رواية #فرحة_هشة

الجزء الحادي عشر

الحلقة #11 من رواية #فرحة_هشة
[منار]
من صدمتي ضاعت كل الكلمات ,كنت أتوقع أن يكون شبيه له لا أكثر •
و لكن كان نفس من توقعت عندما سمعت اسمه *
•
•

سراج > ياساتر ,خيرك ؟
منار وهي تحاول تخلي روحها طبيعية > مش عارفة حسيت بدوخه ..
طلعت شهد > أحمد أحمد شن صار ؟
وشافت لمنار > أهلين منار تفضلي تفضلي .. تو نقيمهم عادي ..
سراج > سامحينا ..
شهد > لالا عادي ..
سراج قرب من منار > صايرتلك حاجة ؟
مريضة نرفعك للمستشفى ؟
منار هزت راسها بلا > تو نخش نرتاح وعادي ..
أحمد كان مصدوم [هي نفسها منار صاحبت رهف ديما نشوف فيها معاها كنت ,اكيد حتى هي مصدومة زيني وهدا لاش طاحت منها الصفرة]
قطع على تفكيرة شهد تقوله > أحمد هي خش ..
خشت منار لقت عهد والصغار سلمت وقعمزت قعدت ساكتة ..
عهد > خيرك ؟
منار في عالم ثاني ..
عهد وهي تحرك في يديها قدام وجهها > هييي خيرك اانتي شن صايرلك ؟
منار > ااا سرحت شوية ..
عهد > سرحتي وين ؟
منار > ولا مكان بس كنت نفكر في حاجة ..
خشت شهد > هي نوضوا نتغدوا عالطاولة الرجالة يستنوا فينا ..
منار > ماعنديش نية ..
شهد > خيرك ؟
عهد > مش عارفة شن صايرلها ..
تحشمت على نفسها وناضت ..
*
*
الماكلة عالطاولة رشتة كسكاس وامبطن وصلايط ومشروبات ..
قعمز سراج مقابل منار واحمد مقابل شهد ومحمد قدام عهد ..
الكل كان ياكل اللا منار تاكل بالشوية من الصنية اللي قدامها !!!
قصي > ماما ماما نبي ناتل ..
عهد > برة لبابا تو يوكلك ..
قصي > نبيس نبيك اتي [نبيش نبيك انتي]
شهد > تعال كول عند خالتك ياححبيبي ..
قصي مشي لخالته طول وقعمزاته فوق الطاولة بدت توكل فيه ..
سراج > كم ليكم متزوجين ؟
شهد > 6 شهور …
سراج > حتى انتم عرسان ..
شهد > ههههههههه ايه بس تو انتم العرسان ^_^
محمد > احني اللي قدم بكل -_-
عهد > الله غالب حصلت فيك وأني صغيرة ..
محمد > حتى اني كنت بصغير ..
عهد > تي اي صغير راك شيباني ..
محمد > مش مشكلة انتي اللي شيبتيني ..
عهد > مش اني وراسك انت اللا صغارك ..
شهد > منار خيرك ماكليتيش ؟
منار > كليت شبعت ..
سراج > شن كليتي وهي مزال قاعدة كلها ..
منار قامت الشوكة وبدت تاكل تاني ..
شهد > قصي ها خلاص معاش تلبز ..
قصي > خويلة عاس نبي اني ..
شهد > به خلاص انزل برة قول لامك تغسلك يديك ووجهك وتغيرلك حوايجك "
عهد > كملي بقيت جميلك ونوضي ديري هدا كله انتي ..
شهد > ماعاش نبيهم صغاار مانبيش نجيب ..
محمد > ههههههههههههههه ..
شهد > عنيتهم قبل مانتزوج وتواااا !!!
عهد > بروفا بس ..
قاموا الماعين وحطوا الحلوا كلوا ,وانقسموا النساوين في دار المعيشة والرجالة في الصلون~
*
*
شهد > تتذكروا في ايامات المدرسة هههههههههههه ..
منار > ايه ايماااااااااااااات بلله ..
عهد > كيف كنا نخافوا من سراج بمجرد مايخش للمدرسة ..
شهد > نتذكر في هداكا اليوم كيف منار وسراج تعاركوا على خاطر صاحبتها ..
منار > ايه ايمااااااات ..
منار > نبي مية ..
عهد > نرضع في مرح نطلقها تبكيي ..
شهد > دقيقة خلي نحط قصي هو رقد اصلاً ..
منار > لالا خليه تو ينوض يبكي حتى هو تو انوض بروحي الحوش حوشي ..
شهد > ههههه بالزبط ..
خشت للكوجينا لقت قدامها احمد فاتح الثلاجة ..
لما فتحت الضيء تلفتلها > اهلين منار كيف حالك ؟
منار بلاء مبلاء > وين المية ؟
أحمد طلعلها من الثلاجة ومدهالها > تفضلي ..
~صبت لروحها ,شربت وطلعت~
*
*
أحمد جاهم للدار > شهد قالك سراج قولي لمنار هيا ..
منار ناضت > هيا …
..
وتت روحها وسلمت عليهم وطلعت ..
*
*
سراج > حبيبتي خيرك شن صارلك امبكري ؟
منار > تعرف احمد هدا مني ؟
سراج باستغراب > لا ,لاش من ؟
منار قعمزت عالسرير وتنهدت > تتذكر في رهف صاحبتي ولاه ؟
سراج > ايه ..
منار > مش ضياء اللي خدي صورك ,خداهم باش ينتقم من صاحبها الأول لأنه نصب على صاحب ضياء  ؟
سراج > ايه به -_-
منار > هو هدا احمد صاحب رهف الاول ..
سراج وهو يحاول يستوعب الموضوع > اخي اللقطة :[
منار > بكل ..
سراج > به انتي لاش طاحت منك الصفرة ..
منار > سراج اني نصدمت لما شفته ,تذكرت كل ايام رهف معاه كلها بكي ودموع وكل غلطة يديرها يرجع وتسامحه لانها تحبه ,وهو يعاود يغلط وجرحها هلبة كانت كل يوم تجينا تبكي وفي الاخير حرقلها قلبها وقاللها اني مانتزوجش بنت تكلم فيا في التلفون زي ماحبتني حبت غيري وزي ماتتلاقة معاي تتلاقة مع غيري وانتي مش بنت ناس .. حتى شرفها طعن فيه ..
سراج > هدا نصيب مرات ربي هداه انتي ماتندريش ..
منار > ان شاء الله يكون هكي ..
سراج > غدوة بنتغدوا في حوشنا وبعدين بنمشوا لحوش عمي ..
منار > استحشت نقعد في الحوش ..
سراج > ههههههه من غدوة ان شاء الله ..
منار > غدوة مفروض نروحوا بميمي لأن سبأ خلاص امتحناتها السبت الجاي ..
سراج > به خلاص دارها واتية وتجي تقعد معانا ..
منار > ان شاء الله ..
*
*
ثاني يوم الصبح مشوا لحوش اهل سراج ..
قعدوا سبأ ومنار يديروا في الغدي [على الاساس مع بعض بس سبأ كله ادير فيه]
مشوا لصلاة الجمعة سراج وبوه ..
منار > الغدي واتي وين نحطه قتلك سبأ خالتي ؟
جميلة > قولها تجي تفرش تحطه اهني ..
منار > باهي هما امتى بيجوا ؟
جميلة > اكيدة على جية مش معطلين ..
•
•
ما أجملها من جمعة حين تلتم فيها العائلة •
يتبع ~~
#Orjwan ~_~