رواية #فرحة_هشة

الجزء الرابع

الحلقة #الرابعة من رواية #فرحة_هشة
كم نتمنى أن نحذف شخص من حياتنا والقليل من مواقفنا معه ونستبذلهم بالكثير من النسيان ..
ياليت نستطيع أن نفعل ذلك !!!
•
•
وفجأة ربيع شاف بنت يعرفها !!!
ربيع بالإيطالية > ريتا ..!!؟
ريتا تلفتتله > مرحباً ..
ربيع تقدم وسلم عليها > كيف حالك ؟
ريتا > أنا بخير و أنت ؟
ربيع تنهد > أنتي تعلمي جيداً كيف هو حالي ..
ريتا قعدت تشوف لمنار وسراج > هؤلاء معارفك ؟
ربيع > نعم أنه صديقي وزوجته يقضيان شهر العسل هنا ..
ريتا > اوو .. كم هو جميل ..
ربيع > ماذا تفعلين هنا ؟
ريتا > لا شيء أتيت حتى أشتري بعض من الملابس هنا من شارع كوندوتي ..
منار وسراج يشوفوا بس لأن مش فاهمين حاجة !!!
ربيع > هل يمكنني أن أعرفهم عليك ؟
ريتا > بالتأكيد أتشرف ..
ربيع > تعرفوا تتكلموا انجليزي ؟
سراج > ايه ..
منار > نعرف ايه ..
ربيع > هادي ريتا بنت كنت نعرفها ويمكن حتى حبينا بعض بس كان نصيبنا الفراق وتو شفتها اهني صدفة وهدا كل شيء ,هي تعرف تتكلم انجليزي لو تبو تسلموا عليها ..
منار بالانجليزية > مرحبا ريتا .. أنا منار ^_^
ريتا ابتسمت وبالانجليزية > مرحباً ,تشرفت بِك منار ,وأنا ريتا ..
تقدم سراج > مرحباً أنا سراج زوج منار ^_^
ريتا بابتسامة > مرحباً سراج ^_^
ربيع > هي تبي تشري حوايج من شارع اهني تبو نمشوا معاها او بتقعدوا اهني ..
منار > ايه هي  نمشوا نبي نشري حجات ..
ربيع > لا يمانعك لو ذهبنا معك إلى المحلات ,منار تريد أن تشتري ملابس هي أيضاً  ..
ريتا بفرحة > بالطبع يسعدني ذلك يلا بنا ..
ربيع > منار بري معاها وهدرزي معاها واطلقي سراج شوية سادك .. وأحني ماشين وراكم ..
منار > نتحشم ..
ربيع > تتحشمي من شني ؟
سراج > يلاا هيا ^_^ صاحبنا يبيك ترديهم ..
منار > يللا نعرف ندوي معاها باش نردهم مرة وحدة ..
ربيع > هههههههههههههه نعرفكم زي قلتكم ,غير هدرزي معاها بس ..
منار تلفتت لريتا وقربت منها > يلا نذهب عزيزتي ..
ريتا > هيا بنا ..
مشوا شروا حجات مع بعض ومشوا لكافي قعمزوا يشربوا في كبتشينوا وياكلوا حاجة حلوة ^_^
ريتا > هل تسوحتوا خارج روما ؟
منار > لا ,أنا أريد أن أذهب لفينيسيا ..
ريتا > اوو .. إنها مدينة جميلة تستحق الزيارة ..
لماذا لم تزُروها ؟
منار > لا أعلم هههههه ..
ريتا > إذ ترغبين الذهاب إليها .. لا مانع لو رفقتكما يوماً ما .. إنها مدينة أكثر من رائعة ..
منار ابتسمت وغمزت لربيع > بالتأكيد نتشرف بذلك ^_^
ريتا > اذن اتركي لي رقم هاتفك وسأهتِفُك عندما أرتب البعض من الأعمال ....
منار بابتسامة > حسناً ..  هذا رقمي *********
ريتا > سنبقى على تواصل ..
منار > بالتأكيد ..
ريتا وهي توقف > حسناً .. تأخر الوقت أنا أستأذن الآن ,بيننا لقاء آخر ..
ربيع > إلى أين ؟
ريتا > البيت ..
ربيع > سنرافقك ..
ريتا > لا داعي ..
ربيع > كما تُريدين..
ريتا > مع السلامة ..
منار + ربيع + سراج > سلام ..
مشت ريتا على حالها .. وبدوا منار وسراج في التلقيح :[
سراج وهو يغمزله > صار العزوبية حلوه >_<
منار > باين باين ..
ربيع > فكوني منكم ..!
سراج > به نقولك حاجة ؟؟
ربيع > اتحفناا ؟
سراج > لما بنمشوا لفينيسيا ماتمشيش معانا ..
ربيع > ولا في احلامك ..
منار > هههههههههههههههههههه ..
سراج > ااااااااااه يا خالتي كلثوم ماتندريش على ولدك ..
ربيع تنهد > من قال ماتندريش ؟
منار > به احكي …
ربيع > مش عارف شن بنقول ..
>
ربيع > حبينا بعض وتعلقنا ببعض كانت تخدم معاي في مكتب سياحي بس مش نفس هدا اللي نخدم فيه .. توا .. قررنا نتزوجوا ,قلت لامي ولكن امي رفضت ..
منار > بالطبيعي ترفض هي مش مسلمة اول شيء وتاني شيء اكيد لما حتتزوجوا مش حتعيشو في ليبيا ..
ربيع > البنت قالت عادي نسلمم ونؤمن بلله .. بس امي رفضت بس لانها مش ليبية ومش هي اللي اختارتهالي !!!
سراج > ربيع رد بالك تفرط فيها ..
ربيع > بس كل شيء تم وفات .. شفت تعاملها البارد معاي ..!!
منار > يمكن مزال تحبك انت ماتندريش ..
ربيع > بس صادتني هلبة هي ..
منار > هي اكيد حادير هكي وتشوف في هدا صعب لانها عايشة في مجتمع غربي ..مافيشي هكي قصص ان الولد مايتزوجش على خاطر امه و و و …
سراج > نقولك حاجة ..
ربيع > اها ؟
سراج > لو هي مزال تبيك .. خليها تسلم واعطيها فرصة وعاود كلم امك ولو رفضت تاني .. برة صلي صلاة الاستخارة وتوكل على الله وتزوج على سنة الله ورسولة ..
ربيع تنهد > مش عارف .. بس رضاها ..!!
سراج > ربيع نعرفك بين نارين بس انت في مرحلة تقدر تفكر فيها وتتخذ قرار ..
ربيع > هي تبي تزوجني تستنى فيا نروح لليبيا وكل يوم نتسبل بحاجة .. هارب مانبيش نولي باش ماتخطبليش وحدة ..
سراج انفعل وتذكر كل ماصارله مع منار > ردددددددد باااااااااااااااااااااااااااااااااااالك .. ماترتكبش الخطأ اللي ارتكبته اني سمعت كلامها وزوجتني وخلتني نتعذب وعيشتني في ندم .. أنت لو تزوجت مش حتسامح امك لان  بسببها حتعيش مع وحدة ماتحبهاش وماتستااهلكش .. بس لو تزوجت هادي يمكن امك ترضى عليك وتسامحك لما تشوفك فرحان وعايش معاها كويس ..
ربيع > لو قبلت بيااا ..
منار متأثرة باللي صاير معاه > أعطيها فرصة بس ..
ربيع > إن شاء الله ..
سراج > هيا ننوضوا ؟
ربيع > يلا ..
خلصوا وروحوا للفندق …
*
*
وهي تحذف في الشكاير اللي شادتهم > اااااااااااااااه تعبببب ..
سراج > ههههههههههههههه شن درتي يعني !!!؟
منار > ماشيء بس تعب >_<
سراج وهو يقعمز عالسرير > تعالي نكلموا ميمي ..
منار > هي كلمها نغسل يدية ونجيك ..
سراج > قتلك بنكلم ميمي .. مش بناكل ميمي باش تغسلي يديك ..!!
منار > هههههههههههههههههه مبردك .. نعرف بس النظافة من الايمان راااه :[
سراج > به ~~ الووو سبأ اهلين شن الجووو ..؟
سبأ > اهلين تمام به اللي تفكرتنا تو !!!
سراج > تي نسيت نششري شفرة امس اليوم كيف شريتها وتو كيف ولينا للفندق اتصلت بيكم ..
سبأ > اهاااااا شن جوكم غاادي ؟؟
سراج > اهو الحمد لله تمام ماشية .. شن جو امي وبوي وميمي ..
سبأ > تمام كويسين ميمي ماتقولش غير وين بابا ..
سراج > وينها اعطيهالي ..
سبأ > هي لحظة بس .. ميمي ميييمييي تعالي بابا يبيك ..
ميمي جت تجري > باااااابااااا ..
سراج > ياعيون بابا كيف حالك ؟
ميمي > باهي انت وين ؟
سراج > حبيبتي .. تو نجيك عندي شوية خدمة ..
سبأ توشوش لميمي > قوليله استحشتك هلبة ..
ميمي > بابا سبأ قتلي قوليلة
استحستث هلبة هلبة ..
سراج > ههههههههههه به قوليلي زي ماقالتلك سبأ ..
ميمي > به بنقولك ..
سراج > اها شن ؟
ميمي > عميمة سبأ مشت لحوش هديكا البنت ..
سراج > من هي ؟
سبأ > ماعاش تعاودي الدوة ..
ميمي > مشت لحوش هديكا البنت ورفعتني معاها .. لكن البنت هي مهناس قالولي حتى هي عندها خدمة !!
سراج > به ترة اعطيني سبأ ..
ميمي > به هات [هاك] ..
سبأ وهي تضحك > نعم ..
سراج > من هي البنت ؟
سبأ > مشيت لابرار ورفعتها معاي ..
سراج > قصدك هديكا البنت اللي تقصدها منار ؟ هههههههه ..
سبأ > هههههههههه ايه جو عليها بنتك ..
سراج > باهي باه وين امي ؟
سبأ > به لحظة تو نعطيهالك ~~ امييييييييي مامااااا سراج يبيك ..
جميلة ام سراج > السلام عليكم ..
سراج > وعليكم السلام كيف حالك يا امي ؟
جميلة > الحمد لله باهي كويسين احني كيف حالك انت وكيف حال مرتك ؟
سراج > كويسين الحمد لله ..
جميلة > باهي استمتعوا بوقتكم ..
سراج > ان شاء الله .. كيف حال ميمي معاك ؟
جميلة > كويسة اهو ماتبيش اللا عمتها سبأ ..
سراج > باهي امي اهيا منار تبي تكلمك تسلم عليك ..
جميلة > باه هاتها ..
منار >  السلام عليكم كيف حالك خالتي جميلة ..
جميلة > اهلين بنيتي الحمد لله كيف حالك انتي ؟
منار  > بخير كويسة ..
جميلة > شن الجو عندكم غادي صقع ؟
منار > ايه صقع ..
جميلة > باهي البسوا كويس وردوا بالكم على روحكم ..
منار > ان شاء الله .. بلله سلميلي على عمي والبنات ..
جميلة > باهي يوصل وانتم كلمونا مرة مرة ..
منار > حاضر ..
جميلة > مع السلامة ..
منار > في آمآن الله ..
سكروا مكالمتهم واتصلت منار بابرار ..
أبرار > السلام عليكم ..
منار > وعليكم السلام روبي .. كيف حالك ؟
ابرار > منااااااااااااااااااار في ايطاااالية !!؟
منار > هههههههههه ايه كيف عرفتي ؟
ابرار > عشقي عشقي من رقمك مفتاح الدولة عرفت اطااااالية ..
منار > به شن جوك يامطفوشة ..
أبرار > كويسة وانتي شن جو ايطااالية ؟
منار > تمام اهو الجو مليح ..
وشافت لسراج غمزتله وكملت > مادامي مع سراج كل شيء يولي مليييح ..
ابرار > اصلاً عااادي حتى اني  ولراامي لما نتزوجوا نقوله يرفعني لايطالية ..
منار > المهم جيتها قبلك ..
ابرار > اصلاً عادي ..
المهم معاي رامي حتى اني ..
منار > به قاعدين ماخديتوش صالة ؟
ابرار > لا نستنوا فيك تروحي باش نشوفوا مع بعض ..
منار > امتى قلتيلي بعد رمضان ؟
ابرار > ايه ..
منار > به ربي يتمملك على خير ياحنة ..
ابرار > يارب ..
منار > توصي على حاجة من اهني نجيبهالك للبتات او عرسك ؟
ابرار > لا عادي مافيش حاجة معينة يعني ..
منار > به خلاص تو نشوفلك .. وين ماما ؟
اعتطها امها وهدرزوا عادي وسكروا ..
سراج لاهي في الموبايل .. ومنار تتفرج عالتلفزيون ..
تلفتتله وشبحت الموبايل في يده > شن ادير ..!!
سراج >نتفرج عالصور ..
منار > صور مني ؟
سراج > العيلة _قام راسه ليها_ وكمل > تعرفي عندنا تو تلاتة منار في العيلة ؟
منار فتحت عيونها > كيف ؟
اني وميمي بنتك ومن تاني ؟
سراج > سندس عندها بنتها البكرة اسمها منار ..!!
منار > نعممممم ؟؟\

سراج > والله .. اللي شبحتيها في عرسنا ..شعرها كيرلي ..
منار > ايه عرفتها .. ولاش سمتها منار ؟؟
سراج > على خاطري ..
منار > ماتقولش انت اللي قلتلها سمي منار ؟
سراج > ههههههههه للاسف ..
منار > كيف اقنعتهم ..
سراج > اني قلت لسندس وامي قعدت تعبيلها في راسها تقوللها ماتسميش منار سمي اللي تبيه .. فبعدين مالقيتش اللا منير راجلها صاحبي ورفيقي اقنعته وسموها منار ..!!
منار > هي بنت سندس اكبر من ميمي بنتك صح ؟
سراج > ايه صح ..
منار > وفوق هكي كيف سميت بنتك منار :]
سراج > حتى هي امي قعدت تعارك فيا وتقولي ياسرك تزعبين والجو هدا بس سميتها سميتهاااا ..
منار > مجنون انت عندك علم ؟
سراج > نعرف ايييه من زماااان ..
منار > شن بانديروا لو بنتلاقوا في حوش واااحد …!!؟
سراج > ساهلة ..
انتي ينادوك منار مافيش حد يدلعك غيري طبعاً منوش ولا موني :D
وبنتي اكيد ميمي ..
وبنت سندس مدلعينها ميمه ^_^
منار > مواهب مواهب ..!!
سراج > ايه سكري السهارة هيااا ..
منار > به ^_^
•
•
كم جميل أن تثرثر مع من تحب و عن ما تحب لساعات طويلة •
ثمينة تلك الأوقات *
•
•
ناضوا ساعة 8  فطروا في الفندق ولادوا شوية بروحهم بحدة الفندق يستكشفوا ^_^
وجت ساعة 12 الظهر اتصل سراج بربيع ^_^ واتفقوا ان يجيهم ربيع العشية ^_^
سراج > وين تبي تمشي تو ؟
منار > هههههه مش عارفة والله ..!!
سراج هيا نتمشوا لي وين مارجلينا يرفعونا ...
منار > ترة احلف !!!
سراج > يس يس ..
منار > خود تاكسي ولا ناخدوا قطار ..
سراج > لالا المشي ريااضة رااه ..
منار > شن رايك نمشوا للسنما نتفرجوا على فلم ؟
سراج بتفكير > ايه يمكن .. بس تو ؟
منار > ايه كساد كسااااد ..
سراج > كله من ربيع قال اقعدوا بروحكم اليوم مش لازم مني .. اني اصريت عليه قالي تو نجيكم العشية  ..
منار > شكله دار موعد مع ريتا ..
سراج > ماظنيتش .. بس تحشم على روحه وتو كيف عرف ان احني عرسان ..
منار > ههههههههههه ..
سراج > بس عندي شرط  ..
منار > اللي هو ؟
سراج > في الليل نتفرجوا على فلم تاني ..
منار بتفكير > عادي ..
سراج > يلا..
مشوا تفرجوا على فلم ومنار ماخلتش من دموعها -_-
سراج > بجديات انتي تبكي ؟
منار > لاش ديما اللي نحبوهم مايكونوش لينا ؟
لاش ميت عائق وعائق لازم نتخطوهم باش نوصلوا لحبنا ؟
ولاش اللي نحبوهم يسيبونا بدون حساب لمشاعرنا ؟
سراج قرب منها ومسحلها دموعها > منار هدا فلم ناس تمثل لاش تبكي انتي تو ؟
منار > صح ناس تمثل بس تمثل في الواقع ..
سراج > به ماعاش تبكي ..
منار > أوعدني سراج ..
سراج > بشني ؟
منار > ماتسيبنيش .. ماتتخلاش علية ..
نعرف نفسي اني المرة الاولى اللي تخليت عليك بس من كثر حبي ليك .. كنت رافضاتك باش مانتعذبوش احني الاتنين .. كنت هداكا الوقت نفكر لو تزوجنا ومش حيكون لينا صغار حتى لو انت ماتبيش تتزوج امك حتزوجك .. لغيري بس لأن تبي حفيد من ولدها الوحيد ..  واني نتعذب بعد مانكونوا اني وياك على سرير واحد بس لأن مش حنجيبلك صغار _وبعبرتها_ حتجي وحدة بدالي وتاخد مكاني حتى لو مش في قلبك بس حتاخد مكاني جنبك .. بعد ما اني نكون حرم سراج هي حتكون حرم سراج .. بس لان نسبة علاجي كانت بسيطة حسب ماقالوا دكاترتنا في ليبيا اني مابيتش نتعب قلبي ونتعبك انت معاي .. وتخش في مشاكل مع العيلة بسببي .. اني مابيتش نكون انانية حتى لو اني كنت الضحية في هالشيء ..
•
•
نببكي على أشياء فقط لأنها ذكرتنا بماضينا •
يا دنيا أرجوكِ لا تحاولي تختبرينا مرة أُخرى *
يتبع ~~
#Orjwan ~_~