#فصلية_علي

بارت23

اية

مرن كم يوم واجتي دورت السنه مال نزار والكل مخبوص بيها والكل تشتغل بيها اني صح صرت زينه بس بعدني احس بدوخه والم بطني ساعت الساعه تهيج عليه

بعد يومين لدورت السنه والخطار بدو يجون علينه من هسه يعني الاقارب اني ما انزل هواي جوه اكضي اليوم كله فوك، علاقتي ويا علي ابدد مو زينه صح هوه زين وياي ومهتم بعلاجي وبأكلي بس اني ابدد ما احجي ويا حتلو كلمه، يحجي يحجي ويسكت وحده ابد ما ارد عليه ومرات هوه يغلس ميحجي وياي لن يدري ما ارد عليه

جنت كاعده فوك صارت دنيه المغرب نزلت اسوي عشه ويا رهف لن ما تكدر وحدها
نزلت رحت للمطبخ شفت رهف وياها بنات كاعدات بالمطبخ..

اية: سلام عليكم

الكل: وعليكم السلام

ردن عليه السلام ضلن يسولفن ويا رهف شويه وطبن علياء ومريم ونور وسها سلمن علا البنات وكعدن يمهن..

اية: رهفوه تعبتي كعدي اني اكمل بدالج

مسحت كصتها من العرك بتسمت وكالت..

رهف: لا حبيبتي اني اكمل، روحي رتاحي نتي

اية:نجبي باعي شون صرتي كعدي شويه اني اكلي بدالج

رهف: روحي ثرمي زلاطه لعد، لن مستحيل اخليج تتقربين هنانه.

اية: هههه صار

رحت طلعت الخيار والطماطه وكعدت اثرم ضلينه تشتغل والبنات يسولفن..

ـ اوفف بنات لسه ما مصدكه نزوري ابو طول الحلو ما موجود بيناتنه

علياء: اوفف سوده عليه، شتاقيتله والله

نور: حبيبي وعمري هوه ما شبعت منه.

مريم: كافي يمعودات لا تنصبنها مناحه باجر تجي المله وابجن براحتجن

ـ اووفف الكتلو يشمون الهوه وتفسحون وهوه نايم جوه التراب

نور: اخخ عمت عيني، جان يكلي شوكت نزوج ونرتاح من هل ضيم اني تعبت.

سها: جان دايمن يكلي لو تردن عيوني انطيجن اهمشي ما تزعلن انتن خواني اذا اني ما انطيجن التردنه منو ينطيجن.

ردت وجهي عليهن عيونهن مدمعه باوعت لرهف شفتها تگلي وتمسح دموعها، كمت رحت يمها درت وجها عليه مسحت دموعها وحضنتها..

رهف: اخخخ ولجج صدك جان مدللنه وميقبل احد يحاجينا ويكول كلشي ولا خواتي..وهسه وين هوه ويننن، ياريت اني بداله ياريتت...

اية: ااشش كافي يروحي كافي والله مايرتاح اذا يشوفجن هيج.

ـ انتي سكتتيي انتي واخوج الكو** السبب انتو الي اخذتو من عدنه.

رهف وخرت راسها مني مسحت دموعها وباوعتلهن روفعت اصبعها بتهديد..

رهف: وروح اخوي اذا تلضن تحجن عليها الزمهج امسح بيجن الكاع، الي تجيب طاري اية علا لسانها اكصه فتهمن لو لا؟