#فصلية_علي

بارت25

اية..

كعدت من النوم بعد ضليت افتح واغمض اريد اصحصح.. فتحت عيوني وشفت نفسي نايمه بحضنه!! شلون وشوكت..

دفعته عني وكمت من الچربايه.. حس هوه كعد بسرعه فتر واجه من جهتي كعد ركبه ونص ولزم ايدي..

علي: هاا ليش كعدتي اكو شي يوجعج ايدج بطنج ضهرج؟؟..

سحبت ايدي منه ورجعت ليوره.

اية: لا مابيه شي

علي: كومي خلي احطلج اكل.

اية: ما اريد ما اشتهي

علي: اعتقد سمعتي اني شكلت؟ كلت كومي ما كلت تردين تكومين...

اية: واني كلت ما اريدد

كام راد يلزم ايدي يكومني لزم ايدي الي مجويه بيها عطتت.

علي: اسف اسف..يووو خرب اسف ما ادري بيج والله.. شو شو خلشوفها.

جر ايدي رفع الردان جانت ملفوفه.

علي: شويه كومي اكلي علمود شويه بعد احطلج العلاج.

كمت ويا كعدنه علا الميز طلع لفات حطهن كدامي وصب عصير وكعد يوكل بيه اكلت شويه وهوه ما قبل ياكل

اية: ليش متاكل.

علي: ما اشتهي

اية: ما اشوو اله تاكل.

علي: هيه عناد

اية: لعد بس انته تجبرني.

علي: اي

همست بصوت ناصي واني اكل.

اية: وجعي

رفع راسه مخنزر باوعلي.

علي: كلتي شي؟؟؟؟

اية: ها لا لا ما كلت.

علي: خوش

رفعت لفه حطيتها بأيده.

اية: يلا اكل

علي: كتلج ما اريد.

اية: اني هم ما اريد

اخذت اللفه وحطيتها بالماعون، باوعلي اخذ لفه عض منها باوعتله ابتسمت واخذت لفتي اكلت منها، ردت اخذ العصير اشرب منه مد ايده واخذه مني، راد يشرب كمت اكح وأشر علا بلعوميي

اية: ولك غصيتت...

خطيه بسرعه حط الكلاص يم حلكي شربني بس وخر الكلاص طكيتها بضحكه.. واني اباوعله شلون خايف.

علي: طيح الله حضج.

اية: ههههههههه

باوعلي بتسم وكمل اكل ضلينه ناكل لحد ما سمعنه صوت سياره بالباب، عرفنه اجوي ردت اكوم علي ما خلاني طلع هوه يتلكاهم الباب مال المطبخ مفتوحه فه اشوفهم من يجون..

طبو كلهم من الباب بس بيت ام نور ما اجوي وياهم وحيلللل رتاحيت من هاي الناحيه لن خلصت منهن، طبو كلهم شافوني كاعده علا الكرسي والكانيولا بأيدي.