توم وجيري |مجموعة إسكريبتات|

إسكريبت عشوائي "أول مرة في الجواز"

- منورة يا ليلىٰ

- عارفة

- ما تقومي تشوفي الأكل أتأخر ليه؟!

- بتوزعني؟!

- بصراحة... اه!

- تبًا لجيل هذا اليوم، عايز توزعني عشان تستفرد بالبَنية؟!

- أستغفرك ربي وأتوب إليك!

- أستغفر أستغفر؛ هي دي الحاجة الوحيدة إللي هتنفعك يا روحي

- بقولك ايه يا ليلىٰ؟! أنا بيتهيألي ماما بتنده!

- وأنت سمعتها وهي في البيت وإحنا برا؟!

- شوفتي! قُدرات خارقة بقىٰ!

- بقولك ايه من الآخر كدا، أنا موجودة في القاعدة دي مُحرم! ومش هتعتع من هنا

- موجودة مُحرم إزاي يعني مش فاهم؟! أنتِ غيرتي النوع من أنثىٰ لِشهر؟!

- إللي هو الشخص التالت إللي لا يجوز لأي حد من المرتبطين ده!

- قصدك مِحرم؟!

- وات إِڤر! مختلفناش

- يعني لا عربي ولا إنجليزي؟! اسمها what ever -مهما يكن- يا أختي!

- مش موضوعنا!

- قومي يا ليلىٰ شوفي الأكل أتأخر ليه عايز أقول للبت حاجة!

- مممم...! كلام قلة أدب يعني!

- اه كلام قِـ... ايه؟!! الله يخربيت تفكيرك، قومي يا بت وزعينا!

- وَيّحك! أتريدني أن أُخالف ما تربينا عليه؟!

نظر إلىٰ الفتاة الأُخرىٰ وهو يقول بغباء:
- هي مالها قلبت علىٰ وإسلاماه كدا ليه؟!

- أنا نازلة هنا عشان حــــــــــــــــــــــــــــرام تقعدوا لوحدكم يا أستاذ

- حرام ايه يا بت أنتِ هتسوقي فيها ولا ايه؟! دي مراتي! وأنا جايبك معانا كَنوع من أنواع الشفقة ليس إلا

- ده يا دوبك كتب كتاب!!!

- ايه الجملة دي؟! هو في مستجدات ما بعد كتب الكتاب!!

- اه في، في حاجة إسمها إشهــــــــــــار!

- هو أنتِ شيفانا في شقة مقفولة يا ليلىٰ؟!! ده إحنا في مكان عام! بُصي يا ليلىٰ يا حببتي، من الآخر كدا أنتِ هتقومي من هنا وإلا أُقسم بالله ما هخليكِ تاخدي أي حاجة من هدومي تاني، وإفتكري إن عندك خروجة كمان يومين وكنتِ عايزة التي شيرت الجديد الأزرق

- احم... تحب أقعد علىٰ تربيزة تانية ولا أطلع برا المطعم خالص؟!

- لا يا عيوني أقعدي علىٰ أي تربيزة قدام عيني

- أنت تؤمر يا أخويا يا حبيبي يا سَندي وضهري في الدنيا

- يلا يا شحاتة من هنا

- احم عن إذنكم، و enjoy -إستمتعا- بقىٰ

- بت لازقة!

- حرام عليك، ما هي كانت قاعدة ساكتة

- أنتِ عبيطة يا ريتاچ؟! يعني أنا موزع البت عشان أقولك كلمتين حلوين وأنتِ تقوليلي أخليها

- بس أنا مقولتش خليها!

- نفس المعنىٰ يا ريتاچ نفس المعنىٰ!!

-...

- طب ايه؟!

- ايه؟!

- ايه أنتَ يا جميل؟!

- ايه؟!

- لا أنده لِليلىٰ تاني لو هنقضيها أوأوة كدا طول اليوم!

- ما أنا معرفش بيقولوا ايه! أول مرة أتجوز أنا!

- وجهة نظر تُحترم بردو

-...

- طب علىٰ فكرة بحبك

- شُكرًا

- ايه يا ضنايا؟!

- شُكرًا!!

- هي ليلىٰ راحت فين؟!

- ليه عايزاها في حاجة؟!!

- أهي هناك أهي! ليلىٰ تعالي، تعالي أقعدي عادي يا حببتي دي طلعت هبلة!

♡_________♡________ ♡
متنساش الـ "Vote/النجمة" بجانب كومنت برأيك |سواء إيجابي أو سلبي| عزيزي القارئ اللطيف ♡
#إسكريبت_عشوائي "أول مرة جواز"
#رَوَانْ_سَالِمْ "حَلوىٰ فِبراير"
_ دُمتم سالمين