عشقته ف غيبوبته

Part 26

ف المكتب عند بلال دخل عماد ومعاه بلال ابنه..

بلال بفرحه: حبيب عمووووو واحشتني ياصغنن

بلال (الصغير)  ببراءه: وانت كمان يابابلو واحشتني اوي

بلال: انت هنا من امتا

عماد بغيظ : هو مفيش غير السحليه ده بس ال دخل المكتب ولا ايه

بلال: ازاي ياعم لا طبعا ف حمار كبير اهو سحليه ف عينك ده قلب بابلو ده

بلال (الصغير): 😂🤭

بلال: هاا قولي تحب تشرب ايه

بلال(الصغير): بيبسي

عماد: لا بيبسي لا انت تعبان

بلال (الصغير): بس انا عاوز اشرب بيبسي ماليش دعوه

بلال بهدوء: طب ايه رائيك نشرب عصير فرواوله باللبن الاول ولما نتغدي نجيب بيبسي نحبس بيه الاكل بس هتيجي معايا البيت ها قولت ايه

بلال (الصغير) بفرحه: موافق

فضل بلال يلعب مع بلال الصغير ويزغزغه ويضحكو قعد عماد يبص عليهم بحب واتمني ان ربنا يرزقه بذريه الصالحه....

-----------------------------------------

عماد: باسم كلمك؟؟!

بلال: لا ليه

عماد بإستغراب: غريبه ده كتب كتابه بكره هو مقالكش ولا ايه

بلال: ايوه قالي علي ده انما فكرت ده ف حاجه تبع الشغل

عماد: طب هتاخد نورران ولا ايه هو قال انه هيعملو ف المسجد

بلال: لا ملوش لازمه طالما ف المسجد نروح احنا بس

عماد: خلاص ماشي تمام علي خيره الله

كانت قاعده ف الاوضه هتموت من القلق عليه واحشها اووي ونفسها يرجع وتعتذرله.....

نور: ارجع بقي يابلال ايه التقل ده معقوله هونت عليك من امبارح كده مترجعش ولا اشوفك 💔
______________________________________

رجع بلال البيت ومعاه بلال الصغير نايم وشايله  فتح باب الاوضه لقاها قاعده علي الكنبه واول مادخل قامت وقفت.....

بلال بجفا: مساء الخير

نور بلهفه: مساء النوور انت جبت بلال معاك طب هاته

بلال: متشكر سبيه انا هنيمه

فتح بلال الشزلونج بتاع الكنبه ونيم الصغير وغطاه.....

نور: هاته جمبي هنا

بلال: لا احنا هنام هنا متشغليش بالك بينا

سابها ودخل غير هدومه وطلع نام جمب الطفل...

قعدت نور بحزن علي السرير وتبص له وهو نام علي ضهره وحط ايده علي دماغه ونام......