كمان ومينفعش تضغط عليه اكتر من كده
ياسر بحزن: متزعلش نفسك ياحبيبي قضا اخف من قضا وطالما الوضع مؤقت هتتعافي بإذن واحد أحد ال قومك بعد السنين دي كلها قادر يكمل شفاك علي خير
بلال بصمت ودموع اومأ راسه بهدوء وسكتت....
عماد: يلا ياساره يلا ياعمي نسيبو يرتاح لا خليكي انتي جمبه
خرجو كلهم وطلعو برا الاوضه وسابوه مع نور....
نور بتوتر: انشالله هتبقي كويس متقلقش اهم حاجه ان انت وسطنا ومعانا
بلال: انتي مين وليه بعيده اوي كده هو انتي مغصوبه علي الجوازه دي
نور بصدمه: لا ولله العظيم انت فاهم غلط
بلال: طب فهميني
نور: هفهمك علي كل حاجه عشان لو لينا نصيب مع بعض نبدأ علي نضيف
نور: ف الاول خالص كانو محتاجين ممرضه تفضل جمبك ومعاك لان جسمك كان بيحصلو حركات لا ايراديه وقلبك كان تعبان وانا ممرضه ف مستشفي الدكتور عمر جمعنا وطلب ممرضه ووقع الاختيار عليا انا رفضت ف الاول بس بعدها احتجت فلوس وجيت قعدت هنا شهر وبعدها عمي جه وفضل يزعق ان انا ازاي قاعده وببات مع حد غريب حتي لو انت مش فايق وكانت تلكيكه منه وموضوع عمي ده هحكيلك عليه مره تانيه المهم طلب من والدك ان يزود المرتب وفعلا زوده الضعف بعدها بفتره لقيت والدك بيكلمني ويقولي عمك جه وطلب مني ان اجوزك ل بلال بحجه ان يبقي حلال ان اقعد معاك وكده رفضت ف الاول بس بعدها هددني ان لو متجوزتكش انا هيجوز ميرا اختي ليك وميرا لسه ف اول سنه ف الجامعه خفت عليها ووافقت انا واتجوزتك قعدت معاك 5 شهور وف الفتره دي اتغير حاجات كتير اوي اوي ف الاول كنت بحس ان انت مسؤليتي وانت ملزوم مني وده حقي عليك ان افضل جمبك بس بعدها كل حاجه اختلفت بالنسبه ليا كنت بقعد معاك كل يوم واحكيلك كل تفاصيل كبيره وصغيره كنت بفضل احكي معاك لحد مانام وانا بتكلم لحد ماربنا رجعك لينا بسلامه بس هي دي كل الحكايه
أنت تقرأ
عشقته ف غيبوبته
Randomالحياة مش أمان للدرجة إللي إنت متصورها ممكن يأذيك أكتر شخص كنت بتخاف عليه من الأذي .
