#فصلية_علي

بارت27

#فصلية ـ علي ♡

رهف..

مرن تلاثه ايام علا روحت اية لبيت اهلها وعلي ابدد ما يستقر بالبيت
النهارر كله بره يجي بليل ينام ويطلع الصبح ابدد ما يكعدد..

لحد ما اليوم الثالث الضهر كاعدين علا الغده ناكل ونزل علي من فوك
وكف يم روسنه وكال
وهوه يباوع لأبوي وكال بحزم..

علي: رايح اجيبها واجي وأي كلمه ما اسمع يابه لا تفكر تمنعني..

ابو علي: يابه بعد وكت خليها شويه.

علي: لا يعني لا رايح اجيبها واجي اني ردت بنفس اليوم اجيبها واجي بس لخاطركم سكتت..

ام علي: ولك يمه خليها شويه يم اهلها وردها يعني شراح يصير اذا ضلت..

علياء: ماما شنو يعني شراح يصير ترا هيه فصلية مو مزوجه وتسير علا اهلها.

رهف: اسكتي انتي معليج..

سها: ترا كلام علياء صحيح..

رهف: اهوو اكرمنه بسوكتجن احسنن..

علي: اششش شعليجنن انتن وتاكل نعل بكيفجن اسكتن لا اطلع حركت كلبي كلها بيجن ومحمد..

سكتنه كلنه وضلو ابوي وامي يقنعونه بس مافاد.
صعد يبدل واخذ سويجه وراح يجيبها..

ابو علي: ستغفر الله..الها يوم تموت هاي البنيه علا ايده والله.

حسن: لا يابه شنو السالفه.. ماتعرف علي انته..

ابو علي: اي ولان اعرفه هيج حجيت.

سعاد: عمي مرته ويريدها يمها علمود ابنها مو قصت شي..

ابو علي: وطلعتو كلكم تعرفون علي اكثرر مني..

عافنه وراح للغرفه..

رهف: اوفف خطيه اية ومنو يكول يمكن يم اهلها هم هيج تشوف وتصرخ..

سعاد: اني كلت بلكت تضل هناك من طيب يلا تجي، البارحه اليل كله زينب تبجي تخاف من اية تكول ليش تبجي وبلكوه نامت..

زياد: مانكول غير الله يهدي سرهم.

الكل: امين.

كملو الغده كلمن راح لغرفته اني وسعاد كمنه نعزل بالبيت كملنه ورحنه كعدنه بالهول ونحجي...

اية...

جنت نايمه علا رجل مرتضئ واباوع عليهم انتبهت عليهم بابا كلشش ضعفان وجه تعبان ومرتضئ كذالك جان كلش حلو وهوه وجها تعبان وياسر مبين عليهم التعب غفيت واني اباوع عليهم...كعدت علا
اثر حلم كلشش يخوف...

اني واكفه يم شجره وعلي واكف كدامي واكو مره
واكفه بنص وتباوع علا علي..
من شافتني اباوع عليها اجتي ركض عليه.

ـ جنون جنون جنون...

باوعت عليها وهيه صافنه عليه وتكرر بهذني الجمل...