رواية #فرحة_هشة

الجزء الثالث

الحلقة #الثالثة من رواية #فرحة_هشة
[سراج]
صباحي يبتدأ بكِ أجمل صباح ,فأنتي دائماً أجمل صباحاتي •
كم أحبكِ في كل صباح ,حين تستيقدين وأتباها بالنظر إليكِ *
•
•
ناضوا على صوت التلفون يشرين ..
منار ناضت مخلوعة وردت > ألوو ..
جاها الصوت التاني > قاعدين راقدين ؟
منار نخلعت > ايه مني ؟
المتصل > عندكم حد تاني اهني ومتصل عالفندق ؟
اني ربيع ,سراج قاعد راقد ؟
منار > أها اهلين ايه راقد ..
ربيع > فطرتوا ؟
منار > لا ..
ربيع > ساعة 11 رااه ,فاتكم الفطور في الفندق ..
نخلعت > خدانا النوم ..
ربيع > اني قاعد لوطة ,نستناكم ولا تكملوا نومكم ؟
منار > به تو ننوضه استنانه ..
ربيع > اوكي ..
منار > باي ..
ربيع > تشاو نتلاقو ..
سكرت وتلفتت تنوض سراج > سراج سراج ..
وهو يتقلب > امممم نعم ؟
منار > ربيع صاحبك جي لوطه ..
سراج > شن يبي ؟
منار > مش عارفة اكيد بيطلعنا ..
سراج > به ..
ناض وقعمز وقعد يشوفلها ..
منار > خيرك ؟
سراج ابتسم > صباح الخير ..
منار > صباح النور ..
سراج غمزلها > نحبك ..
منار بخجل > حتى اني :$
سراج > ساعة كم ؟
منار > 11 ..
سراج > رقدنا هلبة لين راسي نحس فيه صداع ..
منار > ايه ماهو اكيد من تعب امس ..
سراج > اليوم شن الجو برة ?
منار ناضت وفتحت الستار > الباين بتصب مطر ..
سراج > به نغسل وجهي ونتوضأ وانتي طلعيلي سروالي الجينز والتيشرت الأبيض والجيبوتي الأزرق ..
منار > باهي ..
صلوا وبدلوا ونزلوا لربيع ..
*
*
ربيع > صبااح الخير ..
سراج > صباح النور ..
ربيع > كيف حالكم ؟
منار > الحمد لله ..
سراج > تمام ..
ربيع > شن مشت معاكم النومة ؟ والغرفة ؟
سراج > ايه كويس ..
ربيع > وين نمشوا ؟
سراج > واني شن عرفني ..
ربيع > بتفطروا ولا تتغدوا هههههه ..
منار > جعانة اني ..
سراج > حتى اني نبي ناكل ..
ربيع > به تعالوا نرفعكم تاكلوا حاجة خفيفة وبعدين نرفعكم لمكان مش عادي ^_^
سراج > يالله …
مشوا كلوا سندوتش عالسريع ,ورفعهم لنافـورة تريفي ..
منار وسراج يتفرجوا في قمة اعجابهم بالنافورة وماحولها ..
سراج > هييي ربييع خيرهم هادم يحذفوا في فلوسهم ؟
منار ضحكت > هههههههههههههه سامعة بيها هادي النافورة اسمها تريفي صح ؟
ربيع > ايه ..
تعالوا تعالوا عندكم يوروات ؟
سراج > حيييه ماصرفناش -_-
منار > شاطر ..
سراج > وبعدين شن لقيتني مهبول باش نحذف فلوسي نخدم ونتعب عليهم ونجي نحذف فلوس في النافورة -_-
ربيع + منار > ههههههههههههههههههههه
سراج > فهموني اني هبلت ولا هما اللي مهبلة ؟
ربيع > هما عندهم اسطورة ان من يحذف فلوس اهني من السواح لازم يرجع روما ..
وفي اس…
منار قاطعاته > بس اني مانعرفهاش هكي ..
ربيع > ايه بنكملكم والاسطورة الثانية اللي يحذف فيها فلوس وتمنى أمنية تتحقق ,ويقولولها حتى نافورة الأمنيات ..
سراج > خزعبلات ..
ربيع > هكي انشهرت هادي النافورة ..
منار > لكن اشبحوا التماثيل كيف منحوتة ,المكان من الأخير جمييل ..
ربيع > جبتم الكاميرا ؟
منار > ايه ..
ربيع > هاتم نصوركم ^_^
أعطاته الكاميرا وقربت من سراج وصورهم ..
ربيع > تي ديروا لقطة ماتقولش عليكم عرسان -_-
منار > هههههههه شن بانديروا يعني ..
ربيع > ماتشوفيش في اللي يحبوا في بعض ,قصدي على الاقل شديله يده شن هالجفاف العاطفي ..
سراج > اسكت انت شن دخلك ياهمي ..
ربيع > مش حتلقوا زيها السفرة مادام اني معاكم ^_^
منار > ربيع
صور هياا خود صورة وانت ساكت ..
ربيع > 1
2
3
تشككك ..
سراج > هي مشكوور ..
منار > ربيع ..
ربيع > نعممم ..؟
منار أحمر وجهها > عندك فلوس :$
سراج > لاش ؟
ربيع > ايه ^_^
منار > قصدي نبي نحذف حتى اني ..
سراج > لالا مش لازم يعني عالاساس بتتحقق حاجة ..
منار > عارفة مش حتتحقق حاجة وأني مش مؤمنة بيها ,بس اني بانديرها لغرض التسلية ..
ربيع > خلاص خليها ادير عادي ^_^
سراج > به اعطيها ..
ربيع مدلها يورو ..
منار > سراج صورني ..
سراج > بلا جو ..
منار > غير هيا ..
ربيع > صور يا اهبل الناس يشوفوا ..
منار حذفاته ,وصورها ..
سراج > هي شن تمنيتي ؟
منار > بلا قصقصة ..
سراج > تو نعرف بعدين بطريقتي ..
منار > مش عالاساس خزعبلات علاش تبي تعرف -_-
سراج > فضول :D
منار > اعطيني الكاميرا ..
سراج > هاك _ومدهالها_
منار خدتها > هيا نصوركم مع بعض ..
ربيع > هي ^_^
ربيع سراج > تشيييييز ..
تشككككك ..
لادوا شوية ومنار الصحفية طول الوقت وهي تصور ..> هههههههههه ..
ربيع قدامهم وهما يمشوا وراه ..
سراج > نحبك ..
منار > ديما تجي في الاوقات الغير مناسبة انت ..
سراج > لاش ؟
منار > اسكت ربيع قدامنا ..
سراج > هدا مهبول ماتعدليش عليه ..
منار > هههههههههه ,عيب هدا صاحبك ..
سراج > تعرفي لولاه رانا قاعدين في الفندق ومانعرفوا شيء -_-
منار > تعرف لما قلتلي بنسافروا وين نسحابة ؟
سراج > وين ؟
منار > باريس ..
سراج > هي جت في بالي الفكرة وعارفك تبيها ,بس قلت نمشوا لمكان احني الاتنين مانعرفوشي باش نحسوا بالجو وبهبالنا :]
منار > صح احسن باش ماتتجكترش علية وانت اكيد حافظها حفظ ..
سراج > وانتي اللي مش حافظة ألمانية يعني ..
منار > ههههههه ..
تلفت ربيع > شن تهدرزوا ؟
سراج > انت وين بترفعنا تو ؟
ربيع > تتغدوا ..
منار > اني ماعنديش نية ..
سراج > واني مانبيش ..
ربيع > نعرفكم لاش ماتبوش لكن والله لما تاكلوا ,وماتفكروش في الفلوس حنردهولكم تاني ومتلت ماتخافوش ..
سراج > ههههههههههههه ..
منار > اني نبي جيلاطي ..
سراج > صقع عليك ..
منار > لالا مش صقع ..
ربيع > اوكي تعالوا هي ..
خدالها جيلاطي وقعمزت كلاته ..
سراج > هي كملتي ؟
منار > ايه ..
ربيع > هيا نمشوا ..
منار وقفت > هيا ..
ربيع > نتغدوا اهني ..
سراج > مافيش مشكلة المهم مش حرام ..
ربيع > نشوفوا لو عندهم حوت وكان هدا كولوا حاجة تانية من غير اللحوم ..
منار > اوكي ..
وخشوا كلوا وطلعوا ..
ربيع > شن تعبتم ؟
منار شافت لسراج ,اما سراج وله شبحلها -_-
سراج > مش عارف اني عادي ..
منار > عندك مكان تاني ؟
ربيع > نرفعكم لساحة أسبانية ..
منار > عادي ,بس سراج نبو شفرة وطلع فلوس من الكريدت كرت امتعك ..
سراج > به ,خلاص ربيع نبو شفرة ولو في مكينة نطلع فلوس ..
ربيع > اوكي ..
شرالهم ربيع شفرة وطلعوا فلوس من المكينة ورفعهم لساحة أسبانية ^_^
*
*
ربيع > وهادي ساحة أسبانية.
منار وهي تتأمل >لاش احني ماعندناش هكي في ليبيا >_<
سراج ضحك > اسكتي بلله عليك.
ربيع > كان عندنا في ليبيا ريتيها هادي النافورة _وأشر عليها_ تلقي الصغار يعوموا فيها ..
منار > خيرة النافورة اللي في الساحة الخضراء ..
سراج > ههههههههههههههههههههههه لا تمثل طبعاً ..
ربيع > مش المشكلة في البنايات لأن من الساهل إنك تبني مباني بس من الصعب انك تبني شعب مثقف وواعي, اني اولهم جيت اهني مانعرف في النظام شيء مرة واتنين وتلاتة لين اجبروني ان نتحول زيهم, بس احني شعبنا مادام مافيش حد حاط قوانين ومادام مافيش حد يسعى ان يبني الانسان مافيش حد يعرف يحافظ على ممتلكات الدولة.
منار > إن شاء الله حد يبدأ بالحجات هادي, لأن الشعب محتاج لترفيه الجيل الجديد محتاج أن ينبنى على صح.
سراج > مزال على هدا الشيء هلبة.
مثلاً عمرك انتي ريتي حد شاد كتاب ويقرأ ..؟
عمرك ريتي حد شاد جريدة ويقرأ فيها غير اللي يمسحوا بيها ..؟
الشعوب التانية بدت بالإنسان نفسه وبعدين على المعلومات اللي تلقاها الإنسان بني مستقبله ومستقبل الاجيال الجاية.
ربيع > في ليبيا مافيش شيء صح لا تعليم ولا صحة ولا غيرها, بالاسم في آمآنة الصحة وآمآنة آلتعليم.
منار > محتاجة إن معمر يفيق على نفسه ويديرلنا حاجة باهية, أولهم يبدأ بالتعليم ويغير المناهج ويفصل هلبة معلمين ويخلي اللي عندها عطاء ووسعة البال.
سراج > في شهر 9  يسكر 41 سنة مافاقش على عقلة بيفيق توا ؟
ربيع > ماتندريش يمكن يدير حاجة.
سراج > مش حيجي بين يوم وليلة أن يدير حجات زي هادي ,كان اصلاً هو مرات يخدم على أن يخلي التعليم هكي.
ربيع > مش عارف الحق.
منار > أيمات الملك كانوا يقروا انجليزي وفرنساوي بعدين لغي الفرنسي وبعدين لغي حتى الانجليزي في فترة.
ربيع > الشعب مش شايف لهدا الشيء, عاجبهم قانون رقم 4  اللي نظلموا فيه هلبة ناس ويفرحوا بحجات زي هادي بس زي معمر خلى الانجليزي او نحاه او دار هكي او هكي عادي مش مهم عندهم .
سراج > صح, بس هيا نغيروا الموضوع اني خفت.
منار > هههههههههههههههه اصلاً نتكلموا في كلام من غير فايدة وماليشي حل.
ربيع تنهد > أعطيني الكاميرا خلي نصوركم.
منار _مدتله الكاميرا_ > صور حلو باهي.
ربيع > هههه به ابتسموا.
ابتسموا وصورهم ربيع .
سراج > تعرف لو انت مش معانا راهو مش مصورين مع بعضنا بكل هههههههههه.
ربيع > ههههههههههههههه مصور ومرشد سياحي شن تاني كان في حاجة تانية.
منار > شن اسمها النافورة ..؟
ربيع > اسمها ديللا باركاتشا ..
سراج > والكنيسة ..؟
ربيع > سنتا ترينتا دي مونتي .
منار > كيف حفظتهم الاسماء ؟
ربيع > اصلاً اني خدمت مرشد سياحي فترة.
سراج > والله ؟
ربيع > ايه .
منار > وتو شن تخدم ؟
ربيع > تو راحة بس الاغلب في المكتب مرشد.
سراج > يعني تعرف حجات تانية غير روما .
ربيع > اكيد .
منار > واخد ايجازة ؟
ربيع > ايه ,وأصلاً صاحب المكتب سوري نعرفه .
سراج > كويس .
وفجأة …..
•
•
عندما نتذكر فترة مضت من عمرنا, فقط لأننا رأينا أشخاص لم يخطروا على البال •
نشعر بشعور غريب ,نتذكر أيامنا معهم او كيف كان فراقنا *
يتبع ~~

#Orjwan ~_~