رواية #فرحة_هشة

الجزء السادس والعشرين

الحلقة #26 من روآية #فرحة_هشة
گل شيء حولي يؤلمني حتى أولئك الذين أحببتهم
جعلوني اختنق قهرا...
•
•
ثاني يوم بعد ليل طويييل كل واحد فيهم يوصي في الثاني :[
سرآج > صبآح آلخير ..
ردت بصوت مبحوح > صبآح آلنور ..
خيره صوتك ؟
- هرب , أصلاً نحس في رأسي صدآع ..
قرب منهآ وحط رآسهآ على كتفه > آن شآء آلله لبآس , تحسي في حآجة ؟
نمشوآ للمستشفى ؟
- لآ عآدي تو نآخد بنآدول ويمشي ..
- آكيد من كثرة آلبكي :[
- آيه يمكن , مآتذكرنيش :[
- آن شآء آلله يمشوآ آلآيآم على خير بس آدعيلي :[
- آن شآء الله ~وقامت رآسهآ~ شن تبي تفطر ؟
- آي حىجة مآبين مآمشيت آنآشب ميمي ..
- به ..
وهي مىشية جآهآ صوته وهو يقول > منآر ..
تلفتتله , كمل > ممكن نطلب منك طلب آنديروه آليوم ؟
تكلمت بعد مآبلعت ريقهآ > خير ؟
- عآدي نرفعوآ ميمي لآم مروة تشوفهآ ؟
ليهآ آكثر من سنة مىشآفتهآش , نبي نطلب منهم آلسمآح ..
شآفتله وتفحصت ملآمح وجهه , حست في عيونه هلبة كلآم , تكلمت وهي تهرب من عيونه > لآزم آني نمشي معآك ؟
تنهد وقآل > برآحتك بس نتمنى وفي آلآخير آلقرآر ليك ..
مآحبتش ترفضلة ولآ طلب يطلبة منهآ , حسآتة يودع في كل حآجة , حآسة بغصة في قلبهآ مش مخليتهآ في حىلهآ , هزت رآسهآ وقآلت > حآضر آلعشية نمشوآ , وآمتى بعدين نآوي تقول لعيلتي وعيلتك ؟
- غدوة ..
مشت للكوجينآ وهي تآيهة وغآرقة في هآلدنيآ آللي نآوية تىخد منهآ حب حيآتهآ بآرآدتهآ , دآرت آلفطور ونآدت عليه ..
جآهآ ومعآه ميمي , قعمز عآلكرسي وحط ميمي فوق آلطآولة ..
ضحكت لمى شآفت ميمي مبدلة وشعرهآ مسآوي , قآلت > هههه آنت غيرتلهآ ؟
- آيه قلت خلي نجرب شوية ههههههه ..
قالت وهي تجبد في آلكرسي > غيرتلهآ شمآلهآ ؟ *حشآكم* ..
- ههههههه آيه آكيد ..
- بآهي شطور :*
وفجأة سمعوآ صوت ميمي تضحك > هههههههههههههههههههههههههههههههههههههههه هيييه بابا ستووول [ههههههههههه هيييه بابا شطور] ..
ضحكوآ آلآتنين وقعدوآ يشوفوآ لبعضهم :$
ميمي > بابا انت ستول [بابا انت شطور] ..
بآسهآ وقآل > آيه يآحبيبتي زيك ..
*
*
جت آلعشية :[
سرآج > هيآ نصلوآ آلعصر ونطلعوآ ..
- به هيآ , آصلآ ميمي وتيتهآ ..
- وآنتي ؟
- حتى آني تو نوتي روحي عآلسريع …
- به متوضية ؟
- آيه ..
- هيآ , الله أكبر الله أكبر حيّا على آلصلاة حيّا على آلفلآح قد قآمت آلصلاة الله أكبر الله أكبر لآ آلآهآ آللآ آلله ….
كملوآ آلصلآة لبست منآر حوآيجهآ وطلعوآ ..
في آلسيآرة .. تكلمت ميمي > بابا احني وين ماسين ؟ [بابا احني وين ماشيين ؟]..
تكلم وهو مش عآرف شن يقول لبنته آللي مش فآهمة من آلدنيآ حآجة :[ > يآحبيبة بآبآ لمآ تكبري تو تعرفي ..
سكتت ميمي مش فآهمة من بوهآ شيء >_< .. تكلمت منآر > آوقف على محل نشروآ حآجة نخشولهم بيهآ ..
- حآضر ..
وقف شري شكآليط وعصآير وكملوآ طريقهم للحوش ..
وصلوآ درس آلسيآرة ونزل سرآج , آمآ منآر قعدت في آلسيآرة ..
تتأمل في آلحوش , هو نفسه حوش صديقة آلطفولة حوش آول صديقة في حيآتهآ , جيآته مش على خآطر صآحبتهآ جآيآته وهي مروة مش فيه , في آمآكن عرفنآهآ بآشخآص ومش متوقعينهم في يوم حنجوآ لنفس آلمكآن بس آلشخص آللي عرفنآ على هدآ آلمكآن مش موجود في آلدنيآ ..
آختلطت مشآعرهآ , آول مرة تحس بآن مروة ميته لآن مآفكرتش في موتهآ بعد مآعرفت آنهآ وآخدة شريك حيآتهآ ..
كآن يشوفلهآ كيف تتأمل في آلحوش بنظرآت غريبة , حس بآنهآ تتذكر في كل شيء , آلمآضي وآللي صآر :[ , مآحبش يقطع عليهآ يبيهآ ترتآح تفرغ كل آللي فيهآ ..
وفجأة نفس آلحوش آللي تتأمل فيه انفتح طلعت منه بنت ومعآهآ ولد صغير ..
لمآ شآفت سرآج وقف جنب آلسيآرة ويستنى وحدة في آلسيآرة , قصت آلشآرع وجت للمرشبيدي آللي فيه همآ وقآلت > سرآج ..
نخلع  لأن كآن سرحآن مع منآر آللي في آلسيآرة وميمي آللي رآقدة آلتآلي , تلفت وقآل > آهلآ ..
- آهلين , كيف حآلك ؟
- آلحمد لله وآنتي ؟
- بخير ..
جآي آهني صدفة ولآ تبي حد ؟
آرتبك مآعآش عرف شن يقول , سهلت عليه منآر آللي كآنت تشبحلهم من آلروشن  فتحت آلسيآرة ونزلت سلمت بآلخد > آهلآً كيف حآلك صفآء ؟
جبدهآ ولدهآ آلصغير > مآمآ هيآ نمسوآ ..
سلمت وهي مصدومة > منآر !! آهلين كيف حآلك ؟
ردت منآر وآلعبرة خآنقتهآ وهي مضبطتهآ > كويسة آلحمد لله وآنتي ؟
سرآج تكلم بصوت حآول يكون فيه طبيعي > صفآء آحني جآيينكم دخليهآ مآبين قمت ميمي ..
- بآهي جيبهآ آستحشتهآ , مآمآ حتفرح بيهآ ..
خشوآ آلدآخل قعمزتهم صفآء في دآر آلضيوف مآبين نآدت على آمهآ ..
سرآج > ميمي يآحبيبتي نوضي هيآ وصلنآ شوفي فيه آهني بيبي صغير , نوضي آلعبي معآه ..
نآضت ميمي بعد مآنآشبهآ بوهآ شوية وقعدت تشوف لولد صفآء من بعيد ..
تكلم وهو يشوف فيهآ كيف تلعب بصوآبعهآ بتوتر > منآر هدي روحك خلآص ..
ردت عليه بصوت يرجف > مش قآدرة مش قآدرة يآسرآج موقف صعبب ..
- عآرف بس تمآسكي وكوني قوية ..
- حآضر , بس سرآج مآتقوللهمش آنك بتمشي مع آلثوآر ولآ تجيبلهم سيرة آلسيآسة آصلاً مآتندريش مرآت يكونوآ ضد آلثورة :[
- حآضر ..
خشت صبآح [آم مروة] عليهم , نآضتلهآ منآر على طول سلمت عليهآ وآضبطتهآ ..
وآلدموع بدت تنزل من آلطرفين , تدخلت صفآء وهي تمسح في دموعهآ > يآمآمآ مآتصعبيهآش عآلبنت خلآص بعدي ..
ردت آمهآ وهي مستمرة في آلبكي > هآدي ريحة وذكرى من مآضي مروة آلكويس , من يوم مآفآرقتهآ مروة تغيرت علينآ , هآدي كآنت آلرفقة آلطيبة لبنتي ..
منآر بدت فيهآ آلعبرة > يآخآلتي آلله يرحمهآ آدعيلهآ آدعيلهآ ..
سرآج مآعآش عرف يتعآمل مع آلموقف , حآول يخفف آلتوتر , قآم ميمي وجآبهآلهآ ..
قآل وهو يمدلهآ فيهآ > هآدي منآر آلصغيرة يآ آمي ..
خدتهآ منه وقعدت تضبط فيهآ وتبوس فيهآ وتبكي …
ميمي خآفت منهآ وقعدت حتى هي تبكي :[
صفآء وهي تحآول تآخد ميمي من آمهآ > يآمآمآ خلآص خليتيهآ تبكي حرآم عليك ..
- مش بيدي مش بيدي ليآ كم مآشفتهآشش ..
وفجأة خشت سمر [أخت مروة آلكبيرة] وهي جىيبة آلشآهي وآلحلو ..
فرقت عليهم وجت سلمت على منآر وميمي ..
قعدوآ شوية في صمت وتأمل بعض وخلآص ..
سرآج تكلم بعد مآفكر شن بيقول > ممكن تآخدوآ آلصغآر شوية ..
صبآح > سمر خودي لعبيهم ..
نآضت سمر وطلعتهم في آلجنآن يلعبوآ ..
صبآح وهي تشوف فيه شن بيحكي > خير في حآجة يآوليدي ؟
سرآج > آني يآ آمي من يوم يومي معتبرك زي آمي وآلله عزيتك من يوم مآخديت مروة وآمدآيرلك قدر وآحترآم , عآرف نفسي حرمتك من حفيدتك وقت لأن جرح مروة كآن مأثر فيآ , بعد مآخربت حوشهآ خربت حتى عليكم حوشكم وكآن بسببهآ وفآت عمي عبدآلبآرئ , كنت مش مفكر مش شآيف شيء آني جيت آليوم ونتأسف منك لآني حرمتك منهآ من غير آي ذنب , آسف وسآمحيني آلدنيآ فيهآ حيآة وموت وزي مآتعرفي آوضآع آلبلآد مآتعرفيش آلوآحد شن يصيرله , آني طآلب منك آلسمآح وميمي آمتى مآتبي تشوفيهآ كلمينآ ونجيبوهآلك , تتعود عليكم حتى تبدأ تبآت عندكم ..
صبآح وآلعبرة خآنقتهآ > وآلله عآرفة قلبك طيب وجآي بعد هآلوقت آللآ وعآرف غلطك يآوليدي مسآمحآتك هدآ من حقك آللي درآته فينآ مروة مش شوية , وىلله مآهو شوية عآرهآ قآعد عآلق فينآ وآلله قآعد آختهآ سمر آكبر وحدة شوفهآ لتوة مآتزوجتش بسببهآ يشوفوهآ وتعجبهم ولمآ يجو يسألوآ عآلعيلة آلنآس مآترحمش , عآذرآتك وآلله عآذرآتك ومقدرآتك ..
صفآء > منآر ممكن نبيك شوية تجي معآي ؟
نآضت منآر وجتهآ > آهآ ..
صفآء > نستأذنك سرآج نبيهآ شوية خودوآ رآحتكم ..
سرآج > تفضلي عآدي ..
مشت صفآء ومنآر ورآهآ تمشي بخطوآت متثآقلة كل خطوة تشوف فيهآ يمين ويسآر وتتذكر كل شيء , وصلت صفآء قدآم دآر مسكرة فتحت قجر آلآنتري آللي يتوسط آلدآر آلمسكرة ودآر تآنية ..
طلعت آلمفتآح وفتحت آلدآر , فتحت آلضيء وخشت فيهآ آمآ منآر قعدت برة تشوف لدآر صآحبتهآ لدآر مروة قآعدة زي مآهي مآتغير فيهآ شيء من زمآن ..
خدت حآجة من آلدولآب وسكرت آلضيء وسكرت آلبآب وردت آلمفتآح لمكآنه , قربت من منآر وتكلمت بصوت مهموس وهي تمدلهآ في مدكرة > هآدي ليك ..
ردت منآر وهي تشوفلهآ بآستغرآب > ليآ شن ؟
- آيه ليك آني آسفة قريتهآ قبل مآتقريهآ آني آلوحيدة آللي نعرف بيهآ , كآتبه فيهآ مروة وعلى مآ آعتقد حتجآوبك فيهآ على هلبة آسئلة تبي تعرفي آجآبتهآ ..
خدآته منهآ منآر بتردد وهي ترعش > آهآ آن شآء آلله خير ..
جآهآ صوت صفآء مكسور > سآمحيهآ يآمنآر ..
- ربي آللي يسآمح يآ صفآء ..
- آلعفو عند آلمقدرة يآ منآر ..
- آني عرفت من جديد بآلموضوع , يعني بعد آلزوآج , تبي وقت ..
- آن شآء آلله ..
ولو للدآر , كآن سرآج وصبآح [آم مروة] مكملين كلآمهم ..
حطت منآر آلمدكرة في آلشنطة وقعمزت , تكلم سرآج > هيآ نستأذنوكم آحني بنروحوآ ..
ردت صبآح بآعترآض > لآ خليكم , آستنى آلولآد يجوآ تعشوآ معآنآ ..
- لآ خليهآ مرة تآنية وآلله عندي مآندير سآمحيني يآ آمي ..
سكتت شوية بعدهآ قآلت > وآلله مآشبعت من ميمي ..
منآر بصوت هآرب > تو نجيبهآلكم مرة تآنية غير يفوت آلآسبوع هدآ يآخآلتي ..
صفآء > قوليلي آمتى مآتبيهآ يآ آمي , تو نمشي حتى آني نجيبهآ خلآص وعد ..
صبآح نآضت سلمت عليهم وطلعت معآهم في آلجنآن شآفت ميمي هي وعبدآلبآرئ تلعب فيهم سمر عآلدرجيحة ..
سرآج وهو شآيف آلضحكة في عيون بنته > هيآ بآبآ نروحوآ ..
ميمي ببرآءة وهي تأشر على سمر > بابا سوف هادي سمل ~وأشرت على عبدالبارئ~ وهدآ بآلئ [بابا شوف هآدي سمر وهادا بارئ] ..
سرآج آبتسم > آيه حلوين صح ؟
- آيه بآبآ آني آبي زي تاني اعب دجيحة [آيه بابا آني نبي نجي تاني نلعب درجيحة] ..
سرآج وهو بيقيمهآ > آيه تو تجي تآني آهني بآهي ..
*
*
مرت آلآيآم ..
وعرفوآ آلعيلتين [عيلة منآر] و [عيلة سرآج]  بقرآر سرآج آنه بيمشي للجبهآ :[
حآولوآ يعآرضوه ولكن كآن مُصر على قرآره , كآن يشوف في روحة صح وآللي بيديرة على خآطر بلآده ..
جي يوم آلودآع سآعة 12 في آلليل ..
•
•
هناك مشاعر تختبئ خلف أبواب الصمت لا طاقة للكلام أن ينثرها …!
•
•
يتبع ~~
#Orjwan ~_~