رواية #فرحة_هشة

الجزء الثامن

الحلقة #الثامنة من رواية #فرحة_هشة

وطني و إن بعدت عنك , و قارنتك بغيرك .. ستبقى وطني الذي تربيت على حبه •
حسرتي عليك جعلتني أتسائل في كل مرة أخرج فيها إلى الخارج لماذا أنت أقل من غيرك *
•
•
سراج > منار منار ..
منار > اممم نعم ؟
سراج > نوضي الطيارة بتنزل ..
قامت راسها وساوت روحها ….
ونزلت الطيارة على الأراضي الليبية ^_^
*
*
منار > تو من بيجينا ؟
سراج > ناخدوا تاكسي ..
منار فتحت عيونها وبصدمة > تاكسي ؟
سراج > ايه وشن فيها ..؟
منار >  باش انديروا مفاجءة ناخدو تاكسي >_< !!!
سراج ضحك > هههههههههه لا منير بيروح بينا ^_^
منار > راجل سندس ؟
سراج > ايه ..
منار > كويس ..
خدوا الشناطي وطلعوا لمنير *_*
سراج > السلام عليكم ..
منير > نسيبي اهلين الحمد لله على السلامة ..
سلموا على بعض وركبوا للسيارة ..
وبدت الرحلة الهدرزية على الاجواء الايطالية ^_^
*
*
منير > وين تبوا نرفعكم تو ؟
سراج > للحوش ..
منير > والله ؟
سراج > ايه نحطوا الشناطي ونبدلوا عالسريع لان لبسنا شتوي واحني في الصيف ,وتو نجوكم لحوش امي ..
منير > عادي كان تبوني نستناكم ؟
سراج > لا والله عادي تو نسخن السيارة ونجيكم ..
من في حوش امي ؟
منير > كيف حطيت سندس هي والصغار غادي قتلي تبي تهدرز مع امك وجت من حظك .. وسهى في حوش راجلها ماتندريش ..
سراج > اها باهي كويس كويس ^_^
وصلوا للحوش ونزلوا الشناطي  ^_^
*
*
سراج > اااااااااااه الحمد لله على سلامتنا ..
منار > ههههههه الله يسلمك ياحنة ^_^
سراج > هي ديري اللي تبيه عالسريع باش نلحقوا نمشوا لحوشنا وبعدين حوشكم ..
منار > به اوكي 10 دقايق ونكون واتية ^_^
بدلوا ~~ ووتوا روحهم وطالعين ^_^
سراج > حيييه الشكارة امتع الشكاليط نسيتها الداخل هاكة المفتاح وسخني السيارة ..
منار خدت المفتاح ومشت ^_^
*
*
وصلوا قدام حوش امالي سراج ~~
سراج > استني اقعدي اهني ..
منار > خيرك شن بادير ؟
سراج > ماحد يندري .. نبي ننقز ونفتحلك الباب .
منار > ههههههههههههه مهبول ..
سراج وهو يكعبش > ايه نعرف ^_^
نقز بس رجله جت تحته لتوت -_-
سراج > ااااااااااه ..
منار > سراج خيرك شن صارلك ؟
سراج وهو يحاول ينوض > ماصار شيء استني بنفتحلك الباب ..
فتحلها الباب > اهلين اهلين نورتينا ~~ تفضلي خشي امي قاعدة وخواتي قاعدين ..
منار وهي تضحك > ههههههههههههه هبلت ..
سراج > تعرفي رجلي لتوت ..
شبحت لرجله لقاته معكز على رجله الثانية > حييييييه غبي ماهو ~~ تعالى نخشوا ونقوللهم يحطولك ثلج ..
*
*
مشوا من باب المطبخ اللي مفتوح عالجنان وخشوا في صمت ..
سراج شبح ميمي أشرلها ان تسكت وجاته ..
اضبطها ويتكلم بصوت مهناش بكل > وين عميمة سبأ وسندس ..
ميمي بشوية زي مايتكلم بوها > الداخل تعالى معاي ..
ومشوا منار وسراج وراء ميمي ..
سراج > بخخخخخخخخخخخخخخخ ..
الكل مصدووم > سراااااج ..
منار > السلام عليكم ..
الكل > وعليكم السلام .. الحمد لله على السلامة ..
منار + سراج > الله يسلمكم ..
ميمي > بابا بابا سن فيه فالسكالة ؟ [بابا بابا شن فيه فالشكارة]..
سراج > هههههههههههههه فيها شكلاطة لكن مش توا بتاكليها لين تجي مارية بنت عميمة سهى ..
ميمي > لالا نبي ناتلهم اني لوحي [لالا نبي ناكلهم اني بروحي]
سراج > لا لين تجي عميمة سهى ونقسملكم ..
ميمي زعلت وطلعت من الدار >_<
منار > ميمي ميمي تعالي ..
جميلة > قعمزي منار تو ترضى بروحها غير بوها مدلعها ..
سبأ > كيف حالك ياعروستنا ؟
منار > الحمد لله كيف حالك انتي ؟
سبأ > الحمد لله حال آخر سنة ..
منار > ربي يتمملكم على خير ..
سندس > شن المفاجءة هادي .. من روح بيكم من المطار ؟
سراج قعد يشوف لمنار ومنار كذلك قعدت تشوفله ..
سراج > مش مقررين تضيفونا ..
جميلة ام سراج > سبأ نوضي ديري حاجة لخوك ومرته ..
منار > ايه بلله جيبي ثلج لسراج قبل ماتنتفخ رجله ..
سبأ > لاش خيرك سراج ؟
منار > هو اصر ان يديرهالكم مفاجءة نقز باش يفتح الباب ..
جميلة > حييه تسحاب روحك صغير ؟
سراج > والله عادي يا امي نبي نفرحكم بس ..
جميلة > سلمك ..
سبأ > منار شاهي ولا قهوة ؟
منار > اني عادي زي ماتبو انتم ..
سراج > ديري قهوة خلي نصحصحوا من تعب الطيارة ..
سبأ > باهي ..
منار ناضت > جاية نسعدك ..
سندس > لالا اقعدي قعمزي ..
منار > لا عادي والله ..
سندس > غير قعمزي واله ماهي صايرة احكيلنا شن الجو ووين مشيتو في ايطالية ..
سراج > قلنا لراجلك تو يحكيلك هو ..
سندس > انتم شفتم منير ؟
منار ضحكت وشافتله بمعنى تستاهل فضحت روحك ^_^
سراج > اه .. اا .. ايه هو اللي روح بينا من المطار ..
سندس > من غير مايقول مايتحشمش ..
سراج > تصرفي انتي وراجلك ..
بلله اتصلي بسهى وقوليلها تجي وخليها مفاجءة حتى هي .. واتصلي حتى براجلك خلي نتلاقوا لان ساعة تانية وبنمشوا لحوش اهل منار ..
سندس ناضت > باهي دقايق نكلمهم ونجي مافيش تغطية اهني ..
جميلة > شن منار مرتاحة ؟
منار نزلت راسها > الحمد لله ..
سراج > املة وين بوي ؟
جميلة > مش عارفة اكيد مع جماعته على جية ..
منار وقفت > نستأذنكم نمشي نشوف البنات ..
طلعت ومشت لسبأ في الكوجينا ..
منار > سبأ كملتي ..؟
سبأ > ايه هي شوية .. نحط الحلو ..
منار > نسعدك ؟
سبأ > لالا صحيتي ..
منار > وين ميمي ؟
سبأ > اكيد فوق مادامها زعلانة ..
منار > عادي نركبلها ؟
سبأ > ايه تفضلي ..
ركبت منار قعدت تدور على ميمي ..
لقتها تبكي في الدار !!
منار > ميمي خيرك حبيبتي ..
ميمي > بابا هو مايحبنيس [بابا هو مايحبنيش]
منار قامتها > ههههههههه بابا يحبك غير هو يبي يعطيكم كلكم شكلاطة باش مايبكوش كلهم ..
ميمي > اني نحبها السكلاطة نبيها كلها [اني نحبها الشكلاطة نبيها كلها]
منار > تو اني نعطيك شكلاطة تاني لما تتم هادي باهي ..
ميمي وهي تمسح في دموعها > باهي ..
منار > هادي دار مني ؟
ميمي > هادي دار عميمة سبأ ..
منار > اها هي تعالي ننزلوا لوطة ..
ميمي > به ..
ونزلوا ^_^
*
*
سبأ > تعالي القهوة بتبرد من بكري انادي ..
منار > هيا ماسمعتكش ..
سبأ > قدرتي تراضيها ؟
منار > ههههه ايه ..
سبأ > تبي جائزة معناها ..
سراج > هههههههههه بنعطيها بنعطيها ^_^
سندس > عنايدية مش عارفة لمن طالعة ..
جميلة > لامها عنايدية وحرفة ..
منار > الله يرحمها ..
الكل قعد يشبح لمنار ومستغربين !!!
سراج بيغير الموضوع > كلمتم سهى ؟
سندس > ايه وقالت نكمل اللي في يدي ونجي ..
سبأ > ميمه ميمه تعالي ..
جت تجري وقعمزت بحداها > نعم ..
سبأ > ترة قولي لخالوا سراج A B C D E F G H I J K L ……
ميمه قعدت تشبح لسراج ومتحشمه :$
سندس > قولي هيا ..
منار > حشومية ..
سندس > ايه هلبة ..
تو أنس لا لسانة مطلوق ..
سراج > هيا ميمه قولي باش نعطيك شكلاطة ..
ميمه قعدت تلعب بيديها وتتحرك وتغني > A B C D E F …
الكل صفق > برااافو ..
وجت سهى هي وراجلها ولقت سراج ومنار وتفاجءت -_-
•
•
ما آجملهآ من لمة بقرب آلعآئلة •
حكاياتهم الدافئة ,ضحكاتهم ,ذكريات طفولتهم *
•
•
طلعوا للجنان وقعمزوا برة بما انهم التموا كلهم ^_^
ميمي > بابا مس بتعطيني سكلاطة [بابا مش بتعطيني شكلاطة] ..
سراج > به بعدين تو اني قايمها الداخل ..
ميمي زعلت -_-
منار > قولي وين تو نجيبهالهم اني بما انهم برة خلي ياكلوها اهني خير مايلبزوا الداخل …
سراج > في الدار اللي كنا فيها وراء الباب ..
منار > به ..
ومشت ..
سراج > بروا انتم معاها باش تعطيكم ..
مشوا لحقوها الصغار ..
سراج للعيلة > اسمعوا ..
الكل شبحله !!
كمل > منار ماتندريش على مروة فما في حد يفتح الموضوع ويحاول يجيبلها سيرة اني نعرف امتى نقوللها ..
سندس بصدمة > كيف ؟
سبأ > لاش انت لتوا ماقلتلهاش ؟
انت تتسمى تخدع فيها ,مش حب هدا ..
جميلة > انتي مادخلكش خليه هو حر ويتصرف بروحه ..
سبأ > كيف حر وهو داس عليها حاجة هي من المفروض تعرفها حتى من قبل ماتتزوجه ولتو مازال ماقلهاش ؟
سعيد بو سراج > لازم تقوللها انت ياولدي هدا غلط ..
سهى > احم احم ايه مشينا لحوش عمي امس .. عمي امداير عملية ..
سراج قام راسه شبح منار قدامه > اه على شني ؟
سعيد > قلبه ..
سراج > باهي الحمد لله على سلامته ..
جميلة > باش بعد ماتستريحوا لازم تمشوله تسألوا عليه وتستحمدوله على سلامته ..
سراج > ان شاء الله ..
منير > شن رايكم نجيبوا عشي من برة ..
جميلة > لالا تو انوض نحط مبكبكة فوق النار ^_^
سراج > لالا ماتتعبوش روحكم ..
احني لازم نطلعوا توا هو هداكا بنمشوا لحوش اهل منار ..
جميلة > مزال بكري ..
سراج > لالا حتى هما بنقعدوا عندهم شوية ونروحوا ,تعب السفر قاعد فينا ..
سبأ > باش تعاودوها ..
منار > ان شاء الله ..
سراج > هي منار وتي روحك ..
منار > اني واتية ولابسة ..
سراج > ماعندك شيء الداخل ؟
منار > لالا شنطتي اهني وخلاص ..
منير > شن جيت بسيارتك ؟
سراج > ايه ..
ميمي شبحت بوها واقف جاته تجري > بابا باابا وين ماسي ؟
منار > هيا تمشي معانا ميمي ؟
ميمي > ايه نبي نمسي معاكم ..
سبأ > لالا خلوها مزال ..
منار > لا والله عادي خلي تروح معانا ..
جميلة > لالا يا بنيتي خليها حتعبكم وانتم مزالت عرسان ..
سراج > باهي خلاص تو غدوة او بعده نتلاقوا ..
ميمي > اني نبي نمسي معاكم ..
سراج > ميمي بابا تو غدوة نجوك اني وخويلة منار باهي ..
ميمي > لا نبي نمسي معاكم اني ..
منار > ميمي نمشو اليوم باش غدوة نجيبلك الشكلاطة ..
*
*
ومشوا لحوش أهل منار ..
•
•
[منار]
كم أراك غريب يا منزلنا •
إشتقت إليك وإلى كل زاوية فيك *
منزلنا ممتلئ بالذكريات الحزينة أكثر من المفرحة ..
يا رب أجعلني فرحاً على هذا البيت *
يتبع ~~
#Orjwan ~_~