رواية #فرحة_هشة

الجزء الخامس والعشرين

الحلقة #25 من رواية #فرحة_هشة
لآ شيء آجمل من آن تعرف مدى حب شريك حيآتك لك بآلآفعآل آلمبرهنة ..
•
•
مرت أشهر وبالتحديد في شهر مآرس 2011 ومن منآ ينسى هادي السنة ..
سرآج مقعمز فآتح آلآخبآر :[
منآر آطيب في آلغدي , وميمي تلون في كرآسة آلرسم جنب بوهآ في دآر آلمعيشة …
قامت رآسهآ و قربت من بوهآ تبي توريه كيف تلوينهآ زي كل مرة > بابا بابا سوف هتي الوانها سح ؟ [بابا بابا شوف هكي الوانها صح ؟]..
مآكآنش منتبه معآهآ ولآ سآمعهآ آصلآ مركز في آخبآر آلبلآد آللي كآنت وقتهآ في بدآية آلثورة , سكتت عآودت كلمآته تآني بردو مآردش عليهآ :[
نآضت ومشت لمنآر في آلكوجينآ وهي زعلآنة , حطت كرآسة آلتلوين فوق آلطآولة وجبدت آلكرسي وكعبشت فيه لين ركبت , وقالت بتعفليق > لاس بابا وله هتي مآيحبنيس ونكلمه مايلدس عليه [لاش بابا وله هكي مايحبنيش ونكلمة مايردش علية] ..
تلفتتلها منار بآستغرآب وقآلت > علاش ميمي خيرك شن دارلك ؟
ندوله سوف تلويني هو يبيس يلد علية .. [نقولة شوف تلويني هو مايبيش يرد علية] ..
ابتسمت منار وقربت منها > ترة وريني نشوفة اني ..
ميمي وهي منزلة راسها لوطة تشوف للرسمة اللي قدآمهآ > نبيتش انتي اني نبي بابا :[ [نبيكش انتي اني نبي بابا] ..
- به بآبآ هو شن يدير ؟
- يتفرج ع زيون [يتفرج على التلفزيون] ..
- هههههه آسمه تلفزيون ..
- زيون ..
- ههههه به بري سكري عليه التلفزيون ..
- لا يسيح علية هو بعدين [ لا يصيح علية هو بعدين] ..
- هههههه به نكمل الغدي ونمشوله باهي ؟
- به بسلعة [به بسرعة] ..
*
*
جاه صوتها وهو مستمخ مع الأخبآر آللي مش مفهوم منهآ شيء , > حبيبي الغدي وآتي هيآ تعآلى نتغدوا ..
رد بنبرة غريبة > كولوا آنتم آني مآنبيش ..
جت قعمزت جنبه لمآ حسآته متعفلق :[ سكرت التلفزيون وقالت > سرآج خيرك مولي مهمل ؟
ميمي تكلم فيك وتبي توريك وآنت ولآ كأنة آني نكلم فيك وآنت تكلم فيآ بجفآف شن فيه ؟
رجع فتح آلتلفزيون , وتلفت لمنآر > نسألك ؟
- آيه آسأل ؟
- آنتي مع آلقذآفي ولآ مع آلشعب ؟
آستغربت سؤآلة , وردت > طول عمري نحلم ببلآد كويسة , ونحلم بوطن يكون وطن مش شخص تكون ليبيآ مش آلقذآفي , آكيد آني مع بنغآزي ومع آلنآس آللي نقتلوا في ميدآن آلشهدآء يوم 20\02 :[ ..
- بس حتكون ثورة صعبة وحنتحملوا عوآقبهآ ..
- صح بس آللي دآروهآ شبآب صغآر ملوآ من نظآم دكتتوري :[ ..
- في هلبة حجآت حتصير في آلبلآد , صح نبي آلتغيير بس خآيف منه لآن آلقذآفي مش سآهل :[ ..
- يمكن بس بلآدنآ محتآجة شبآب ينوضوآ على خآطرهآ ..
هيآ نوض كآن بتآكل ..
وقف خدي مفآتيحة وقال > كولوآ آنتم آني طآلع , وفي آلليل آستنيني نبيك في موضوع ..
ناضت لحقآته > خيرك وين مآشي ؟
- منآر خليني بلله عليك :[ يمكن نعطل شوية آلمهم نبيك في موضوع بعدين آستنيني ..
*
*
وكلت ميمي وهي تفكر فيه شن يبي يقوللهآ , غسلت الماعين وشدت اللاب فتحآتة وبعدين تذكرت مآفيش نت :[ سكرآته ونفخت > اووووف مآفيش شن آندير لآش الجو كءآبة هكي >_<
ميمي وهي تتاوب > اني نبي نردت [اني نبي نرقد] ..
- لآ حبيبتي مآترقديش مزآل توآ عصر ..
شرين موبآيلهآ , طلعلهآ عآلشآشة آبرآر , قبل ماترد قآلت لميمي > ماترقديش ميمي بآهي اقعدي لوني ..
هزت راسهآ بباهي , وطلعت منآر ردت على آبرآر > هلآ روبي ..
- آهلين شن آلجو وين آلغيبة يآ آختآه ؟
- ههههه قآعدة , آني كويسة وآنتي ؟
- آهو تمآم وين آنتي ؟ تقدري تجي لحوشنآ عندي ليكم خبر ..
- آن شآء ىلله خير , وآلله مآنقدرش سرآج آشبح كيف جوه آخيي :[ وهو طآلع وقآلي بيولي في آلليل ..
- خسآرة >_<
- شن فيه ؟
- قريبآ وآخيرآ بتولي خويلة يآعمري ..
تكلمت بنبرة فرح وحمآس > بجديآآآت ؟
- ههههههه آمآلة نكذب :[
- حبيبتي مبروووووووووووك ..
- الله يبآرك فيك وعقبآل عندك يآرب قريبآآ ..
- يآرب , وين آنتي في حوشنآ ؟
- آيه ..
- قلتي لمآمآ ؟
- هههههه لآ نستنى في عهد وكنت نسحآبك بتجي ..
- أصلا حتى لو قلتيلي مش حنجي لمآ بنعرف عهد آنهآ بتجي ..
- لآش به قوليلنآ ؟
- موضوع طويل يآروبي , تعرفي لو بنقوللكم حتغيروا حتى آنتم معآملتكم معآهآ فخلوني آني بروحي مغيرة معآملتي خير من حتى انتم تكرهوهآ ..
- به محمد يعرف ؟
- مآظنيتش كآن هدآ يمكن حتى يخليهآ تمشي لحوش بوهآ حرجآنة ..
- آلموضوع بخصوص شني ؟
- بالله مآتصريش علية آبرآر وخليك فرحآنة بآللي في بطنك :]
- آن شآء آلله ..
- في اي شهر ؟
- الشهر الثآلث ..
- مشآء آلله وتو كيف حسيتي ؟
- والله كنت حآسة بس تحشمت نقول لرآمي يجيبلي آختبآر آلحمل :[
- ههههههههههه اترة احلفي ؟
- ههههههه مآتعرفيش آختك في آلحجآت هآدي :[
- آمآلة من رفعك للمستشفى ؟
- روند ^_^
- مقدمهآ ..
- عآرفة , عمومآ بري توآ آهي عهد جت ..
- سلآم سلميلي عآلكل آللآ هي , وبوسيلي قصي وفروحة ومرح ..
- هههه يوصل :[
- سلآم ..
سكرت ورجعت للدآر لقت ميمي رآقدة :[ , جت قربت منهآ قعدت تنوض فيهآ ..
ميمي وهي متعفلقة > لآآس هتي حليني نردت اني مافيس سن انديل [لاش هكي خليني نرقد اني مافيش شن اندير] ..
- حبيبتي ميمي هيآ تعآلي آنديروآ دوش ونعبيلك آلبآنيو ..
نآضت فتحت عيونهآ آبتسمت وقآلت > بزديات ؟ [بجديآت ؟] ..
- ههههه ايه ..
ناضت وكملت > آلحقيني آني مآشية بنعبيلك آلبآنيو ..
فتحت آلشيشمة ودفتهلهآ آلمية عبتلهآ آلبآنيو , نآدت بصوت عآلي شوية > ميمي هيآ تعآلي..
جتهآ ميمي وهي لآبسة كستومي , ضحكت لمآ شآفتهآ وقآلت وهي تبوس فيهآ > تهبلي يآهبلة آنتي وآفكآرك , وين لقيتيه آلكستومي وآني دسآتة ؟
ضحكت وقالت بعفوية > في دالك انتي وبابا [في دارك انتي وبابا] ..
- ههههههه به هيآ خشي ..
- به آني تو نزي نزيب آلعآبي ونزي بآهي ؟ [به تو نجي نجيب آلعآبي ونجي بآهي ؟] ..
*
*
جت سآعة 12 في آلليل رقدت ميمي وسرآج مزآل مآجآش ..
خدآهآ آلنوم وهي تستنى فيه :[
جت سآعة 130 ..
خش سرآج للحوش
لقآه مظلم آللآ دآر آلمعيشة ..
خش وشآفلهآ لقآهآ رآقدة بحوآيجهآ , عرف آنهآ كآنت تستنى فيه :[
قرب منهآ وحآول يقيمهآ بس كآنت رقدتهآ وهي مقعمزة >_< مآعرفش شن يدير ..
كلمهآ > منآر منآر نوضي آرقدي آلدآخل ..
نآضت مخلوعة > هآه ~وفتحت عيونهآ~ آمتى جيت ؟
- توآ هيآ نوضي ..
- به هيا ..
نآضت خشت لدآر آلنوم غيرت حوايجها وخشت للسرير , كلمآته بعد ماهو بدل حوآيجة > سرآج شن كنت بتقولي ؟
- عآدي خليهآ غدوة ..
نآضت قعمزت وآتكت على ظهر آلسرير > لآ قولي تو ..
- منآر مش وقته تو عآدي حتى غدوة ..
- سرآج تبي حىجة تآكلهآ ؟
- لآ وآكل ..
- به قعمز وقولي ..
قعمز عالسرير وشدلهآ يدهآ > منآر آلموضوع مهم رآه ..
- خوفتني آحكي ..
- آني نقدر آندير هآلشيء من غير علمك ولكن آني نبي نقولك ونخلي عندك علم ..
قرنت حوآجبهآ وشبحتله وتمعنت في وجهه آللي كآنت ملآمح وجهه كلهآ جآمدة رغم آلظلآم بس شبحآته من ضيء آلسهآرة , نطقت وقآلت لمآ مآعرفتش وين يبي يوصل > شن مقرر تتزوج علية ؟>_<
ضحك فوق من قلبه وقآل > لآ آلموضوع آكبر من هكي بآلنسبة ليك وآصغر من هكي بآلنسبة ليآ ..
- آنطق وقول شن فيه ؟
- نبي نمشي للشرق نبي نكون من آلثوىر على خآطر بلآدي ليبيآ محتآجتنآ تبينآ تبي آي وىحد فينآ رآفض آلظلم , تبيك حتى آنتي تدعيلهآ وتكوني من آلنآس آللي مسآندتيهآ تخلي رآجلك يحآمي عليهآ على خآطرك وعلى خآطر ميمي وكآن ربي رزقنآ على خآطر ولآدنآ آلجآيين ..
كآنت تسمعله وسآكته دموعهآ تنزل لآ آرآديآً , عقلهى يقوللهآ صح معآه آلحق وقلبهآ يقوللهآ مآتفرطيش في حب حيآتك عقلهآ يقوللهآ مآتكونيش آنآنية وقلبهآ يقوللهآ مآتخسريشي :[
سمع صوت شهقآتهآ , آضبطهآ ومسح على شعرهآ > عآرفك خآيفة يآمنآر آني مش محبة في آلموت بآش نمشي بس على خآطر ظلم 42 سنة على خآطر شهدآء بوسليم على خآطر آلآجيآل آللي جآية على خآطر بلآدي يآمنآر , عرفهآ مش سآهلة عليك بس وآلله صعبة لمآ شفت عبدالقدوس ولد جيرآنة وصديق آلطفولة رغم كنت نتعآرك معآه وآني صغير ومآنحبآش بس موته لما طلع يوم 20\02 كآن صدمة ليآ صدمة يآمنآر بآي ذنب نقتل وهو صغير بآي ذنب قتلوووه ؟
من يومهآ فكرت نتقم لبلآدي وننتقم لكل آللي قتلهم ..
جبدت روحهآ منه ونآضت غسلت وجههآ وجآته بعد مآ هدت > سرآج ..
- نعم ؟
- به برة ربي معآك ربي يحميك يآرب مآيصيبك شر ربي ينصركم ..
- به نبي نبي نقولك , نبيك تخدمي ..
- نخدم ؟
- تخدمي في آلمدرسة , آني عندي فلوس وآلحمد لله ولكن مآتندريش عآلوقت شن دآسلنآ , مآنبيكش تحتآجي لحد في غيآبي منآر آخدمي في مدرستي , آصلآ آحني محتآجين آسآدسة زي مآتعرفي آلآغلب كآنوآ آسآدستنآ من برة ولمآ عرفوآ آن آلبلآد هكي سآفروآ حصلنآ آلبديل بس مزآل في نقص :[
آخدمي فيهآ قري آلصبح وآلعشية آخدمي بشهآدتك قدمي ورآقيك ..
- حآضر , وميمي ؟
- جآيك في آلكلآم في حآجة تآنية ..
- آهآ ..
- قيمي ذهبك كله وحآجآتك آلغآلية وبري لحوشكم عآلآقل في رآجل معآكم روآد وخلي ميمي عند آمك لمآ تمشي تخدمي , منآر مآنبيش غيآبي يأثر فيك وينقص عليك حآجة كوني قوية على خآطري ..
- إن شآء آلله ..
- منآر لو صآرتلي حآجة مآنبيكش آديري شيء آعتبريني شهيد آني بندىفع على بلآدي وكلي آمرك على آلله وحسبني عليهم وربي مش حينسآك , خلي كلآمي في وذنك ديمآ , وآلله نحبك وكل شيء على خآطركم انتي وميمي اغلى شيء عندي في هالدنيا وعيلتي , فراقكم صعب علية لكن ربي مش حينسانا ادعولة بس ..
- سرآج خلآص مآتكثرش علية صدمتني في قرآرك مآتزيدش آتعبني بكلآمك ..
- بنعطيك مفتآح آلسيآرة آستعمليهآ آنتي , مفتآح آلحوش بنعطي نسختي لمنير مرة مرة يجي للحوش بآش مآينقزوش فيه وآنتي خلي مرة مرة حتى روآد يجيه ..
- آمتى بتمشي ؟
- مزآل يمكن آلجمعة ..
•
•

لآ تحزني فآلله معنآ ..
[ولسوف يعطيك ربك فترضى] ..
•
•
يتبع ~~
#Orjwan ~_~