مرضئ طلع وركع الباب واني ضليت حايره
شنو اسوي رحت كعدت يم بابا وكتله
اية: بابا هسه شنو راح سوون ومرتضئ راح ينسجن (بجي)
ابو ياسر: لا يابه لا يضل بالج باجر نروح لاهل الولد ونعرف شنسوي.
ياسر: يابه اني رايح اشوف مرتضئ واجي
ابو ياسر: اي روح خاف يسوي شي علا ما باجر نروح لبيت الشيخ ونشوف.
ياسر: انشالله.
_اني عفتهم وطبيت جوه حايره وخايفه علا مرتضئ بنفس الوقت مادري شون نمت ثاني يوم راحو كلهم لبيت الشيخ.
بيت الشيخ عدنان.
بطل القصه: اني اسمي علي عمري26 سنه
خريج هندسه... عندي اربع اخوان محمد25 ونزار19 وزياد 36وحسن 21اخت وحده 18 ابوي مزوج ثنين ام نزار متوفيه يعني بس نزار واخته سها وعلياء توفه نزار... البنات ما مزوجات بس نزار جان مخطوب...رهف اختي
وسها وعلياء اخواتي من ابوي حسن وزياد هم اخواني بس نزار وعلياء وسها اخواني من ابوي زياد منزوج سعاد وعنده 2جهال رضا وزينب
_ بيت الشيخ.
علي: يلا شنو اليوم كله نايمه محد منجن تكوم تسوي غده لو نجيب بنكلادش؟؟
مرت زياد: وشجاك نته عصبي هسه كش بش صار الغده لو متتحمل تجوع شويه
زياد: سععادددد لسانج راح اجي اكصه كال سوي غده سوي ورجليج علا راسج مشيي يلا.
سعاد: اوي شبيكم رايحه امشن وحده من عدجن تسوي وياي الغده.
(اخت نزار من امه) علياء: رهف روحي نتي وياها اني مريضه مالي خلك
سها(اخت علياء): اوي. سوده عليه خيتي امشي امشي جوه انطيج علاج.
رهف: اوففف رايحه رايحه
علي: زياد نزار وين؟
زياد: والله علمي علمك طلع الصبح وما اجه:
محمد: السلام عليكم.
الكل: وعليكم السلام.
علي: محمد نزار وين ما كلك من طلع؟
محمد: والله يخوي مو تدري بي مخطوب كال اروح ويا صديقي اسوي حفله مال عزوبيه
علي: شنوووووو يااا حفله شجاي تحجي نته
محمد: اويي شبيك اشاقه.
زياد: محمد ححي عدل ونزار وين
_ وحنه جاي نحجي دك نزار علينه
علي: الووو وين نته تعال للبيت.
الووو الووو متحجي.
الدكتور: السلام عليكم
علي: وعليكم السلام منو.
دكتور: اني دكتور وشفت رقمك مكتوب اخوي. ودكيت عليكم
علي: خير ونزار ويننننن دكتورر شكوو شصايررر؟؟؟؟!!!!!!
دكتور: الصبح جابو اخوك مسوي حادث ومع الاسف توفه البقاء للالله.
_سديت التلفوت وكمت ضليت ماعرف شنو اكول.
الشيخ عدنان: خير وليدي شصايرر ونزار شبي؟
علي: يابه نزار مات.(بجي)
_ البيت كله نكلب صريخ وبجي طلعنه اني وحسن وزياد ومحمد رحنه للمستشفئ
_ سوينه الفاتحه وخلصت بعد كم يوم دزينه علا اهل الولد الي كتلو نزار.
حسن: يابه دخل يجون ورب اليوم ما اخلي واحد بيهم عايش
علي: مراح اخلي دم اخوي يروح علا الخالي بلاش.
الشيخ عدنان: خلي يجون ونفتهم كافي
_اجوي الشيوخ كلهم للبيت مال الشيخ طبوو وره بيت ابو ياسر وجايب ويا اخوانه ولده ومن ضمنهم مرتضئ.
_ دخلنه وشفنه زلم معكله وشيوخ كاعده سلمنه عليهم وطبينه جوه.
ابو ياسر: السلام عليكم
الكل: وعليكم السلام
شيخ عدنان: تفضل ابو ياسر.
ابو ياسر: زاد فضلك شيخ
شيخ ترا الي صار كله بدون قصد
واي شي نته تريده احنه حاضرين.
الشيخ عدنان: ونعم بعد 5ايام جيبو جبيركم وتعالو
ابو ياسر: صار شيخ وما يكون خاطرك اله طيب
علي: الله وياكم تفضلو اوصلكم للباب
ياسر: مشكورين احنه نطلع
الشيخ عدنان: ضلو يمنه هليله
حسن: علي شبي ابويه شنو ميتلنه دجاج اشو يحجي وياهم ولا عبالك الي كتلو اخوي.
علي: حسن اسكت يطلعون ونعرف الي بال ابوي.
ابو ياسر: لا شيخ تسلم ورانه طريق والبنات وحدهن ب البيت مانكدر نعوفهن.
الشيخ عدنان: الله وياكم.
_________________________
مرتضئ
ياسر: يابه كلبي ما مرتاح حاسهم راح يطلبون شي قوي.
مرتضئ: اي يابه اني هم هيج حاس.
ابو ياسر.: اوفف بعد كم يوم نروح ونعرف.
اية..
ابو ياسر: السلام عليكم
اية ونور: وعليك السلام بابا
اية: بابا بشر خوماكو شي من رحتو لسه كلبي نار.
ابوياسر: والله ما ادري كالو بعد خمس تيام تعالو وياكم شيخكم ويصير خير.
اية: انشالله خير يابه
كعدو خلي اسويلكم عشه
ابو ياسر: اي والله بنيتي جوعانين وتعبانين
اية: صار يابه غسلو علا ما اصب العشه
___________________________
يتبععع
حبابي اتمنه القصه عجبتكم انتضرو الاجزاء الباقيه راح تعجبكم ✨
أنت تقرأ
#فصلية_علي
Teen Fiction#فصلية_علي الكاتبه/زهراء علي ✨ فصلية/تمر باصعب اوقات حياتها واصعب ايام عمرها وتواجه اصعب المشاكل في حياها لاكن لا تتوقف وتكمل مع.... لم تفكر يوم ان خطاء من شخص قريب عليها سوف يقلب حياتها رأسن علا عقب.. قصه جميله وحقيقيه لفصلية_علي ...
