رواية #فرحة_هشة

الجزء العاشر

الحلقة #10 من رواية #فرحة_هشة
اليوم ولادة إنسانة جعلتنا سبب للفرح •
سينقش اليوم في ذاكرتنا مع ذكرياتنا *
•
•
مرت الأيام لين جي يوم ميلاد منار ..
عقارب الساعة جو على ساعة 12 ..
سراج > منار ..
منار > نعم ؟
سراج > قاعدة مريضة ؟
منار > ايه >_< زكمة في الصيف -_-
سراج > قاعدة زعلانة مني ؟
منار > عادي ..
سراج > به تعالي معاي ..
منار > لوين ؟
سراج > غير نوضي ..
منار > سراج خليني بنرقد تعبانة ..
سراج > به نبيك خمسة دقايق بس ..
ناضت وقفت > اها وين ؟
سراج > تعالي وراي ..
*
*
مشت وراه وخش بيها الصالون ..
لقت الصلون مزين بالشموع اللي اطلع في ريحة والورد متشرتع بشكل عشوائي ,باقة ورد فوق الطاولة وجنبها هديتين ..
سراج > كل سنة وأنتي طيبة يارب سنة حلوة عليك وتكوني فرحانة فيها ربي يطولي في عمرك ومايحرمني منك ^_^
غنالها بصوته العذب سنة حلوة ..
منار ضحكت > ههههههه وأنت طيب ربي يخليك ليا ..
سراج > عرفتي لاش تو مانبيش نخليك تباتي في حوش أهلك رغم مرضك ..
منار ابتسمت > ايه عرفت بس كان رايح من بالي -_-
سراج > في زي هدا اليوم اعترفتلك بحبي وفي هذا اليوم اني فرحت لأني قلتلك إني نحبك وبسبب هذا اليوم أني نجرحت وتشحورت هلبة ..
منار > كله من الماضي هدا ..
سراج > المهم ماتبيش تطفي شمعتك ال 24 ..
منار > ههههههه كبرت :[
سراج > به تلفتي وشوفي لطاولة الأكل ..
تلفتت ولقت عشي وتورطة كان عليها صورتها هي وياه ^_^
قربت من الطاولة > أمتى درت هدا كله ؟
سراج > مرضتك جت لصالحي للأسف :[
منار > هههههههههههههه به من سعدك اعترف ؟
سراج > العشي سندس دراته والباقي كله أني حبيبك الرومنسي ..
منار > ههههههههههههههه نحبك ..
سراج > أني أكثر وأكثر ^_^
منار > عيد ميلاد بالبيجامة -_-
سراج > في كل أحوالك طالعة حلوة ^_^
~وكملوا سهرتهم بروحهم~
*
*
ثاني يوم ناض دار دوش وصلة ونوضها ..
ناضت > صباح الخير ..
سراج > صباح النور كل سنة وأنتي طيبة ..
•
•
[سراج]
صباحي جميل
كـ جمآل سعآدتي بولادتكِ
في هذا اليوم
كـ جمآل بهجة أضافتك للحياة معنى,
كـ جمآلكِ في يوم ميلادكِ 3>
•
•
منار > ههههه وأنت طيب كم مرة بتقولها ..
سراج > هههههه نسحابة المرض كان مأثر عليك مرات نسيتي يعني ..
نوضي بنطلعوا ..
منار > صبح لوين ؟
سراج > ديما قصقصة انتي -_-
منار > فضول ..!
سراج > بنفطروا برة في مانع ؟
منار > فاااااشلة مريضة ..
سراج > تو تصحي غير نوضي ..
منار تذكرت > وأنت عندك خدمة ..
سراج > اجازة اليوم ..
منار > لاش ؟
سراج > مالحظتيش روحك تسألي هلبة ,اني طلبت عطلة لأن عيد ميلاد مرتي ..
منار> به ..
~ناضت وتت روحها وإنطلقوا ^_^~
*
*
فطرها ورفعها للبحر تمشوا شوية وقعمزوا عالشط هدرزوا وإنطلقوا للغدي ^_^
بعدين رفعها لحوش أمها ..
ولقت مفاجءة تانية ^_^
أبرار > خشي اهني ..
منار > لاش اني تعبانة نبي نركب نرقد ..
أبرار > غير خشي دقيقة ..
وخشت للدار والكل غنة > Happy birth day ^_^
شافت صحبااتها اضبطتهم طوووووول ..
رهف > استحشتككك ياحمارة ..
منار > والله حتتتى اني استحشتكم واستحشت ايامكم ..
أمل > احم احم اني هناااااا ..
سيبت رهف ومشت لأمل > لولو استحشتكككككك والله كل مانتذكر ايامنا نضحك ..
أمل > أنتي اللي هربتي علينا ..
منار > ههههههه خلاص تو قدام وجهكم 24 ساعة ..
ريناد أخت رهف > وسعو شوية خلي نسلم ~~ كل سنة وأنتي طيبة وبطولة عمرك يارب ..
منار > الله يسلمك ~~ باهي اللي جي عيد ميلادي باش شفتكم كلكم ..
رهف > ماتنسيش عرسك حتى هو تلقطنا كلنا ..
منار > هههههه هداك غير ..
عهد > كل سنة وأنتي طيبة ياحماااتي ..
منار > هههه وانتي بخير سلمك ..
قصي > كل ثنة وأنتي طيبة عمتو ~ومشي باسها~
قماته وقعمزاته > وأنت طيب حبيبي ..
رهف > شن جو إيطالية ؟
منار > هههههههه حلو هيجت ..
أمل > أحسن سفرة ..
منار > بالزبط وكان معانا صاحب سراج دهورنا ورفعنا لأماكن مش عادية ..
رهف > باهي غيرتوا جو ..
منار > ايه ~~ وين الصغار ؟
أمل > اني ياسين قاعد مع بوه ..
منار > مربي عليه كبيدة ..
أمل > هههههههه عاد الوحيد نتعاركوا عليه احني الاتنين ..
منار > ههههههههه خاطري نشوفه ..
رهف > وأني عند أمي خليتهم ..
منار > أها لاش ماجبتيهمش ؟
رهف > حيتعبوني ,وهي قتلي خليهم انتي ليك هلبة ماشفتيهاش صاحبتك لما جبت ريناد خدتهم ..
منار > ايه والله حتى التلاتة الشهور اللي قعدتهم من لما روحت نشوفوا في بعض خطف كنت نوتي للبتاات ..
أمل > لكن من قال بعد تلاتة سنين ..
رهف > نصيب ..
منار > امالة وين ماما ؟
عهد > راقدة تعبت اليوم قالت خلي نرتاح شوية ..
منار > لاش خيرها ؟
عهد > والله دارت ماكلة للعيد ميلاد ..
منار > لاش متعبة روحها ..؟
عهد > قلنالها اني وأبرار هي سكرت راسها مابتناش انديروا حاجة ..
منار > مع من ختطوا انتم ؟
عهد > أبرار هي وسراج ..
منار > ياسلام :$ واني راقدة على وداني ..
عهد > ههههههههه تعيشي وتاكلي غيرها ..
وفجأة خشت أبرار هي والتورطة ..
أبرار > منار أطلعي محمد يبيك ..
منار > اها باهي ..
وناضت طلعتله ..
محمد > كل سنة وأنتي طييييبة . ربي يطولك في عمرك لين تشوفي صغار صغارك ان شاء الله ربي يسعدك ويفرحك على طول ربي يعطيك مافي بالك ..
~وعطاها هديتها~ > وهادي مني ومن عهد وقصي ,والتوأم المرة هادي اعفي عليهم ..
منار > ههههههههه عادي وحتى قصي ياناري ..
محمد > هو اللي يقولي نبي هدية لعمتو ..
منار > وخيتي سلمه ..
محمد > اني طالع تبو حاجة ؟
منار > لا صحيت ..
محمد > سلمك ..
*
*
رهف > أبرار اركبي نوضي امك باش تشوف منار وهي تطفي في الشمعة ..
أبرار > باهي ..
منار > يعني لازم اديروا 24  ذليتوني -_-
أمل > ههههههههههههه العمر كله ,عادي ماتعدليش ..
رهف > حد يجيب الولاعة ..
أبرار > اني اعيت ..
منار > خادم القوم أصغرهم هيا عهد ..
عهد > أبلة منار أصغرهم وعندي تلاتة صغار >_<
منار > هههههههههه الله يعينك عليهم من قالت تتزوجي بكري ..
عهد > مابيتش نحشمك وقتها ..
ناضت عهد وجابت الولاعة ..
آمنة أم منار وهي تسلم عليها > كل سنة وأنتي طيبة بنيتي ربي يحفظك لراجلك ويخليكم لبعض وان شاء الله طول العمر هانية وسعيدة ..
منار > ماما وأنتي طيبة ربي يحفظك ويخليك لينا تاج فوق راسنا ..
وشرين الباب ..
طلعت منار تفتح ..
منار > مني ؟
>> افتحي اني سبأ ..
منار > هي لحظة ..
ومشت فتحت الباب .. لقت سراج جايبها ..
منار > تو تشوف غير نروحلك للحوش ..
ضحك > هههههههه للدرجة هادي ماتتحمليش المفاجءات ..
منار > سبأ خشي تفضلي ..
سبأ > كل سنة وأنتي طيبة ..
منار وهي تسكر في الباب > وانتي طيبة يارب ..
وين ميمي ؟
سبأ > قعدت عند امي ..
منار > لاش ماجبتيهاش ؟
سبأ > صغار سندس غادي خليتها تلعب معاهم مادام عاجبها الجو ..
منار > اها المهم مش بروحها ..
خشت سلمت سبأ وقعمزت ..
طفت الشمعة منار وتمنت أمنية ثانية غير امتع امس :P
قعمزوا تعشوا مع الهدرزة ..
*
*
عهد > منار عازماتك أختي شهد إنتي وسراجعلى الغدي لانكم عرسان ..
منار > أمتى ؟
عهد > الخميس ان شاء الله ..
منار > والله ما نعرف .. على سراج ..
عهد > شوفيه وكان هدا في الليل ردي علية باش نقوللها ..
منار > ان شاء الله ..
رهف ناضت > نستأذنكم ..
منار > مزال خليكم ..
ريناد > هو هداك بتحطني وبتاخد صغارها وتروح …
منار ناضت > به خلي نقصلكم من التورطة قعمزوا ..
مشت تقص في التورطة ..
أبرار > ريناد شن أمتى العرس ؟
ريناد > والله مزال ماقالولناش بس الحوش مزال عليه تشتيبات اخيرة بس …
أبرار > باهي ربي يكملك على خير ..
ريناد > الله يسلمك وانتي امتى ؟
أبرار > بعد رمضان ان شاء الله ..
ريناد > ربي يكملك على خير ..
خشت منار وجابتلهم التورطة ..
منار > هادي لضياء والصغار ,وهادي لخالتي نادية ..
رهف > مشكورة صحيتي ..
منار > ولو سلمك سلميلي عليهم ..
رهف > يوصل ..
~وقعدت هدرزت البقية هكي~
*
*
منار > سراج يتصل ..
آمنة > لو جي قوليله ينزل ..
منار > الو ..
سراج > خمسة دقايق ونكون عندكم ..
منار > انزل ..
سراج > والله تعبان نبي نروح نرقد طول من الصبح ماوليتش للحوش ..
منار > باهي خلاص تو نوتي روحي ..
أبرار > مايبيش ينزل ؟
منار > من الصبح ماولاش للحوش تاعب ..
آمنة > ربي يعاونة ..
منار > سبأ وتي روحك قالي خمسة دقايق ونوصل ..
سبأ > به ..
آمنة > به خلي نحطلكم من الماكلة ..
منار > به بلله قصيلي يا أمي من التورطة خلي نعطي لسبأ تعطي للحوش ..
آمنة > باهي ..
أبرار > امتى بنشوفوا الصلات ؟
منار > اني ماعندي شيء انتي كلميني وعادي اخطمي علية ونطلعوا ..
أبرار > به غدوة شن عندك ؟
منار > ولا حاجة ..
أبرار > به تو نشوف لأن خلاص امتحناتي اني قريب ..
منار > انتي بتاتك واتي ولاه ؟
أبرار > ايه اغلبيته شارياته ..
منار > خلاص امالة نشوفوا الصلاة باش تختاريها معاي الباقي الهي بقرايتك تو اندير كل شيء اني ..
سبأ > تو نقروا مع بعض ..
آمنة جت > اهو هدا ليكم ..
منار > اهو يتصل ,هي مع السلامة ..
آمنة > في آمان الله ..
*
*
طلعوله وصل سبأ لحوشهم ..
في الحوش ..
منار > صار مفاجءات ..
سراج > هههههههههههه تعيشي وتاكلي غيرها ..
منار > تو تنردلك ^_^
سراج > عادي .. نكون أسعد واحد ..
منار > سيرجو عندك حاجة الخميس ؟
سراج > لالا لاش ؟
منار > شهد اخت عهد مرت خوي عازمتنا عالغدي ..
سراج > ان شاء الله عادي تو نمشوا ^_^
بس الجمعة نمشوا لحوش عمي مامشينلاش عالعملية ..
منار > به عادي كلم أمك وقوللها تقوللهم وتجي معانا ..
سراج > ان شاء الله ..
*
*
مرت الأيام وجي الخميس ^_^
روح سراج من الخدمة لقي منار واتية ومشوا #_#
وقفوا عالمحلة وشروا حلويات شروا اكثر من نوع ونطلقوا للحوش ..
وصلوا وشرين سراج عالشريانة ..
منار قعدة في السيارة ..
سراج > انزلي فتحولنا الباب ..
نزلت وقامت صفرة البكلاوة ..
سراج > باهي في اسنسير ..
منار > ايه ..
وصلوا للدور الرابع ولقوا باب الشقة مفتوح ..
واقف قدامه راجل شهد !!
راجل شهد > اهلين أنستونا تفضلوا ..
منار قامت راسها شافاته نصدمت طاحت صفرة البكلاوة منها !!!
!!!!
•
•
حينما نقف صامدين أمام أسوء صدماتنا •
فإننا سننهار عند أقلها أثراً *
يتبع ~~
#Orjwan ~_~