رواية #فرحة_هشة

الجزء الرابع والعشرين

الحلقة #24 من رواية #فرحة_هشة
هناك ديوٌن لا تُسقطها الأقدار من الأعناق …كدين رجل خذل زوجته :[
•
•
وصلوا لمطار شارل ديغول :]
اول ماطلعوا من المطار بعد ماخدوا شناطيهم وحولوا بعض من الدولارات للاورو, ضربهم الصقع :[
منار جتها التقشعريرة :[ , اما سراج لبس جيبوطي ^_^
تكلم وهو يشوف فيها ترعش > اني قتلك صقع .. خشي الداخل خلي نجيب التاكسي لاهني , حتى اني مش قادر نتحرك :[
لا مانبيش نولي مع بعض ^_^
- معندك >_<
- تو كيف عرفت ؟ :P
- لا به هيا ..
مشوا ركبوا للتاكسي .. تكلم سراج بالفرنسية > مرحباً ..
- مرحباً أهلاً بكم بباريس ..
- شكراً لك , عزيزي لو تكرمت إلى فندق الماريوت في شارع الشانزليزية ..
- بالتأكيد , هيا بنا ..
تلفت التالي وشافها حاطة يديها قدام فمها وتنفخ فيهم :[ , ابتسم وقال > مش للدرجة هادي :[
- والله اللا صقععععع ..
- قتلك من الاول البسي باهي :[
- عادي تو ندفأ ~كحت~ :[ سراج بلله عليك قوله يسكر الدخان ..
- غريبة فتحة قبل ما يستأذن أصلا !!!
وفجأة التاكسي تكلم بالعربي > أنا آسف :[
سراج شافله وهو مستغرب وقال > انت عربي ؟
- نعم أنا من المغرب ^_^ ولكنني لا أعرف أتحدث العربية كثيرا :[
تكلم سراج بالفرنسي > جميل , أفهم من كلامك مغترب منذ الطفولة ؟
- أجل عائلتي إستقرت هنا و عمري كان 4 سنوات ..
منار بتعفليق > شن تقوووولووا ؟ >_<
ضحك سراج وقال > هههههه بلا قصقصة خلاص هششش ..
منار بتسهويك > بغنجغ بتبنلغ كلهيغ فتسفيغ ..
سراج + صاحب التاكسي > هههههههههههههههههههههههههه ..
وكمل سراج بعد الضحكة > مهبوووولة ..
تملكت الشجاعة وسألت بالانجليزية > هل تعرف التحدث بالانجليزية ؟
رد صاحب التاكسي بابتسامة > بالتأكيد , أنتم من أين ؟
ردت منآر بسرعة > ليبيآ ..
- أهلاً بكمُ , هل أنتم عرسان ؟
سراج > نعم إننا عرسان بضعة أشهر ^_^
- هل حدث وزرتم باريس قبل الآن ؟
سراج > أنا زرتها وعشت بها سنتين , ولكن هي هذه أول مرة ..
- و لكن ستكون هذه المرة أجمل من سابِقيها …
منار > لماذا ؟
ابتسم صاحب التاكسي وقال > لأنه معكِ , كما تعلمين باريس مدينة العشاق و مدينة العطور والأنوار والرومنسية ..
سراج بالليبي > هي وصلنا ..
منار > به هي ..
صاحب التاكسي بابتسامة وهو يمد في كرت > هذا رقمي تريدون أي خدمة يمكنني أن أخدمكم ..
مد يده وخدي الكرت بابتسامة > شكرا تشرفت بك ..
نزل صاحب التاكسي ونزل الشناطي من الكوفينو , خلصة سراج وخشوا للفندق ..
قعمزت منآر تستنى مابين سراج دآر الإجراءات ^_^
بعد نص ساعة جاها > هي نوضي ^_^
ناضت معاه ومشوا لدارهم :]
بدلوا , وصلوا العشاء ,ورقدوا طول  ..
*
*
ناضت قبله تكسلت شوية ..
خشت للحمام *حشاكم* توضت وصلت , ولبست حوايجها ومشت تنوض فيه ..
قربت منه قعمزت عالسرير وشدت يده > سراج سراج ..
ماكانش حاس بحااجة راقد ^_^ , عاودت > سيرجوووووو ..
نخلع وناض مقعمز !!! فتح عيونه ولقاها قدامه لابسة حوايجها !! > شنننننننن ؟
- هيا نوض ..
حط يده على فمه اتاوب > خيرك حالمة بالطلووع ؟
- مش جاين احني باش نرقدوا ..
- به ساعة 9 مزال بكري ..
- هياااا ~ومشت لجيها البلاكونة وجبدت الستار~ شوف الشعب النشيط كيف عشت معاهم قولي ؟
- به انتي تو وين تبي تمشي ؟
- اني امس ماتعشيتش جعااااااانة نبي نفطر وبعدين نبي نمشي لبرج ايفل ..
- البرج مزااااااال في الليل احللللى ..
- به غير هيا نوض انت ..
- في حد قبلي قالك انك مزعجة ؟
قعمزت عالسرير وحطت يدها على خدها , وتكدرت شوية > ايه بابا كان يقولي نقناقة ومزعجة وبكاية :[
شافلها وابتسم قال > الله يرحمه , به انتي بتقلبيها درامة ؟
- لا بس هيا نوض , لا نتحولك من مزعجة لبكاية :[
ناض بعد ما حرقلها دمها شوية >_<
لبس حوايجة نخلع لما شافها !!!! , تكلم وهو يشوفلها > خيرك وليتي بقرة !!!؟ :[
- ههههههههههههههههههههههههههههههه تي من الصقع قريب لبست حوايجي كلهم :[
- قصدك انتي بتطلعي معاي هكي ؟
- ايه ..
- لا امرضي وخودي بردة وحنقعد نحبك وعد مني …
- سراااااااااج والله اللا صقعععع :[
شد في يديها وقعمز عالسرير > به شوفي بنقولك حاجة ..
- به شني ؟
- قعمزي وتو نجيك ..
قعمزت وهو ناض جاب الكاميرا ..
- هي شوفي للكاميرا وقولي تشييييز ..
شفتله باستغراب وهي مش عارفة شن دخل الكاميرا في الموضوع !!! .. ابتسمت وهي تبي تعرف لوين يبي يوصل ..
صورها وضحك بصوت عالي > ههههههههههههههه تعالي شوفي روحك ..
ناضت وشافت روحها في الكاميرا , شهقت وتكلمت بخجل > قصدك سراج هادي اني ؟
خيرني طالعة دبل سمونية ..
- تعرفي تقول عليك المهرج هداكاي ..
ضربته بخفة على كتفه , وقالت > خزيي عليييك ..
- والله ما نبصر اني ..
- به :[
- شن قررتي تخففي شوية ؟
- اكيد مش على خاطرك راااه ..
- امالة على خاطر مني ؟ :[
- على خاطر جمالي اللي في الكاميرا :[
- ههههههههههه به هي نستنى فيك حتى اني جعتتتتتتتت ..
*
*
طلعوا مشوا فطروا , وبعدين داروا دورة في شارع الشانزليزية من ساحة الكونكورد لي قوس النصر ^_^
بعدين مشوا لمتحف اللوفر :] ومنار اول ماخشت تسأل على لوحة موناليزا الشهيرة ^_^
لادوا في المتحف في كل اقسامه :] بعدين انطلقوا بالقطار لنهر السين خدوا سفينة وتغدوا غادي ^_^
وبعدها مشوا لغابة بولونيا ^_^
منار تعبت تبي تروح بس سراج ماخلهاش يبي ينتقم منها :[
واحسن شيء قدرت اديره هي ان تصور اي حاجة تشوفها :[
وحان الوقت الى برج Eifel :] :*
*
*
وهي تشوف للبرج ومبتسمة > وآخيرآآآ :]
- هههههههههههههه هي تعالي نمشوا نشروا تذاكر ..
- هياااا ..
شروا التذاكر وركبوا في الاسنسير ..
هي سرحانة تشوف من مرش الأسنسير اللي يخوف في الاعمدة اللي خاشة بعضها , وصلها صوته وهو شادلها يدها > هيا نطلعوا وقف عالدور الأول ….
- سراج خلينا نركبوا للدور التالت طول ..
- به براحتك :]
طلعوا من الاسنسير شافت الناس من فوق مايبانوش :[ او بالاحرى يبانو صغااااار هلبة :]
داروا دورة في الادوار الاتنين التانين ..
صوروا مع بعض بعد ماطلبوا من شخص من المارة يصورهم ..
وتم اول يوم شاق ليهم , شعور حلوا لما تمشي لمكان رمز للحب وبدات مع الشخص اللي تحسي معاه بالحب شريك حياتك ونصك الثاني , تعرفي ان المكان هدا شهد على الحب اللي مابينكم بمجرد ان مشيتوله مع بعض ..
*
*
وتمت العشرة ايام عليهم بسرعة , زاروا فيها اغلب معالم باريس السياحية , وفلست بيه منار من جرة شارع الشانزليزية ..
رجعوا لليبيا …
•
•
أريدك معي كسوء حظي لا تفارقني ابدا
:]
•
•
يتبع ~~
#Orjwan ~_~