#فصلية_علي

بارت16

''فصلية علي''

بنات لا تنسن التصويت ترا يفرحني
وراح اعوضكم بهاذا البارت ادري تأخرت عليكم هواي اسفه وانشالله راح اعوض بهاذا البارات

.

.
انساك وبخاطري تهون ؟
من تلكه اسمي هناك بالنجف مدفون
🌿

.. نزلت جوه ورحت كلعاده انضف  رهف وياي اني رحت للصاله الي كاعدين بيها همه حجيت بصوت عالي.

اية: ممكننن تروحونننن بالهول اريددد انضف الصصاللللههه.

ام نور: وقز القرط ترا سمعناجج.

حسن: شبيج عمه مو شافت سنونج طايحه عبالها متسمعين

اية: هههههههههههههههههه..
ضحكت بصوت عالي وهمه ضحكو علا ضحكتي..

ام نور: ياا وخفه لهل حلك ماصدكتي فكيتي حلكج

ام علي: يا ام نور شلج علا الطفيله هاذا حسيون مايسكت.

حسن: يااا انوب اني باعي حجيه ترا اتهامج باطل. رجائا اسحبي كلامج

ام علي: باعع باعع ولك سد حلكك حسيون.

حسن: هاا مو اكوم.

ام نور: وهرش، شسوي من تكوم ولك ابو حلك

حسن: اشد وصله واركصلج.

همست بصوت ناصي.

اية: حسن اخذهم اريد اعزل الصاله بسرعه.

حسن حط ايده علا حلكه وشهك بصوت عالي كلهم صفنو عليه باوعلي وكال

حسن: يااا ولج ليش تحجين علا عمتي

ام نور: يااا صخام الصخمني، ولجج خلي اكضج اني الج تحجين عليه ولج جنج عربيد، ولكك حسيونن عمه شكالت

حسن: عمه تكول هاي شوكت تروح ام سنون الطايحه شكد غثه.

اني ضليت مصدومه اباوع لحسن الي عيونه دمعن من الضحك لو لعمه الفايره وتخزر بيه شويه واشو هاي كامت تركض عليه واني اركض وهيه وراي وهمه فحطو من الضحك واني خايفه لا تلزمني.

رهف: يمه بطني هههههههههههه ولجج عمه عوفيهااا البنيه ههههههههههه

حسن: اي عمه كتليها ادبيها. ههههههههههه

ام علي: يااا يااا ولج ام نور لا توكعين عوفيها.هههههه

ابو علي: ولك حسن نته ماتعرف تسكت.

حسن: يابه بطني هههههههه دباع هاي وجها صار اصفر

ام نور: ولجج البربوك انه الجج دخل اكضج ولجج كضوليهاا ولجج.

اية: عمه والله جذب ماحجيت ش..

بعدني ما مكلمله وهيه نطت تكمل ركض.

ام نور: عمه العماج ،تحجين عليه ولج اليوم اله اكضج انه الج.

كمت اركض بالصاله وهيه وراي واني تعبت وهيه ولا همها تركض اخر شي رحت ركض اريد اطلع ولطمت بشي، رفعت راسي اشوفه هاذا علي صخاممم الصخمنيي.