رواية #فرحة_هشة

الجزء السادس

الحلقة #السادسة من رواية #فرحة_هشة
[سراج]
أراكِ طفلتي
عند خوفي عليكِ
حبيبتي
عند ضعفي أمام عينيكِ
صديقتي
عند مشاجراتنا بمزاح
و كل البشر أنتِ
•
•
سراج > قلتي بنتفرجوا على فلم تاني ..
منار شبحتله وباينة ان هي زعلانة منه > ضروري ؟
سراج > ايه .
ولت طلعت من الفندق من غير ماتقول كلمة ..
لحقها وقعد يمشي بحداها ..
*
*
مشوا للسنما وبدوا يتفرجوا ..
كان الفلم رعب >_<
مابتش تبين خوفها في نص الساعة الأولى -_-
اما هو متعود عنده عادي ..
وبما انها زعلانة منه ماعاش عرفت شن ادير ماتبيش تتنازل وتكلمه .. لأن هي كان في خاطرها ترتسم وهو رفض !!!
قررت تغمض عيونها وماعادش تشوف شيء .. بس مع ذلك كان الصوت يخوف وبما انها تعرف انجليزي فتفهم فيهم شن يقولوا …
كان حاس بيها بس ماباش يكلمها يبيها هي تجي تكلمه ..
•
•
كم يعشق الرجل ضعف الأنثى •
عندما ترتمي في أحضانة مستنجية به *
•
•
تسكر في عيونها تحاول أن تخفي دموعها باش ماينزلوش في الأخير حطت يديها على وجهها وتتكلم في خاطرها > سراج كيف تتحمل في هدا كله وين انسانيتك لاش دخلتني للفلم هداااا ** نبي نطلع ..
وقفت تكلمت وهي حاطة يديها على وجهها > أني بنطلع ..
سراج قام راسه وشافلها > خفتي ؟
منار وهي تهز في راسها > لا بس نبي نرقد ..
سراج > نحي يديك من وجهك ..
منار > لا نبي نروح ..
وقف قرب منها ونحالها يديها من وجهها > تبكي ؟ وتقولي مش خوافة ..
شدها من يدها وطلعوا مجرد ماطلعوا اندار صوت يخوف ..
نخلعت وارتمت في احضانة > سراج خلينا نمشو ..
سراج قام راسها من على صدره > خلاص باهي احني طلعنا ..
ماعاش تبكي ..
منار > لاش مدخلني اهني وفي الليل ..
سراج > باش تنفذي شرطي ..
منار > به نبي نروح ..
سراج > به وقفي بكي ..
منار وهي تهز في راسها كأنها تحاول تطلع المناظر من راسها > مش قادرة انحي صورتهم من بالي ..
سراج وهو يمسحلها في دموعها > به خلاص تو نمشوا ..
•
•
[منار]
بحجم مشاجراتنا لا أجد الراحة إلا معك •
لا تحاول أن ترعبني مرةً أخرى *
•
•
وصلوا للفندق ..
سراج > أنتي اركبي اني بنكلمهم على ان حنسلموا الدار الصبح ..
منار شدت فيه وبرجفة > لا خليني معاك ..
سراج > به تعالي ..
كلموا الريسبشن .. وركبوا للدار ..
سراج > منار خيرك ؟
منار > خايفة ..
سراج > خلاص ماعاش في شيء ..
مانعرفكش خوافة هكي ..
منار > كيف متعرفنيش خوافة هكي وهو كله يخوف ..
سراج > مايخوفش بس انتي مجرد شيء بسيط يصير تخافي ..
منار > ماعاش بنتفرج على شيء اني -_-
سراج > به اطفي السهارة بنرقد :[
منار > لا مانبيش بلله عليك ماتسكرهاش ..
سراج > خيرك ؟
منار > ماعادش تقولي خيرك اني خااااااااااااايفة ..
سراج شدلها يدها > به ماعاش تخافي هي ارقدي ..
*
*
ناضوا ساعة 6 وتوا روحهم سلموا الدار وجي ربيع خدي شنطة وحطها في حوشه والتانية رفعوها معاهم ..
وتلاقوا مع ريتا في محطة القطار ..
وانطلقوا لفينيسيا …
*
*
وصلوا للبندقية ..
المدينة تسمت باكثر من اسم [ مدينة العشاق ,ملكة البحر الإدرياتيكي ,مدينة المياه ,مدينة الجسور ,مدينة الضوء ]..
نزلوا في الفندق حطوا حجاتهم وقرروا يطلعوا ..
ريتا > أين تودون الذهاب ..؟
منار > أنا لا أعلم عنها شيء إللا أنها مدينة جميلة .. فكوني أنتِ مرشدتنا السياحية ..
ريتا > حسناً ..
سأخبركم أسرار عن هذه المدينة ..
منار + سراج > ماذا ؟
ريتا > في هذه المدينة قصر النحس مصاب بالعنة يدعى بقصر داريوس ..
كل من سكن في هذا القصر انتها بالافلاس او الانتحار ..
وهناك ايضاً شارع يسمى بشارع الشيطان -_- سمي بهذا الاسم لأنه يتفرع من جسر الشيطان ..
حيث يغرق الكثيرون لخطورة العبور ..
منار > يامااااااااما نبي نروح ..
ضحكت ريتا على ردت فعلها بس مافهمتهاش شن تقول !!!
سراج > ههههههههههههه الصبر يااربي ..
منار > يعني هذا..  .. أن لا ندخل القصر ..
ريتا > ههههههههههه ..
ربيع > هيا نذهب ..
ريتا > إذن سنذهب لجسر التنهدات  ...
ربيع > حسناً ..
منار > شن قالت ؟
ربيع > بترفعنا لجسر اسمه جسر التنهدات ..
سراج تنهد > يعني نتنهدوا ولا شنو هههههه ..
ربيع > بالزبط ..
مشوا لجسر التنهدات ..
شبحوا المدينة من فوق الجسر  ..
سراج تنهد > يا حسرتاه على ليبيا ..
ربيع > انت حتتعب خلاص انسى شوية ..
منار تصور > ماحلاه المنظر من فوق ..
ريتا > هل تعلمون لماذا سمي بجسر التنهدات ؟
منار > لماذا ؟
ريتا > لأن من هذا الجسر كان يؤخذ السجناء إلى زنزانتهم و منظر فينيسيا من فوقه آخر ما رآه السجناء قبل حبسهم ..
أطلق على الجسر هذا الاسم لأن السجناء يتنهدون عندما يلقون نظرة على المدينة الجميلة قبل حبسهم ..
سراج > مش قلتلكم حاجة ليها علاقة بالتنهيد هههههههههههه ..
منار > ماتندريش عليك تنهدت على خاطر ليبيا ..
سراج > حالة ..
ربيع > انت وياها تكلموا انجليزي ولا اسكتوا ..
سراج تنهد > واجعني حالك ياصاحبي ..
ربيع > بلا تسهويييك ..
•
•
كم هي جميلة مشاجراتنا و أحاديثنا و ضحكاتنا سوياً على أشياء لا تستحق •
يتبع ~~
#Orjwan ~_~