- أنا قررت أتجوز يا مريم
- وماله، مش عيب!
- معندكيش عروسة ليا بقىٰ؟!
- شوف واحدة من إللي أنت ماشي معاهم وبلاش دوشة عايزة أكل من غير وجع دماغ
- لا أنتِ مش فاهمة، الرجالة الصايعة زيّ كدا تمشي مع طوب الأرض لكن لما تاجي تتجوز لازم تختار واحدة غير كُل إللي مِشي معاهم، وده ليه؟!
- ليه يا عم الفيلسوف؟!
- عشان عمرنا ما هنختار واحدة قبلت تمشي مع راجل غريب، حتىٰ لو الراجل ده هو إحنا!
- أحرامٌ علىٰ بلابلهِ الدوحِ، حلالٌ للطير من كُل جنس؟! طب ما أنتم بتمشوا مع ستات وعادي!
- حصل وده حرام قبل ما يكون غلط أصلًا، ولكن..! إحنا في الأول وفي الآخر هيتقال علينا شاب طايش ولا راجل وبيجرب، لكن الست هيتقال عليها ايه؟!
- متربتش وقليلة الأدب
- الله ينور عليكِ
- أمشي يا أحمد من هنا، أمشي سَديت نفسي
- سديت نفسك ايه يا بت؟! ده أنتِ مخلصة لغايت دلوقتي أربع سندوتشات بطاطس واتنيت طعمية
- نُق بقىٰ! نُق! وأنا أقول أكلتي قلت الفترة دي ليه؟! أتاريها عينك إللي أكبر من عين البوتجاز
- أكلتك قلت؟!!! أومال لو كانت زايدة حبتين كنتِ عملتي ايه؟! كلتيني؟!
- متغرنيش عشان أنا جوايا ميول آكلي لحوم البشر أصلًا بس بسيطر عليها
- سفاحة دمياط!
- عندك إعتراض؟!
- وبترجعي تعيطي لو حد لمسك.. المُهم هتجيبيلي عروسة ولا لا أخلصي؟!
- لاحظ إنك أنت إللي عايزني مش أنا!
- أنا آسف، هتتكرمي وتجيبيلي عروسة ولا؟!
- تاخد ريناد محروس؟!
- إللي هي وصلتها معاكِ الجامعة قبل كدا؟!
- بعينها!
- لا حاسسها طيبة وعلى نياتها كدا، وأنا مشوفتش دقيقة تربية وهظلمها معايا
- معاك حق دي البت بسكوتة خالص
- شوفتي؟!
- طب مِرام عمرو؟!!
- مش دي إللي شغالة في محل جزارة باين؟!
- أبوها مش هي
- ولو! لو خونتها في يوم مش بعيد يبعوني الكيلو بِمية وخمسين
- وأنت تخونها ليه أصلًا؟!
- ديل الكلب عمره ما يتعدل
- أقتنعت... طب ايه؟! ما تاخد فدوىٰ؟!
- فدوىٰ مين؟! بنت عمي؟! لا يا ست دي زي أختي!
- لا أنا زهقت ومش عارفة أكل السندوتش! ما تتجوز ولا لا أنا مالي أصلًا!
- هجيبلك شاورما
- تحب مواصفات معينة ولا أنقي على ذوقي؟!
- أحبك أنتِ يا طِفسة
- ها؟!!
- بقولك ايه؟! ما تفُكك من الستات الوهمية إللي أنا مرتبطش بيهم دول، وتيجي نصحي أمك وأبويا ونقعد قعدة عرب كدا وأطلب إيدك؟!!
- يعني أنت شايف بنت عمك زي أختك ومش شايفني أنا كدا؟!
- القلب وما يُريد يا بنت مرات أبويا!
- ولو رفضت؟!
- ما أنتِ كدا أو كدا في وشي أربعة وعشرين ساعة وأنا واحد زنان وأنتِ سيد العارفين؟!
- سِت العارفين مش سيد
- مش موضوعنا، هتوافقي ولا ألجأ للحل التاني؟!
- وهو؟!
- هقرفك في عيشتك لغايت ما توافقي
- حساني بدأت أقتنع!
- هخلي الشاورما خمسة واتنين كريب
- المأذون يا جوز أمي
♡_________♡________ ♡
متنساش الـ "Vote/النجمة" بجانب كومنت برأيك |سواء إيجابي أو سلبي| عزيزي القارئ اللطيف ♡
_ دُمتم سالمين
#إسكريبت_عشوائي "أُريد زواجًا"
#رَوَانْ_سَالِمْ "حَلوىٰ فِبراير"
أنت تقرأ
توم وجيري |مجموعة إسكريبتات|
Short Storyهُنا وطن صغير مليء بالمشاعر المُختلفة اللطيفة والمُشاكِسة "الحب والغيرة والضحك والمُزاح والرومانسية وغيرها الكثير" وطن لا يسكنه سوا إثنين فقط هُنا حكايات الأخوين التؤام التي لا تنتهي ولا تنتهي معها إبتسامتك اللطيفة تِلك هُنا مَسكن "آسر وآسية" • هذه...
