#فصلية_علي

بارت29

اية..

نزلت جوه ونصدمت من شفت شوكت اجوي ومنو ذوله ؟ ضليت واكفه باب الصاله ستحيت حيلل من شفتهم يباوعون عليه بسرعه وخرت..

ناس هوااي جايه علا بيت ابو علي منمه يمكن اهلهم الي عرفتهم بس الحجيه والنسوان الي وياها اجوي قبل الاربعين نزار بس هذني
عرفتهن! البقيه منو ماعرفتهم.

شفت علي كاعد من بعيد يم ولد باوعلي واجه عليه..

علي: شوكت نزلتي.

اية: توني، منو ذوله الناس

علي: بيت جدي، اهل امي

اية: ماعرفهم، بس الحجيه والنسوان هذنيج شايفتهن.

علي: اي هاي بيبتي وخالاتي، نصهم اجو بالاربعين بس انتي جنتي فوك

اية: اممم، يلا راح ابدل وانزل اسلم.

علي: خوش.

راد يطب لزمته من ايده باوعلي ودفع ايدي.

علي: ولج خره منا ناس شبيج

اية: ياا شبيك، انتضرني هنانه استحي اطب وحدي

علي: رهف بالمطبخ روحي شوفيها هيه هم ماسلمت بدلي وطبن انتي وياها، ولبسي شي عريض.

اية: تمام.

رحت للمطبخ شفت رهف ويمها بنات وعلياء وسها.

اية: سلام عليكم.

اجني البنات سلمن عليه شكد حبابات اكلني اكل بالسلام مامبين انو اني ما اعرفهن.

ـ شلونج حبيبتي.

اية: حمدالله ونتي.

ـ علا الله.

ردت عليه بنيه ثانيه اكبر منها.

ـ الفف مبروك كالو حامل.

اية: الله يبارك بيج حبيبتي.

باوسني وراحن للصاله ويا البنات بس رهف ضلت يمي.

اية: رهف ضلي هنانه راح ابدل واجي.

رهف: ليش شبيهن ملابسج.

اية: علي ميقبل كال البسي عريض، لن اكو ولد هواي وزلم.

رهف: هذوله خوالي ولدهم.

اية: ممم هههه عشيره جايه كلها، نتضريني رهف فدوه استحي وحدي اطب.

رهف: ماشي يلا بسرعه لعد.

ركضت فوك طلعت الدشاشه من الجابهن علي نصهن عراض جايب طلعت وحده لون سمائي كلشش حلوه وعريضه بيها حزام ذهبي لبستها ولبست وياها شال بيجي.

وحطيت مكياج خفيف مسكاره ومورد ومطرب شفاشف وردي خفيف ما كثرت وحطيت شويه كريم وخففته بالكلنس..

ولفيت الشال ونزلت طبيت للمطبخ لكيت رهف تنتضرني..

رهف: الله ولج منيلج هاي.