#فصلية_علي

بارت6

حضرت الزعلان بيش مزعلك؟
اني الي مداريك اكثر من هلك...
تجرح وتقسي وشغلتي اني استحملك.
شويه خلنحجي الحجي مو كله الك بحضك وبختك يوم كتلك لا؟
من عرفتك صرت خيط بمغزلك
هاذا طبعك ماتحب الروحه بيك...
تركض ركض على اليجاهلك💔

.................

_باوعلي صفح بنضره حاده وجرني من ايدي ودخلني جوه وكال لطلعين زلم تارسه الشارع.......

اية: ايدي شبيكك...

علي: سدي حلكج لا اجي افركه..

طلع وركع الباب حيل ورا.. اجتي بنيه وكالت كومي طبي لغرفتج. ... اني كلتلها يا غرفه كالت غرفة علي اكيد..

اية: تمام... اااا اكلج يابنيه..

رهف: اول اعتقد كتلج اسمي. رهف؟
ثانين كولي شنو تردين.

اية: اسفه نسيت والله...

رهف: لا عادي يلا كولي شنو تريدن لن اريد انزل..

اية: وين اخلي ملابسي خاف اخليهن ب الكنتور وعلي يكتلني ميقبل

رهف: لا شسالفه نتي صرتي مرته وهاذا حقج حطي ملابسج وشويه ونزلي جوه.

اية
راحت رهف جوه واني كعدت ارتب ملابسي طبعن انتبهت علا الغرفه تخبلل الديكور والترتيب طبعن جانت جبيره وكلش حلوه وانيقه وجان معلك صوره علا الحيطان طبعن ما اكدر اكو بس هوه يخبلل شخصيه وهيبه كلش وماعنيه حاده... وره شوي واني دا ارتب ب الغرفه دخل عليه علي..

علي: شدسوين هنانه ومنو كلج طبين لغرفتي... رررهففففف رهففففف..

اية: ليش تصيح وبعدين هاي صارت غرفتي موو....

علي: شنو شنو عيدي مسمعت.؟

اية: ا..ااص.ص.. صصاارت غرفتي.

علي: غرفتج؟.. باعي لج انتي فصليه مو مرتي حتى تعيشين وياي ب الغرفه فتهمتي لو لا واذا مره ثاني الكاج هنانه ازكج بدفره واركعج ب الحايط فتهمتي لو اعيد؟...

اية: صار صار راح الم ملابسي واطلع..

عافني وطلع وركع الباب حيلل طبعن شكد يركع ب البوب فلك صابه... لميت الملابس وحطيتهن بجنطه ونزلت جوه شافني ابو علي يعني الشيخ وكال...

الشيخ عدنان: بنيتي وين رايحه وليش منزله ملابسج؟

اية: علي كال نزلي جوه ونزلت اكو غرفه جوه انام بيها.....

شيخ عدنان: علي صدك كلت نته هيج؟

علي: لايابه ماكلت هيج بس هيه فتهمت
غلط.

ابو علي(الشيخ عدنان.): امشي امشي بنيتي صعدي ملابسج فوك وماعليج..

اية: صار عمو..
اخذت ملابسي و صعدت فوك....

سها: يابه شسالفه تصدك بهاي الفصليه وتجذب ابنك..

ابو علي: اسكتي نتي..

علي
لج اني اعلمج تمشين حجايتج عليه بسيطه بعيني... بس اول شي خلي اتصرف ويا هذني...

علي: باعي لج انتي واختج مساع ما كدرت احاجيجن جانو اكو زلم..... كمت رزلتهن وضربتهن راجدي راجدي واني دا احجي نزلت اية....

نزلت شفت علي دا يصيح علا نفس اابنات اني عبالي لن ضربني... نزلت ركض وكتله....

اية: هاي ليش تصيح عليهن عوفهن واذا ضربني عادي حقهن ضايجات علا اخوهن..

شفتهم كلهم صفنو عليه والشيخ كام يصيح وسألني وكال..

ابو علي: شنووو ضربنج. شوكت وليش ما كلتيلي؟... اني نطيت ابوج وعد محد يلمسج بيتي... فهمتي لو واي شي يصير تجين تكليلي..

علي: يابه..طبها مرض يعني ما تعرف هذني اخواته.. طبت وكعدت كدامهن وهنه دمهن فاير شتريد يسون مثلن يبوسنها بحلكها؟

سها: اي والله.. هيه من العائله الي كتلت اخونه(وتبجي)

علياء: اوففف منج اوفف تتمشه كبالي ولا عباك اكوو شي او مسويه شي امشي ولي لغرفتج لا الزمج افرك حلكج امشيي...

ابو علي: اهاا هيج الحجي كملو كملو ولا عبالك اني موجود عفيه عليكم بارك الله بيكم كملو اني رايح.......

علي: استغفر الله ياربي اني طالع..

وره ما طلع علي اجه زياد رزل اخواته وهنه ضاجن لن رزلهن كدام اني عفتهن وصعدت فوك..... وره شويه ندكت الباب اني خفت عبالي علي اجه كمت اريد افتح الباب طلع ولد كلشش حلو ومين زغير بس مين اخو علي لن يشبه كلش

اية: فتحت الباب وكلت تفضل منو..

حسن: السلام عليكم... اني اخو علي اسمي حسن طبعن اني ازغر واحد. بالولد..

اية: وعليكم السلام... تشرف بيك..
اني جنت خايفه عبالي راح يكتلني لن هم اخو نزار هوه...

حسن: ونتي شنو اسمج وباعي اني مراح امد ايدي عليج لا تخافين...

_______________يتبعععع•

بنات لا تقصرون صوتو للقصه اذا عجبتكم 😊

اضغطو ع النجمه تفرحوني 💞😊

جاهزين تعرفون حسن شنو يريد من اية؟؟
انتضروني ب البارت السابع•♡