#فصلية_علي

بارت20

اية

كملت كل الشغل ورحت فوك اسبح كملت سبح ورحت علا الميز امشط شعري شويه وطب علي اعصاب مدري شبي سألته كال بنتر.

علي: مابيه شي

ضليت ساكته امشط هوه راح كعد علا الجربايه نزع ملابسه وطب للحمام كمت احضرله ملابس طلعتلهيا وحطيتهن علا الميز ورحت امشط، شويه وطلع من الحمام لاف خاولي علا خصره وشعره ينكط مي

راح للكنتور اخذ ملابسه ورجع يبدل، وره شويه وطلع لابس دشداشه نيلي وضيكه من فوك بارزه عضلات جتفه راح للكنتور اخذ خاجيه مالته وحطها علا راسه وحط عطر، ضليت صافنه عليه شلون رتب روحه

انتبه عليه تحمحم ..

علي: احمم، ما ادري طالع هيج حلو (وغمز)

ضحكت ورجعت امشط شعري، اجه يمشي بأتجاهي غلست ضليت امشي شويه وحسيت ايده علا خصري شهكت فازه وكع المشط من ايدي..

اية: ع علي شدسوي

جرني كومني وحط اديه علا خصري سحبني عليه شهكت ...

اية: ياااا عزه

ضحك وهدني راح اخذ المشط يمشط بشعره التفتلي..

علي: تدرين خصرج حلوه كلش حبيته.

اية: لا والله.

علي: وداعتج

اية: ستغفر الله.

علي: وسمم شبيجج كالبه وجهج.

اية: اني لو انته مساع اجيت وجهك ميكصه الطبر، وهسه عيني كاشخ وتريد تطلع الله يعلم وين..

باوعلي ابتسم وتقرب عليه لزم زندي حيل وجرني عليه حط راسه علا كصتي وباوعلي..

علي: ها تغارين موو..

دفعته من صدره واني امتمت واعدل بشعري..

اية: اني اغار وعليك لا عيني شعليه بيك الله وياك وين متريد تروح.

علي: خوش يلا ولي اريد انزل.

وخرت من يم الباب ونزل رحت كملت تمشيط ومدتت علا الجربايه وافكر بكلامه

معقوله صدك اني اغار عليه؟! لا عيععع مستحيل طبه مرض وين ميروح خيروح الباب توسع جمل..

ضليت افكر شويه ونمت... كعدت شفت الساعه 5:14العصر طفرت من مكاني شفت علي نايم ما ادري شوكت اجه اصلن! رحت اخذت شال ونزلت جوه جانو كاعدين يحجون علا الاربعين مال نزار..

ابو علي: ناخذ اربع ستاركس وسياراتنه حنه نروح بيهن والبقيه كلمن سيارته.

محمد: اني باجر لازم اروح ما اكدر اضل للاربعين.

ام علي: براحتك يمه، شوكت تروح

محمد: باجر الصبح اطلع من غبشه لازم.