رواية #فرحة_هشة

الجزء التاسع والعشرين

الحلقة #29 من روآية #فرحة_هشة
إنتظآر بآهت يعـم بـ ضجيج آلإشتيآق يقف على نآفذة آلأمل قد تكسر آلغيآب و تآتي …!
•
•
فتح روآد آلبآب , لقي تلآتة رجآلة مسلحين قدآم آلحوش !!!
آستغرب صح كآن متوقع في آي وقت يجوه جمآعة آلكتآيب وكآن مجهز نفسه ليهم ومع ذلك نصدم لمآ شآفهم , تكلم بتلعثم > تفضلوآ ؟
تكلم وآحد منهم بصوت رجولي عآلي شوية > آحني ندوروآ في حد ونبوآ نفتشوآ آلحوش ..
شآفلهم  بصدمة , حآول يخلي نفسه طبيعي وتكلم > في من آدوروآ يآخوي ؟
تكلم آلتآني > وآحد آسمه سرآج سعيد **** , على مآ آعتقد آنتم عآطينه لبنتكم ..
روآد > هدآ سرآج من مدة مش آهني وآختي قآعدة عندنآ , ومآنندروش عليه هو وين ..
آلرآجل آلآول تكلم تآني بحدة > خلينآ نشوفوآ خدمتنآ , جآيتنآ آخبآر آنه من يومين في طرآبلس , لو في نسآوين في آلحوش قلهم يغطوآ رآسهم لآن بنخشوآ ..
نصدم لمآ عرف آن سرآج قآعد في طرآبلس , وخآف آن تصيرله حآجة , خش آلدآخل وضرب يده على رآسه وتكلم بشوية > آخ يآ سرآج شن جآبك آهني , شن ضمنك تقعد عآيش , لآش تعرض في نفسك للخطر :[
عدل صوته وخش لآمه وخوآته , وقآل > هآدوآ يبو يفتشوآ آلحوش يدوروآ على سرآج , آلبسوآ حآجة لآنهم بيخشوآ ..
منآر نصدمت لمآ عرفت آن يدوروآ فيه آكيد آمدآيرلهم حآجة كبيرة , مآعآش عرفت كيف تخلي نفسهآ طبيعية , حآطة يدهآ على قلبهآ وتدعي …
دخلهم روآد بعد مآآمه وخوآته لبسوآ , فتشوآ ودوروآ بعشوآئية ..
ميمي نآضت من آلنوم مخلوعة , نزلت من آلدروج وهي تبكي خآيفة , جت لمنآر ومدتلهآ يديهآ , نزلت لمستوآهآ و, قآمتهآ حطت رآسهآ على كتفهآ وبدت آطبطب عليهآ ..
آلرآجل آلآول تكلم وحآول يستعمل خبثة مع ميمي > يآ حلوة بآبآ وين ؟
ميمي تحك في عيونهآ وتتآوب ومآ ردتش عليه ..
عآود سألهآ > بآبآ وين ؟
عيون آلكل على ميمي , ومزآل مش مستوعبين حآجة ..لآش يدوروآ على سرآج ؟
وين هو ؟
وكآن شدوه شن بيصير ؟
قآلت وهي حآطة يدهآ على فمهآ تتآوب > بآبآ هو سآفل [بابا هو سآفر] ..
ضحك ضحكة هزوة وقآل > فعلآً هو سآفل وحقير وخآين ..
رجعت رقدت على كتف منآر من غير مآتعدل عليه , آمآ آلكل خآيف ومش قآدر ينطق حآجة , وعيون آلكل متجهآ لمنآر ..
طلعوآ بعد شوية من آلآهنآت , ووصف سرآج بآنه خآين ومش وطني و و و ..
منآر بعد مآحطت ميمي على آلسرير نزلت تآني وهي ترعش , لقتهم مهنآش تكلمت > شن صآير روآد ؟
تنهد برآحة لآنهم طلعوآ وقآل > قآلوآ آنه جآيتهم معلومآت آنه في طرآبلس ..
آمنة قآمت يديهآ فوق وتدعي > ربي يحميه , آن شآء آلله مآيلقوه , آللهم مآ آجعل كيدهم في نحرهم , آللهم آحفظه …
زآدت دقآت قلبهآ , خآيفة عليه وفكرت في هلبة حجآت , وكلهآ مش خير كم سمعت من قصة آن لو شدوآ وآحد عآرضهم حيقتلوه طول , قآلت وهي مش مستوعبة آللي فكرت فيه > به تو لو لقوه شن حيصير ؟
روآد > مش معروف , بس هو وين توآ لو آهني ؟
تنهدت وقآلت > آكيد يحآول يوصلنآ بس مآقدرش ..
روآد > آن شآء آلله خير وخلآص مآلينآش غير آلدعآء ..
منآر > حسبنآ آلله ونعم آلوكيل فيهم ..
*
*
من آمس مآرقدتش وهي تفكر فيه , آفكآر ترفع وتجيب فيهآ , وكل آللي فكرت فيه سيئ , قطع على تفكيرهآ شريىنة آلحوش آللي كآنت آقوى من آلمرة آلآولى , نخلعت وخآفت ,  , تكلمت بينهآ وبين نفسهآ وهي تبكي > آن شآء آلله خير يآربي , وآلله تعبت خلآص ..
نوضت روآد , ونزلت معآه , فتح آلبآب لقآه مؤيد ..
آنصدم لمآ شآفه , تكلم بحروف مبعثرة > خ.خ.ي..رر.ك شن ف.ف.فيه جآي آلصبح ؟
خش مؤيد وسكر بآب آلجنآن , آضبط روآد وبدي يبكي , وتكلم كلآم مش مفهوم ..
دفه روآد وهو مصدوم , عرف آن في حآجة صآيرة ولكن مآيبيش يعرف شن هي ..
طلعت منآر تجري لمآ سمعآته يبكي , وفجأة شآفت مؤيد قدآمهآ , قآلت وآلدموع ينزلوآ منهآ > شن شن فييه ؟
مآتقوليش سرآآآج ~وسكتت~ لآ يآآربي ..
دخلهم مؤيد آلدآخل مآيبيش آلجيرآن يسمعوآ , قآل وهو شآد نفسه ويكتم في عبرته > رآمي رآمي مش سرآج , رآمي مآآآآت ولد عمي مآت , مآت وهو مش على حق مآت ومآفيش حد رآضي عليه , خدآته آلموت قبل مآيطلب رضآء آمه وبوه ومرته ..
نصدمت ولآ آرآديآ صيحت > لآآآآآ كييييف ؟
كآنت آبرآر مقعمزة في آلدروج من فوق , لمآ نزلت منآر وآبرآر تسحآبة في خبر على سرآج آو يدوروآ فيه تآني , سمعتهم , سمعت خبر وفآة رآجلهآ , سمعت مؤيد بعبرته , سمعت عيطة آختهآ , يعني مآت رآجلهآ حق مآكآنتش تحلم :[
نآضت ومشت لدىر آمهآ ودموعهآ على خدهآ من غير صوت , لقتهآ تصلي وتدعي !!! آستنتهآ تقطع آلسلآم وآضبطتهآ وهي تبكي تقول > مآت يآمآمآ رآمي مآت قتلوه يآ مآمآ مآت ..
نزلوآ لوطة ولقوآ روآد ومنآر ومؤيد يبكوآ :[
شدت يد خوهآ وهي مصدومة وتقول > قووولي آللي سمعته غلط بالله عليك قوولي آن رآآآآآآمي لآآى , كيف مآآت كيف مآآت ..
روآد مصدوم زيهآ , وقعد سآكت ومش عآرف شن يقول ..
مؤيد > آلعزي في حوش عمي آلجنآزة آلظهر وهو ميت من آمس في آلليل , وآليوم قنآة آلقنفود نزلت آلخبر آلشهيد وآلبطل حميه على آلقآيد و و و و , فآدعوله بآلرحمة آني مآشي بنكمل مرآسم آلدفن مع عمي ~وطلع~ ..
خلآهم في صدمتهم مآبين كل دموعهم , مش مستوعبة آو مصدقة آللي سمعآته رآجلهآ مآت خدآته آلموت وهو مزآل عريس حتى سنة مآكملهآش , مآت ومش حيشوف ولده مآآت ..
شرين موبآيل لروآد بين آلعيآط , شآف آسم معآذ عآلشآشة طلع ورد بصوت هآرب > آيوآ معآذ ..
جآه صوت معآذ متكدر > آهلين خيرة صوتك هكي ؟
روآد > آللي شفته صح , نعرفوآ من غير مآتلف وآدور رآمي مآت ..
معآذ > آن لله وآن آليه رآجعون , ربي يسآمحه ويغفرله , آمتى آلجنآزة ؟
آلظهر ..
- مش حنلحق عليهآ , حنآخد آول طيآرة ونجي آن شآء آلله عن طريق تونس , حآول تهدي آبرآر ..
- آن شآء آلله خير ..
سكر وخش آلدآخل , لقي آمه تضبط في آبرآر وتبكي ..
آبرآر وهي تعيط > نبي نمشيله آرفعوني نبي نمشي , نبي نشوفه توآ نبي توآ , توآ نبيه توآ جيبهولي كيف يخليني كيف , هو قآل على خآطرنآ قآلي حنولي قآلي كل شيء حيولي آحسن من قبل توآ نبيه آني توآآ نبيه ~لين دهشت من آلعيآط~ …
مشوآ لحوش آلعزي وآبرآر مستمرة في آلعيآط لين نهآرت , جآبولهآ دكتورة وضربتلهآ يبرة مهدئ , رقدت وهي تهستر بآسم رآآمي ..
آلكل صعبت عليهم حآلة آبرآر , هي مش مصدقة آن رآجلهآ مآت قآعدة مآتهنتش بحبه , مزآل شآب صغير مآت وآلكل زعلآن منه ..
فآتت آلجنآزة وآلكل على آعصآبه آبرآر قآعدة مآنآضتش من آلمهدئ ..
آمه وخوآته مش مصدقين , كل آلعيلة متأثرين ..
قعدوآ هكي لين نآضت في آلليل آبرآر , لقت روحهآ في دآر مظلمه ومآفيش دوشة , تذكرت آللي صآر قعدت تبكي لآ آرآدية , شريك حيآتهآ وآب آللي في بطنهآ وحب تلاتة سنين واكتر , مات ماعاش بتشوفه ماعاش بتبصر عليه , ماعاش بتزعل منه ماعاش بيراضيها ..
دعت ربي يصبرهآ على مآ آبتلآهآ لين هدت , نآضت طلعت لقت آلخيمة منصوبة وآللون آلآسود سيطر عآلسمآء ..
عرفت آن جنآزة آغلى وآحد في حيآتهآ فآتتهآ , يعني مآودعتآش مآشفآتآش لآخر مرة , خلآص مشي وبلآ عودة :[
قعمزت بروحهآ من غير مآتكلم حد , جتهآ منآر وجآيبتلهآ مآكلة قعمزت جنبهآ وقآلت > آبرآر هدآ قضآء ربي , آدعيله مآتعذبيشي وهو في قبره , آنتي مآتقدريش تعآرضي ربي على شيء هو آختآره ..
آبرآر > آنتي مش حآسة بيآ في نآر في دآخلي نآر يآ منآر , فآرقني مشي من هآلدنيآ من غير مآنقوله آني سمحتك , ربي خدآه يآ منآر يعني مآعآش بنشوفه للآبد ..
مسحتلهآ دموعهآ وقآلت > آدعيلة وآن شآء آلله تشوفيه في آلآخرة , وبعدين عندك في بطنك ولد يحمل كل ملآمحه آكيد فربي عطيك نعمة حآفظي عليهآ ومآتخسريشي زي مآخسرتي رآمي , هيآ كولي ..
آبرآر > مآعنديش نيآ يآ منآر مش قآدرة نآكل ..
منآر > هيآ غصبي على نفسك بس على خآطر آللي في بطنك حرآم آللي آديرري فيه في نفسك وآلله ..
وكلتهآ شوية , مآبتش تغصب عليهآ آكثر خلتهآ برآحتهآ ..
•
•
آصعب آنوآع آلفرآق.فرآق آلموت
ـوآصعب آنوآع آلبكآء.بكآء آلموت
ـوآصعب آنوآع آلحنين.حنين آلموت
ـآنهآ آلحق آلذي لآ نملك آمآمه سوى آلآيمآن به!
•
•
وقعدوآ يستقبلوآ في آلنآس , لين فرشوآ ورقدوآ آلآغلب ..

منآر في آلكوجينآ تحط في آجبآن وحجآت تتكل , نآدت على ريم ورهآم ومودة ومهآ وآبرآر وآلكل ..
- هيآ كولوآ مش بآهي آللي آديروآ فيه في نفسكم وآلله من بكري مآحطيتوآ حىجة في فمكم ..
ريم وهي تبكي > مش قآدرة مزآل مش مستوعبة هدآ خوي مشي تقول عليه زي آلحلم وآلله ..
منآر > آدعولة بآلرحمة مفروض تصبروآ آمك وبوك , مآتزيدوش عليهم مآتزيدوهمش اكتر ..
مودة > ميمي وين يآ منآر ؟
منآر > حطهآ روآد في حوش حنآهآ آم آمهآ , قلت مآعندهآ لآش تقعد معآي وتشوف آلعزي ..
وفجأة خش مؤيد عليهم في آلكوجينى , تكلم وهو ملفت وجهه بآش مآيشوف لحد > منآر تعآلي ..
قآمت رآسهآ وشآفتله بآستغرآب > نعم مؤيد تبيني آني ؟
- آيه بسررعةة ..
- شن فيه ؟
- ماتكتريش آلكلآم تعآلي ..
- حطت حآجة على رآسهآ , طلعت ورآه لين وصلوآ للخيمة , خشت قآمت رآسهآ لقت محمد وروآد ومعآهم سرآج , نصدمت :]
مآعآش عرفت تفرح ولآ تبكي , آخطلت كل شيء في دآخلهآ , شوفته حركت شيء في دآخلهآ , كآن خآطرهآ تحضنه وتشم ريحته , فرحتهآ بيه مآطولتش هلبة لمآ تذكرت آن يدوروآ فيه , تكلمت بسرعة > آنت شن آدير آهني , سرآج بآلله عليك آهرب آهررررب , وآلله يدوروآ فيك ..
قرب منهآ وشدلهآ يدهآ > عظم آلله آجرك , آني جآي بنسلم عليك وبنكلم آلولآد في موضوع ومآشي آن شآء آلله ..
وفجأة يخشوآ ويقيموآ سرآج , قدآم عيونهآ , وهي مآقدرتش آدير حآجة , كل شيء جيء بسررعة :[
ومآفيش حد قدر يتكلم , شآفوه كيف ينهآن وكيف قآيمينة ومش قآدرين يتكلموآ معآهم كلمة , لآن يمكن كلمة تنهي حيآة وآحد فيهم ..
طآحت عآلآرض وبدت تبكي لمآ شآفتهم طلعوآ خلآص من آلبآب , شآفآته وهمآ يقيموآ فيه ويتحلفوآ فيه قدآم عيونهآ , نهآرت بآلبكي من بيصبرهآ توآ مني ؟
*
*
مروآ آيآم آلعزي آلتلآتة هكي ومنآر حآلهآ مش آحسن من حآل آبرآر ..
وآمنة حآيرة مآبينآتهم , مش عآرفة بتصبر آبرآر ولآ منآر , وحتى هي حآلهآ بدي يتدهور آلضغط آبدي يرتفع :[
آبرآر قعدت بترمي آلعدة في حوشهآ ومعآهآ آم رآمي , ومنآر معآهآ آمهآ في حوشهم ..
مرت آلآيآم على نفس آلحآل وتحررت طرآبلس من آلقذآفي ومزآل مآفيش خبر على سرآج ..
•
•
أُريدُ آخبآركْ .. آني آشتآق لك بلآ  حد ..
آيضآً أُريدُ آخبآركْ .. بـ آن آلحنين آهلكني آليك ..
أُريدُ آخبآركْ .. آنني آحبكَ يآ آنت ..!
•
•
يتبع ~~
#Orjwan ~_~