#فصلية_علي

بارت 26

رهف.

دخلنه للغرفه اني وعلي بس نصدمنه من شفنه!!! اية كاعده بالكاع وتضرب علا وجها وتصرخ..والغرفه مكلوبه كلاببب ماكو شي بمكانه كلشي مكسر ومشمر بالكاع..

اية: اشششش اسكتييي سكتوهتااااا كلولها تسكتت..

علي طفر عليها يريد يلزمها وهيه دفع بي ما تريده وهوه بس يريد يلزم لديها..

اني تخبلت من الموقف ضليت صافنه عليه وابجي من الخوف شبيها هاي منيه الي نسكتها...

علي: محد هنانه بابا شبيج لج محد هنانه. بابا منيه منيه شو بعيلي منيه.

اية: هاي هاي بس تحجي بس تحجي كللها تسكت كللهااااا..

اني سمعتا هيج لو طفرت كبل جوه تخبلت كمت ارجف وابجي بس نزلت تلكوني كلهم بدرج واكفين.

ام علي: ولججج يما رهيفه اية شبيها، ونتي ليش تبجين شكوو ولج يمه.

رهف:مااااامااااا..

كعدت بادرج ابجي وهوه ما كدرو يصعدون لن علي فوك انوب تخبلو من شافوني ابجي عبالهم اية بيها شي.

حسن: ولج بويه شبيججج خبلتينه شكووو.

رهف: ا.. اي.. اية..

زياد: شبيها ولجج.

سكتت ما كملت متت من الخوف من المنضر الي شفته..

عاد همه ايسو ياخذون مني جواب ركضو كلهم فوك اني خفت اضل وحدي لحكتهم وكفت بالباب مال الغرفه وهمه ضلو صافنين علا اية الي موتت روحا وتصيح كلشي ما اتحجي غير بس..

اية: حبابين سكتوها دختت دختتت كلولهاا تسكتتتت بزعتني.

ضلينه كلنه صافنين عليها علياء وسها يرجفن واني اسوء منهن حسن صافن عليها اخر شي صرختت بصوتت عاليي فزينه كلحنه اني خفت.. ركضت جلبت بتشيرت حسن فز وباوعلي..

حسن: هسه من اكضج احط سجينه بطنج اكو احد يكلي ليش..

رهف: شبيككك انتهه.

حسن: زربتني العافيه وتكلي شبيكك..

درنه وجهنا علا اية علي شكد يحاول يلزم وجها بس هيه ماكوو ابد ما تثبت بس تصيح وتضرب علا اذانها..علي باوع لحسن وصااح

علي: حسنننن

ركض حسن عليه.
حسن: ها

علي: اكو ابره مهدئه بالجراره جيبها بسرعه..

ركض حسن سحب منها الابره وضربها بجتفها ضلت تصرخ شويه هدئت علي نيمها علا رجله وهيه غفت شالها حطها علا الجربايه اشرللنه ننزل نزلنه وهوه نزل ورانه.

كعدنه اني وسها وعلياء متنه من الخوف كل شويه نفز ونضل ندور بعيونه امي كامت تبجي عليها لن حالتها ابدد ابدد مو زينه تصرخ بصوت عالي وتصيحح.....