توم وجيري |مجموعة إسكريبتات|

إسكريبت عشوائي "الشيرت الأخضر"

- يا باشا مينفعش ماسكة حرامي الغسيل دي!

- أسكتي، أسكتي تعرفي تسكتي؟! بوقك ده لما بيتفتح أنا بتعصب

- طب سيب الشيرت بس عشان هيتكرمش وأنا عايزة أخرج

- الـ ايه يا روح أنطي؟!

- الشيرت!

-الشيرت؟!

- اه قولنا، وسيب أمه بقىٰ عشان هيكرمش

- ما يكرمش؟!!!!! ما يكرمش!! ما هو بتاعي!!

- أيوا أيوا فهمت! براحة بس عشان كدا رقبتي هي إللي هتكرمش مش الشيرت!

- بردو بتقولي الشيرت! بت هو أنا مش قولت بوقك ميتفتحش؟!

- وأنا قولت براحة عشان رقبتي! هتخلعها في إيدك، الله!

- أنا دلوقتي عايز أفهم! مش أنا قولتلك أكويلي الشيرت.. شيرت ايه شيرت ايه؟!

- يا عم وأنا مال إللي خلفوني؟! رقبتي وجعتني من مرجحتك فيها! دي اتمرجحت أكتر ما اتمرجحت يوم ما روحت الملاهي

- أسكتي! أكتمي خالص! مش أنا قولتلك تكوي التي شيرت الأخضر بتاعي عشان هنزل أقابل صحابي؟! قولت ولا مقولتش؟!

- حصل يا كبير

- وطلاما هو حصل يا كبير ليه شايفك لابساه!!

- أنا لابساه؟! فين ده!

- وحياة أمك!

- ألفاظك يا كبير، أمك تسمع!

- ليه لابسة الشيـ... الزفت بتاعي؟!

- أصل بص..! هفهمك!

- وأنا مستني أفهم!

- أصل أنا شوفت إن الأخضر مش هيليق عليك فقولت ألبسه أنا وأنزل أشوف صحابي أحسن ما صحابك يتريقوا عليك!

- ايه أحسن ما صحابك يتريقوا عليك دي! هو إحنا في KG! ده إحنا نازلين نشوف واحد صاحبنا عامل حادثة! يعني مش هنكون فاضين نشوف إحنا لابسن ايه أصلًا!

- كمان!!! يعني رايح تزور صاحبك المريض بأخضر!!! أخضر يا مؤمن؟!

- وأنتِ مالك!! ها؟! أنتِ مالك؟؟؟! أنا خدت رأيك؟!

- براحة على رقبتي بس

- أنا مخدتش رأيك بتتصرفي من دماغك ليه؟!

- يسطا رقبتي هتتخلع براحة

- أنا عايزها تتخلع، هتريحي ناس كتير أوي لو أتخلعت

- طب بص بس أبعد إيدك عني كدا ثانية.. صحابي مستنيني تحت، وأنت أكيد أتأخرت علىٰ صحابك فخُد المتين -200- دي وروح أنا كويتلك الشيرت الأسود جوا

- أسود؟؟؟!

حطت خمسين جنيه كمان في إيده وهي بتقول:
- وماله الأسود!! ده حتىٰ فخامة وشياكة ولايق مع المُناسبة بتاعتك

- لا بردو حاسس إني مش مقتنع!

- أُقسم بالله آخر خمسين في جيبي! كدا تُلتمية -300- جنيه معاك وأعتقد إنها كَفيلة تقنعك، ولا ايه؟؟!

- طب يلا أنتِ يا حببتي عشان متتأخريش علىٰ صحباتك وأنا هروح ألبس الشيرت الأسود عشان متأخرش علىٰ صحابي

- أخويا وحبيبي وسَندي

- قلب أخوكِ
♡_________♡________ ♡
متنساش الـريأكت بجانب كومنت برأيك |سواء إيجابي أو سلبي| عزيزي القارئ اللطيف ♡
#إسكريبت_عشوائي "الشيرت الأخضر"
#رَوَانْ_سَالِمْ "حَلوىٰ فِبراير"
_ دُمتم سالمين