ـ اسمك ايه بقا يا سامر؟!
بصلها بسخرية وقال:
ـ عبد الستار
قالت بجدية وهي بتمشي جنبه:
ـ عاشت الأسامي يا عبده
هز راسه بقلة حيلة من غير ما يرد فكملت هي كلامها عادي:
ـ إلا قولي يا عبده بتحب الشيكولاتة؟
ـ لا
ـ وأنا كمان بحبها
كمل مشي بدون إهتمام، فكملت هي كلامها بجدية
ـ تفتكر هنسميه ايه؟
ـ هو مين؟
قالت وهي بتحط إيدها علىٰ بطنها وبتقول ببسمة كبيرة بتحاول تمنع بيها ضحكتها:
ـ إبننا يا عبده
قرب منها بقلة صبر ومسك إيدها ومشي جنبها بهدوء
ـ سلمىٰ حببتي، إحنا لسا كاتبين الكتاب أول إمبارح، فـ أبوس إيدك بلاش تشليني في الكام يوم دول، سيبيني أعيش لغاية الفرح
ـ يعني أنا بشل يا عبده؟!
قالتها وهي عيونها بتجمع دموع، قال ببسمة كأنه بيكلم طفل:
ـ لا أنتِ شاطرة وبتسمعي الكلام يا قلب عبده
ـ طب أنا عايزة كريب
وقف وهو باصصلها بصدمة
ـ كريب ايه يا سلمىٰ؟! هو مش إحنا لسا خارجين من المطعم وواكلين بيتزا لارج؟!
هزت راسها وهي بتقول:
ـ حصل
ـ وأنتِ واكلة بتاعتك وبلطجـ'ـتي علىٰ بقيت البتزياية بتاعتي إللي مكلتش منها غير slice واحدة، مش كدا؟؟!
ـ حصل بردو
ـ وهو أنتِ لسا فيكِ نفس تاكلي كمان؟ لا وكريب؟؟
قالت ببسمة كبيرة وهي بتحط إيدها على بطنها تاني:
ـ ابننا عايز كدا
♡_________♡________ ♡
#ابننا_يُريد
#إسكريبت_عشوائي_قديم
#رَوَانْ_سَالِمْ "حَلوىٰ فِبراير"
متنساش الـ "Vote/النجمة" بجانب كومنت برأيك |سواء إيجابي أو سلبي| عزيزي القارئ اللطيف ♡
_ دُمتم سالمين
أنت تقرأ
توم وجيري |مجموعة إسكريبتات|
Short Storyهُنا وطن صغير مليء بالمشاعر المُختلفة اللطيفة والمُشاكِسة "الحب والغيرة والضحك والمُزاح والرومانسية وغيرها الكثير" وطن لا يسكنه سوا إثنين فقط هُنا حكايات الأخوين التؤام التي لا تنتهي ولا تنتهي معها إبتسامتك اللطيفة تِلك هُنا مَسكن "آسر وآسية" • هذه...
