#فصلية_علي

بارت5

ملاحضه.....

اسفه اذا اكو سكحات بالقصه عدلتها لن جنت اكتب بسرعه واكرر اعتذاري اسفه☹️✨

نكمل.......

_رحت لميت ملابسي وطلعت لكيت بابا وعمامي بره وابن عمي اسمه زيد سلمت عليهم

زيد: اوفف راح اشتاقلج والله...

اية: لتضل تمسلت نته شوكت جاي حتى تشتاقلي اشو ب الشهر مره اشوفك..

ابو ياسر: هههههههه اي والله صدك لا انته ولا ابوك..

ابو زيد: والله يخوي تدري ب الشغل الي فوك روسنه وتعب و نته تدري الشغل شونه هليام ومحد اله خلك يطلع والله..

ياسر: عمي شسالفه نشاقه الله يساعدك...

ابو زيد: ويساعدك وليدي..

_ضليت صافنه عليهم ودموعي تجري يعني شون راح اعوفهم ونور منو راح يدير باله عليها اوفف ياربي اوففف (احجي بكلبي وابجي)

ابو ياسر: يلا بنيتي اصعدي....

"" "" "

علي: يابه زين ماكلت منو راح ياخذها الفصليه؟
شيخ عدنان: اكو غيرك يعني.....

علي: وحسنن؟

شيخ عدنان: يابه تحجي صدك انته احط مره بيد هاذا العفطي؟

علي: هههههههه...

حسن: اي والله يبوي وهاي شهاده اعتز بيها (بضحك)

علي: ولك اسكت لا اجي ارفس بطنك صاير تحشش ابو حلك الجايف...

زياد: يابه اجوي شيوخ والسلف كله اجه ب الديوان وينتضروك.

شيخ عدنان: يلا بويه مشينه....

علي: بسرعه وحده من عدجن تسوي جاي..

ويامن جاي احجيي راح اجي ادوس علا روسجن وحده منجننن تكوومممم لا تخلي اكل خره....

علياء: ولك علي شبيك تصيح شجاك منا الوادم....

سها: خايب متكل لختك تسوي ترا مو خدم احنه...

علي: خوش يصير خير اليوم وبعيني تدللن
رهف خويه كومي سوي جاي..

رهف: اعتبره صار.

علي: وحق الخلقجن اني سكتت لن زلم كاعده لو ماكو احد اجي انعل والديجن وحق الخلقجن بسطيه يصير خير...

علياء: عزه بعيني ولج لو كايمات نسوي مو احسن من هل رزاله..

سها: يوو سكتي انتي لا يجيج اني رايحه انام.

"" "" "" ""
اية
نزلت من السياره وياي بابا نزل ولد عمي وكلهم نزلو وياي رفعت راسي شفت الشارع متروس ترس زلم غطيت وجهي بالعبايه ونزلت راسي...

ابو ياسر: السلام عليكم.

الكل: وعليكم السلام.......

الشيخ عدنان: يابه علي فوت البنيه جوه..

علي
اطلعت بره شفت بنيه نزلت من السياره ابوي كال طبب البنيه جوه رحت مشيت كلتلها....

علي: مشي جوه

اية: حاضر..

دخلت جوه وشفت نسوان هواي

علي: هاي الفصليه خلنها جوه يمجن اني طالع

من كال الفصليه ماحس غير كمت اصب دمع كلت بكلبي خلاص راح اضل اسمعها بهاذا االبيت...

ضليت كاعده اجتي بنيه وكالت..

رهف: هلوو اني رهف تفضلي جوه.

اية: هلا بيج شكرا..

دخلت وياريت ما دخلت اول ما طبيت لزمتني مره وكالت.

سها: لجج نتي الفصليههه مووو؟

اية: اي اي اني(بخوف)

ما اشوف غير لزمتني شبعتني راجديات هيه وياها وحده... مادي مني..

رهف: ولجن وخرن البنيه راح تموت..

اجتي مره كالت ولجن البنيه راح تموت عود تاخذن ثار اخوجن طيح الله حضجن..

سها: يما سكتي رحمه الله...

اية: والله اني معليه عليكم الله هدونيي (ابجي واحجي)

سمعت صوت من يم الباب مال الديوان مالتهم..

الشيخ: السلام عليكم..

رديت بوصت عالي.

اية: وعليكم السلام...

اجتي رهف كومتني وكعدتني علا كرسي
وشيخ ضل يحجي واخر شي كال اية بنت حسين الجبوري هل تقبلين الزواج ب ابن الشيخ علي ابن عدنان كزوج الكي.اذا كنتي موافق قولي نعم وانته وكيلي...

ضليت ساكته...اجتي نفسها الي كتلتني كرصتني وكالت متحجيننن؟

الشيخ عاد الحجي مره ثانيه كتله نعم ونته وكيلي..

فتحو الباب وشيخ عدنان صاحني يمه بس اكو شخص كاله

علي: يابه عوفها ختولي..

شيخ عدنان: تفضلي بويه يمي..

اية: اي اجيت..

الشيخ عدنان: بويه من اليوم نتي راح تضلين يمنه بهاذا اابيت وهاذا صار زوجج من اليوم....

_رفعت راسي شفت اشر علا نفس الولد الي طببني للبيت وكلت يوو راح اشبع ضليم لعد.

علي: يلا كومي جوه اخذج الواهس متشوفين الديوان مليان زلم؟

شفت بابا وعمي طلعو رحت وراهم اسلم عليهم اجه وراي

سلم عليهم وحضنت بابا واجيت اسلم علا مصطفئ هوه حضني. وكال تهون.. شافني علي اني ستحيت ودنكت.....

____________________يبتع

بنات طبعن هاذا البارت طويل علا ما انزل التكمله.....