رواية #فرحة_هشة

الجزء الثالث والعشرين

الحلقة #23 من رواية #فرحة_هشة
قد لا أبقى معك إلى أن أفنى ، ولكِن ثق بِ أننِي س أُحِبك إلى مابعد الفناء
•
•
روح سراج محمل بالشكاير , وجايب معاه ميمي ^_^
السلام عليكم ..
آمنة بآبتسآمة > وعليكم السلام ~قربت منه~ , هات عليك ارزان ..
وتخش وراه ميمي وهي ادف في الشكارة بالسيف رزينة عليها :[
تلفت سراج مولي للسيارة باش ياخد الباقي , بعد ما اعطي الشكاير لآمنة [آم منآر] , شاف ميمي شادة شكارة فيها مواد التنظيف !!! ضحك وقرب منها خدي منها الشكارة وقال > هههههههه خيرك جبتيهم ؟
تكلمت ببراءة > لديتهم زنب السيالة زبتهم انت الزان عليت بلوحك [لقيتهم جنب السيارة جبتهم انت ارزان عليك بروحك]
ضحكت آمنة على موقف ميمي , سلمت عليها وخشوا للكوجينا اللي مفتوحة على وسط الحوش ..
سرآج وهو يدور عليها > وين منار ؟
ميمي بحماس وصوت عالي شوية > ايييييه وينها ..؟
آمنة بصوت واطي > ايه تو راقدة كيف مروحة من المستشفى كانت مريضة ما اديريش دوشة باهي ..
ابتسمتلها وهزت راسها , تكلم بإحراج باين عليه > سامحيني خالتي تعبتك لقيتي الحوش مقلوب :[
ابتسمتله وولت تلفتت تستف في الثلاجة > لا عادي يا وليدي ولا يهمك وهدا الشيء طبيعي ..
تنهد وجبد كرسي من الطاولة الصغيرة اللي تتوسط الكوجينا وقعمز > الحق مش طبيعي , بعد وفات ام ميمي في فترة قعدت في الحوش بروحي وحتى لما رفعتها لحوش بوها مامشيتش لحوش بوي , كنت نرتب ونرد واللي انديرة انظفة , بس لما منار قررت ان تحدد مصيرنا بالبعد .. كنت متشتت مش قادر اندير حاجة غير ان لما نجوع انوض نخش للكوجينا اندير حاجة ونسيب , نخش نغير حوايجي ونطلع .. وهكي قعد الحال :[
تلفتتله وهي مستغربة من بعض كلامه اللي كان على مروة !!! , ولكن ما حاولتش تسأله كيف رفعها لحوش بوها ولاش ؟ , في حاجة غامضة !!! , حاولت تواسيه > دوم الحال من المحال يا وليدي المهم ماعاش تفكر في اللي فات وعيش حياتك توا وفكر في مستقبلك انت وبنتك ومنار , لوح عليك كل شيء اهم حاجة خلي خصوصية لحياتكم الزوجية وخلي عندك مسؤولية اكبر , يا وليدي منار بنتي وانت زي ولدي نعرفك تحبها وياما تعبت على خاطرها ولكن لما تصير مشكلة مابيناتكم ماتخليهاش تطلع حرجانة ولا تحكي لحد حلوها مابيناتكم ماتكبروهاش حاولوا تصغروها , كلام الناس مايرحمش وانتم مزال في بداية طريقكم من اول مشكلة يصير هكي غلط , ما ادس عليها شيء كبير لأن من طبيعة المراء لما تعرف شيء بالصدفة لأقرب الناس عليها وهي ماتعرفش حتتهور , المراء عندها عزة نفس تضحي بروحها على خاطرها .. ربي يهنيكم ويبعد  عليكم كل من يتمنالكم شر ..
استأذن منها بعد ماشرين موبايله وطلع في الجنان …
دقايق وولة لآمنة مبتسم وقاللها > خالتي اني طالع شوية ونجي ديري بالك على ميمي , اني مش معطل وعلى طريقي تو نجيب غدي .. استريحي ماتتعبيش نفسك اكثر ..
- حاضر ربي يعاونك ..
*
*
فتحت التلفزيون لميمي على طيور الجنة كالعادة :[ وخشت شافت منار قاعدة راقدة ولت قعمزت جنب ميمي ..
جتها مكالمة شافت الرقم لقاته من برة !!!
قامت الموبايل وردت بحيرة > السلام عليكم ..
جاها صوت الطرف الثاني بحماس > مااااااااماااااااا ..
آبتسمت وقالت بفرحة > بنتي آبرآر , كيف حآلك ؟
تو فكرتي كيف تتصلي بينآ وتطمنينا عليك :[
- وآلله يا مآمآ رآمي مآبآش يشري شفرآت وحتى تو نكلم فيك من التليفون اللي في الشارع , اني الحمد لله كويسة
شن آخبآركم آنتم ؟ وين منآر آتصلت بيها لقيت موبآيلها مقفل >_<
ردت بنبرة متكدرة مرتبكة > أ.أ مآ نعرفش بس رجعت لحوشها هي اليوم ..
لآ آرآديآً زغرطت في التليفون وتكلمت بفرحة > وآخيرآآآآآآآآآً ..
وفجأة تقول > آآآآي !!
ضحكت آمها عليها > خيرك مهبولة تصيحي وتزغرطي في الشارع !!!
بصوت هادي وواطي > ماما والله مانندري على روحي حتى رامي قرصني :[
- هههههههه تستاهلي ..
- شكراً باهي :[
- توصي على حاجة من تركيا ؟
- لالا سلامتك المهم ماتصوريليش بحدى اللي واخدينلك عقلك ..
- هههههههه وين بنلقاهم الاتراك الحلوين نشوف فيهم في التلفزيون بس , اما اهني مافيش حد منهم :[
- اعقلي يامهبولة راك متزوجة بدال ماتعقلي شكله رامي زاد هبلك ..
- عادي عادي ماما المهم سلميلي على منار والباقي ..
- باهي بالسلامة وديروا بالكم على روحكم ..
- إن شاء الله في آمآن الله ..
سكرت منها وقامت راسها لقت سراج كيف خاش للدار !!
- هيا خالتي جبت الغدي ..
ناضت وقفت > ميمي رقدت :[
- تو ننوضها ..
- نوضها باش ماتسهرش في الليل , ونوض منار اني تو نحطة فوق الطاولة ..
- به ..
*
*
التموا كلهم عالطاولة :]
تكلم وهو يشوف لميمي > مشيت لحوش امي امبكري بعد ماحطيتكم اهني , وآني نقول لآمي منآر ولت في آلحوش , وسمعتني ميمي نآضت تبكي شيء نبي نمشي معآك نبي نروح لحوشنآ , آمي وسبأ شدوآ فيهآ بكل آلطرق مآبتش :[
ضحكت منار بضحكة صغيره > ياوخيتي سلمهالي اللي تحبني آكثر من بوها :P
ميمي احمروا خدودها , اما سراج فنص فيهآ وحس بآحرآج لآن آمنة معآهم ..
شبحتله لقاته يفنص فيها استغربت لاش !!! وكيف بتقوله خيرك لقت عيونه على آمنة [آمهآ] :[
نزلت راسها وكملت ماكلة بهدوء , قطعت عليهم آمنة الصمت > كلمتني آبرآر ..
منآر بآبتسآمة > وآلله ؟
سراج > آيه كيف حآلهآ هي ورآمي ؟
كويسين مابآش يشري شفرة لا ليها ولا ليه , كلموني من تليفون الشارع :[
منار > اهاااااا كويس كويس المهم هما بخير ..
- الحمد لله , كنت نستنى في مكالمتهم ..
عموما سألتني عليك وقلتلها انك روحتي بس ماقلتلهاش ~سكتت شوية~ عالبيبي :[
- اها ايه صح مش لازم تقوليلها تنكدي عليها تو تعرف بعدين ..
سراج ناض > الحمد لله ..
ميمي > حتى اني سبعت , الحمد لله [حتى اني شبعت الحمد لله]
منار ناضت > هي تعالي نغسلك يديك ..
آمنة > بري آنتي آرتآحي وخليني آني ويآهآ ..
منار > عآدي آني مافيآ شيء ..
آمنة بحزم > منآر مآعآش تكآبري على نفسك بري وخليني آمآلة لآش مروحة آني معآك اليوم !!؟
سكتت وخشت للدار النوم وهي مطيعة لأوامر آمهآ..
خش عليها سراج بعد ماغسل يديه جايب معاه ظرف , قرب منها وقعمز عالسرير , تكلم بحزم > منار ..
شافتله باستغراب !!! كمل كلامة > انتي سامحتيني او بس تبي تغفريي عن ظلمك ليا ؟
مستمرة في السكوت وهي تشوف في الظرف اللي بين
يديه !!!
ابتسم ابتسامة صغيرة حاول يخفيها لما عرفها خايفة من الظرف !! كمل لما ماردتش عليه > قوليلي ؟
بلعت ريقها وسكرت عيونها وبصوت يرجف > شن اللي في اللي في الظرف ؟
الظرف هادا يبي يعرف الجواب وعلى حسب الجواب حتعرفي شن فيه !!
مآ كآنش في رد منها !!!
هو ديمآ يحس بمتعة لمآ يشوفها خآيفة , كآن يعرف تمآمآً هي شن تسحآب في آلظرف وآكيد مش آللي تتوقعة هي بكل !!
قآل وهو يحآول يتصنع بصوت آكثر رجولة وحزم بآش يوترهآ > مآتبيش تردي !!!؟
به عآدي نغيرلك آلسؤآل ..
آنتي مزآل تحبيني ؟
فتحت عيونها وشافت لجيهآ باب دآر آلنوم كآن ينفتح بآلشوية !!!
وخشت من ورآه ميمي بكرآسة آلتلوين وآلآلوآن ..
لمآ تأخرت عن آلرد شاف للجيهآ آللي تشوفلهآ شبح ميمي , حاول يكمل اللي بدي فيه وتكلم بنبرة مستفزة شوية > ميمي آطلعي تو نبي منار في موضوع وبعدين تجيك ..
نزلت راسها وولت طلعت وسكرت الباب ..
- ماتبيش تجاوبيني ؟
دقات قلبها يدقوا بسرعة والدموع عالقين في عيونها , هي عآرفة آنه يعرف آنهآ تحبه ومزآل تحبه كآن هدآ مآقررتش آن ترجع للحوش !!!
وقف جي قدامها حط عيونه في عيونهآ , شآف لدموعهآ آللي عآلقة , آستمر عآلهدوء آللي هو فيه وقآل > ردي لآش آلدموع مش قآدرة تقولي كلمة ؟
جمعت كل قوتها وآخيرآ حركت لسآنهآ وقآلت بصوت مهزوز > شن آلغرض من هدآ آلسؤآل ؟
قآم آلظرف قدآم وجههآ وقآل > مش تبي تعرفي شن فيه هذآ ؟
- غيرت رأي مآنبيش نعرف , مزقه ..
- نفهم منك إن مزآل تحبيني ؟
هزت رأسها بالموافقة بعد تردد , ونزلوا دموعها :[
تكلم وهو مستمر في دور اللعب بالاعصاب > كنتي بتسافري صار لمعاذ ؟ ومآشية مقدمة في التأشيرة :[
شافتله باستغراب وقالت بضعف > سرآج آ…
قآطعها > كنتي تبي تهربي زي آلمرة آللي فآتت صح ؟
- لآ آني كن..
قآطعها ثآني وبصوت عآلي شوية > آلتأشيرة طلعت لو تبي تسآفري تفضلي , مش هآدا اللي كنتي تبي آديريه ؟
~مدلها آلظرف~
مآبتش تآخدة منه , وقعد هو مآد يده , لما اعيه قعمز وتكلم > تبي تمشي وتخلي كل شيء وراك عجبك جو الثلاث سنين كم كنتي ناوية تقعدي المرة هادي لما تمشي ؟
كنتي ناوية تخليني مانشوفش اللي مني اللي كان في داخلك ؟
تملكت القوة وتكلمت بعصبية > لما نتكلم ماتقطعش علية , تبي تفهم افهم ماتبيش اطلع وخليني في سبيل حالي ..
- تو حسيتي باللي درتيهولي ؟
عموما نعتبر تو انتقمت ولو شوية مش حاب نزيدك اكثر ..
وفتح الظرف وطلع منه تذكرتين لي ~باريس~ ..
قال وهو يمدلها في التذكرة > على ما اعتقد إن هدا الوقت المناسب بأن نمشوا لباريس مع بعض ^_^
شافتله وهي مصدومة من المقلب اللي دارهولها , مش قادرة تستوعب دار فيها هكي وهو يمثل !!!
- سراج لاش درت فيا هكي ؟
كان البيبي قاعد في بطني راهو نزل من بصارتك الزايدة ..
- تي انتي عذبتيني شهرين وتو جاية تقوليلي لاش درت فيا هكي ؟
تي درت فيك هكي ودرتلك معاها سفرة لباريس ^_^
- حتى فرحتي ماقدرتش نفرح بيها من الخوف اللي ركبتهولي قبل شوية ..
- عارف والله سآمحيني , بس كنت نختبر فيك ..
- مآعآش تعآودهآآ
- حآضر من عيونيي ..
- آمتى مسآفرين ؟
- آلخميس ..
- هو اليوم شن ؟
- الثلاث ..
- يومين يعني ؟
- يس يس ..
- شكراً سراج ..
- آلعفو ولو , آعتبريهآ سفرة آعتذآر آو ترضية مني عآرف آن معآك آلحق في كل شيء , وآني آسف ^_^
رسمت الابتسامة على وجهها وقالت بحب > ربي مايحرمني منك ولآ يغيبك علية ..
- يآآرب ..
*
*
فاتوا اليومين^_^
وبدت رحلتهم لباريس بعد ماودعوا ميمي وكل عيلة سرآج في آلمطآر ..
•
•
حدث قبله أن أبكاها رجل، لكن وحده كان بالبهجة يُهيّئها لكلّ تلك الدموع.
•
•
يتبع ~~
#Orjwan ~_~