اية
فتحت عيوني اباوع اني وين، شتميت ريحت المعقم عرفت نفسي بالمستشفئ ضليت اغمض وافتح راسي احسه راح ينفجر من الوجع وبطني موتنني احس كل ذره بجسمي توجعني وتصل عليه، شويه ودخلت دكتوره عليه.
دكتوره: حمدالله علا سلامتج حبيبتي
حجيت وياها لن ما ردت افشلها مع انو اني بالف يا علي يلا اكدر اطلع الكلمه
اية: الله يسلمج
جرت كرسي وكعدت كدامي باوعتلي وابتسمت
دكتوره: احجيلي شنو صار وياج، واذا تردين تبلغين علا الي سوه هيج بيج اني وياج
اية: لا دكتوره ما اريد ابلغ
دكتوره: مستوعبه شنو جاي تحجين انتي، زين من بعدج عايشه انتي بعدج زغيره واغتصبابج جان صعب كلش واضطرينه نسويلج ربط تدرين لو لا!!
غمضت عيوني ونزلت دموعي هيه شافتني هيج زفرت بقهر وطلعت، شويه ودخلو حسن واية وعلي
رهف: حمدالله علا سلامتج يروحي
اجتي عليه حنضتني واني بجيت بحضنها وهيه تمسح علا راسي
حسن: حمدالله علا السلامه
وخرت من حضن رهف وباوعلته
اية: الله يسلمك
علي ضل واكف باب الغرفه باوعلي دنك راسه وطلع من الغرفه
رهف:اية راح نروح اني وحسن نجيبلج ملابس ونجي
اية: براحتج
حسن: يلا اني نازل اجيب السياره واجي
راح حسن ضلت رهف يمي ضلت تسال علا الي صار وياي
اية: ولج والله ما اعرف الي صار ما اعرف اجه وجها ينفض من العصبيه طب عليه كسرني تكسر ماخله عضم صاحي بيه وكملها بــ...
رهف: كافي يروحي خلص يلا اني نازله اجيبلج ملابس نامي ورتاحي
طلعت رهف وراها بشويه دخلت ممرضه بدلتلي المغذي وطلعت ضليت بس ابجي كلما اتذكر شصار وياي بليله وحده دمرت حياتي! ليش شنوه السويته اني ليش اتحمل ذنب اني ما مسويته
ذنبي احب اخوي ذنبي ردت احمي ذنبي ما اريد اهلي يتأذون!
ضليت ابجي بخنسه شويه وحسيت الباب نفتح مسحت وجهي وباوعت شفته دخل وشايل ويا علاكه مال اكل جاب ميز حطه كدامي وجاب الكرسي كعد عليه
علي: يلا كعدي اكلي شويه علمود تاخذين العلاج
ضليت ساكته وامسح بدموعي نتبهت عليه عيونه عمر دم صايرات ولابس قميص اسود نص ردن وبنطورن اسود وشعره متاثر بهمال علا وجه، باوعلي وكال
علي: يلا كومي اكلي
باوعتله ومسحت دموعي
اية: ما اريد اكل
أنت تقرأ
#فصلية_علي
Teen Fiction#فصلية_علي الكاتبه/زهراء علي ✨ فصلية/تمر باصعب اوقات حياتها واصعب ايام عمرها وتواجه اصعب المشاكل في حياها لاكن لا تتوقف وتكمل مع.... لم تفكر يوم ان خطاء من شخص قريب عليها سوف يقلب حياتها رأسن علا عقب.. قصه جميله وحقيقيه لفصلية_علي ...
