توم وجيري |مجموعة إسكريبتات|

القصة العاشرة "العيد فرحة"

- آسر، بكرا العيد
- اه عارف كل سنة وأنتِ طيبة
- حبيبي تسلم، بس مش ده إللي جاية عشانه
- مش معايا فلوس والله
- لا لا فلوس ايه بس يا حبيبي؟! أنا عايزة حاجة تانية خالص
نظر لها بشك وهو يردف
- أستر!
- مش بكرا في خطبتين؟!
- حصل، الجمعة والعيد
- الله ينور عليك، أنا عايزاهم يبقوا تلاتة بقا
- هتخطبي في الناس؟!
- لا، هخطب واحد من الناس
قال بغباء:
- عمرو الليثي؟!
- لا لا لا، ده كبير أوي يا أبيه
تأوه بتفهم وهو يستنتج الأمر، ورفع عصا كانت بجانبة قليلًا وظل يضرب بها على يده:
- أومال يا قلب أبيه؟!
نظرت للعصا بإبتسامة عريضة متوترة وأردفت
- طب خلاص يا عم أنت مش متفهم خالص على فكرة، طب أقولك طلاما دي مش نافعة... أنا عايزة أعمل شعري إسشوار
قال بشلل وهو يردد تلك الكلمة:
- إسشوار؟!
حركت رأسها بنعم وهي تكمل كلامها بإبتسامة عريضة:
- أيوا وأعمله أكسجين
- أكسجين؟ مم وبعدين؟!
- بعدين أعمله ثاني أكسيد الكربون
رفع العصا مجددًا في الهواء، لتردف من جديد وهي تحرك يدها في الهواء برف:
- خلاص يا عم الواحد ميعرفش يضحك معاك
قالتها بمضض ومن ثمّ نهضت وكانت ستذهب لغرفتها من جديد ولكن منعها صوته وهو يردف:
- سو، أنا جبت حاجات كل سنة للسهرة، هاتيهم وتعالي شغاليلنا العيال كبرت وتعالي أقرفيني بحكاوي الجامعة إللي مش بتنتهي دي
صرخت بإستمتاع وهي تستدير له وظلت تضحك بفرحة شديدة وهي تقول:
- أنا فكرتك نسيت!
- مقدرش أنسى الحاجة إللي بتخليني أسمع صوت ضحكتك دي
قالها وهو يقترب منها بحب أخوي صادق، لتبتسم له بحب ولكن سرعان ما أنمحت إبتسامتها وهي تسمعه يكمل حديثه:
- مع إن ضحكتك بتسمع لسابع جار من غير حاجة يعني
نظرت له بشر ليضحك هو بإستمتاع وأخذ بيدها وهو يذهب لطريق ما بالشقة
- ايه رأيك نعمل السهرة على السطوح وإحنا بنتفرج على القمر يا آسر؟! وكدا كدا المسرحية بتاجي الصبح مش دلوقتي
أردف بغمزة طفيفة وإبتسامة مليئة بالحب على ثغره:
- والله أنتَ إللي قمر
وضعت كف يدها على وجهها وهي تمثل الكسوف ليضحك هو مجددًا
- بذمتك أنتِ بتكسفي؟!
أزاحت يدها عن وجهها وهي تقول بضحك وتضرب كتفه بغيظ:
- لا بس بحاول! العيد فرحة بقا وكدا متدققش أوي يعني
حرك رأسه بموافقة وضحكاته تهدأ تدريجيًا:
- معاكِ حق، العيد فرحة بتحصل كل سنة، بس أنتِ فرحتي في كل وقت يا بت يا آسية
نظرت له بإبتسامة عريضة مليئة بالحب وأكتفت بالسكوت، ليقول بتهديد زائف
- طب مش هتجيبي الحاجات ولا ايه؟؟! عايني نلحق القمر
ركضت إتجاه المطبخ وهي تصرخ بحماس
- لا هوا أهو
♡_________♡________ ♡
#توم_وجيري
#العيد_فرحة
#حلقة_خاصة
#روان_سالم "حلوة فبراير"
ريأكت وكومنت برأيك عزيزي القارئ اللطيف 📌♥