بينِ رفوفّ الكتبَ وجدتِك

البارت العاشر

في الصبح تحديدا المطبخ :
ام محمد :حطيت السمن وش بعد
ام نايف :بس اشكل العصيده
ام محمد :زين القهوة جاهزه
ام نايف :ما قصرتي
في السيارة :
ابو نايف :وين امك سنه
وليد :تسوي فطور
ابو نايف :قول لها يلا
وليد واهو ينزل من السياره :ابشر
ونزل ركض للمطبخ دق الباب :
وليد :ادخل ؟
ام نايف :اي
دخل وليد ولا انتبه لأم محمد :يمه يلا
ام محمد :السلام عليكم اخبارك
وليد :وعليكم السلامه الحمدالله بخير المعذرة ماشفتك
ام محمد :معذور ما فيك شك الحمدالله على سلامة فهد
وليد : جزاك الله خير الله يسلمك
ام نايف :يلا خذ الترمس وبلبس برقعي وبجي
وليد :ابشري
طلع واتجه لسياره وبعدها بكم دقيقه جات ام نايف واتجهوا للمستشفى
.....................................
في المستشفى:
قام مشاري واتجه للحمام وتوضئ وصلى وجلس يقرا القران قاطع عليه دق الباب:
ناصر :السلام عليكم
مشاري :وعليكم السلامة ارحب
ناصر :البقى تحرك شي ؟
مشاري :لا
ناصر:اصلاً من تأثير البنج يقوم بعد ١٢ساعه
مشاري بحزن:لا إله الا الله
ناصر :ترى بيدخلون لفهد عشان يتاكدون ويغيرون المغذي
مشاري :تمام
وطلع ناصر ودخلت النيرس تغير المغذي وتشوف حال فهد وطلعت ورجع مشاري يقرا القران بعده بربع ساعه دق الباب وكان صقر :
مشاري :راحب
صقر :البقى وسلموا سلام الرجال (بالخشوم)
مشاري:عسى ماشر
صقر واهو يجلس :جاي اشوف وضع فهد وضع ياسر وحسام
مشاري :ليه وش فيهم
صقر :ما اعترفوا بشي ابداً وجاي اشوف عشان احقق مع فهد
مشاري :كيف ما اعترفوا ؟
صقر :اسمع بقول لك شي
مشاري بخوف :وش قل
صقر :قالوا لي بأن الغلطان فهد واهو الي جاء وضربهم بدون سبب ابداً والدليل الضربات الي فيهم انها قويه واحد خشمه مكسور والثاني يده
مشاري الي فز من مكانه :وانا اخو فهد كيف يتعاقب
صقر :يا رجال اركد بنشوف وانا جاي عشان اخليهم يعترفون
مشاري :الله يقويك
وطلع صقر واهو متجه لياسر و حسام مع باسل
وكم عسكري ...
.............................
عند ابو نايف :
الي اوصلوا للمستشفى اتجه نايف لموظف الاستقبال
السلام عليكم
موظف الاستقبال :وعليكم السلام امر يا خوي وش بغيت
نايف :عندكم مريض اسمه فهد بن سلطان بن ....
الموظف :نعم موجود
نايف :رقم الغرفة حقته
الموظف:125
نايف :مشكور
واتجهوا للغرفه
.................................
نرجع لصقر وباسل :
تحديداً في غرفة ياسر وحسام دخل صقر بعصبيه ودخل باسل بعده :
صقر :والله لو ما تعترفون بشي ليصير شي ثاني
حسام بخوف:قلنا لك السس....السبب فهد
باسل اوهو يضرب يده بالطاوله وصوته العصبي :قالو بسرعه
ياسر واهو يبلع ريقه :ابب..ابشر بقول للك احنا السبب
صقر واهو يضحك :ما ينفع معكم الا باسل يعني
باسل :قل
قال لهم كل شي ياسر ان علي راس المشكلة وانهم اتفقو عشان علي ياخذ حق خويه المسجون واهو رئيس علي والمقرب له ويلقب( ابو عين )لان له نظر قوي
عند صقر الي واضح له كل شي :ماشالله يعني علي وانتو مهربين مخدرات
حسام بخوف :نعم
صقر بصوته العالي :بسرعه يا باسل جهز الواحدات وشوي وبجي وحددو موقع علي والي معه
باسل واهو يدق تحية :ابشر
صقر :استرح
طلع باسل ركض واتجه للمركز وعلى طول بعده صقر وهنا عرف صقر ان فهد ماله داخل واهو بريئ بس لازم يسمع للطرفين
..................................
في مكان بعيِد جداً في بيت غريب ويعتبر مهجور :
علي بخوف :ذلحين لو يعرفون اني موجود اكيد بيجون
متعب :معليك اهم شي ركز ذلحين يحتاج نوصل ذي
علي بعصبيه :انا على اعصابي وأنتَ همك الشحنة توصل
متعب بضحك :تدري كم الحساب حقها توصل فوق 5الف
علي بضحك:اوفف 5الف
هلال واهو داخل :معليك الثانين الي في السجن بدالهم ثنين
علي بتعب :وش اسوي الحين
متعب واهو يحط في يدين علي :خذا خلها تهجد راسك
علي واهو ياكلها :ماتقصر
هلال :الموعد 12 الليل عشان تبداً الخَطة
وبداو يخططون للخطة الجايه وبدون علمهم تم تحَديد موقعوهم من قبل صقر والعساكر ..
................................
في المستشفى:
مشاري :ارحبي يا الغاليه
ام نايف :اخبارك عساك احسن ولا تعبت
مشاري :لا بخير
ام نايف واهي تلف لفهد الي كان طريح الفراش والاجهاز عليه قامت تبكي :لا حول ولا قوه الا بالله الله لا يوفقهم
نايف بخوف على امه :يمه هدي معليك عشان صحته
ابو نايف :ما غيرو لفهد المغذي
مشاري :الا توهم طالعين
وليد يحاول يغير جو امه واهله :مشاري يا حظك امي مسويه لك عصيدة بتمر
ام نايف :اي نسيت
ابو نايف :اكيد بتنسين من البكي
مشاري بضحك :عطوني العصيدة
وتجمعوا كلهم وبدو يفطرون مع بعض
................................
فالليل تحديدً الساعه (11) :
باسل بصوت خافت :مافيه تحركات
صقر بنفس الصوت :ما رصدتو شي
ممدوح :تحركوا
باسل واهو يلف :اي وش نسوي
صقر واهو يضحك:ابد الحقهم وشوفو وين يروحون وانا بجي
باسل بنفس الضحكه :يعني اخليهم لك
ممدوح واهو يصوب عليهم :اطلق ؟
صقر بجديده :لا يا غبي مو الحين
مشرف واهو يا خذ السماعه من صقر :ممدوح شف وينهم لو سوا حركة ولا شي اطلق عليهم
ممدوح :ابشر
وبداً الموضوع وتحركوا علي والي معه للموعد المحدد وكان و راهم احسن ناس او فريق ما له مثيل كان يمشي بخفه كان "صقر -باسل -ممدوح
مشرف "
................................
في المستشفى:
كان مشاري نايم وما حس بنفسه من أثار التعب قام وجسمه مكسر من نومة الكنب لف بعيونه على الغرفه ما شاف فهد فز من مكانه بخوف لف على صوت :
فهد بضحك :معليك موجود
مشاري بدموع فرح واهو يتجه لفهد ويضمه :يالله يافهد الحمدالله
فهد واهو يطبطب على كتف مشاري :يالبى قلبك يا العضيد
مشاري واهو يمسح دموعه :العضيد بغى يموت
فهد واهو يركب السرير :افاا
مشاري :متى قمت ؟
فهد :تو قبل ساعه
مشاري :ليه ما قومتني ؟
فهد :شفتك تعبان
مشاري :بروح اشوف وين ناصر عشان يعرف
فهد :تمام
وطلع مشاري عشان يقول لناصر ان فهد قام ويشوفه حالته بخير او لا ..
من بعد خروجه دق الجوال لف فهد له واخذه وقرا الاسم وكانت نجود ورد على المكالمة:
نجود واهو تسولف مع البنات :لا معليك بناكله
فهد :الو
نجود ما أنتبهت لصوت :هلا اخبارك وش علوم فهود ؟
فهد :بخير الحمدالله وانتي
فزت نجود من الجلسه واهي تبكي بفرح:قمت يا فهد
فهد واهو يضحك:اي
نجود واهي تركض لامها وكان فهد يسمع صوت نجود واهي تصارخ وتقول (فهد قام ،يمه ابشرك )
ام نايف بفرح :ارحب يا ولدي
فهد :ارحبي تكفين لا تبكين كلكم ردت فعلكم واحده
ام نايف واهي تضحك :كلهم يبكون من الفرح اخبارك
فهد :بخير وانتوا كيف الحياه بدوني
كانت ام نايف حاطه على المكبر وكان الكل يسمع
العمه منيره :الحمدالله على السلامه يا فهود
فهد :اوفف على المكبر زين ما كبيت العفش
العمه نوره :ليهه وش وراك ؟
فهد بضحك:ما فيه شي اهم شي انتو بخير
نجود :اي بخير دامك بخير
ام نايف :يلا تبي شي
فهد :سلامتكم
نجود :اسمع شوي وكلنا عندك
فهد :انتظركم
وسكر الخط وبعدها بدقايق دخل ناصر مع مشاري
فهد بملل:تكفى ناصر طلعني
ناصر :يارجال مالك الا ربع ساعه مسرع تطلع
مشاري :بتجلس اليوم وبكره وبعده
فهد :لا تكفون كتمه
ناصر واهو يقلد فهد :كتمه اقول انطم ترى حالتك كانت خطيره جداً بس الله ستر
مشاري :اي نسيت صقر يقول قولوا لي لقام فهد
فهد :ليه وش فيه ؟
مشاري واهو يدق على صقر :عشان يحققون معك
فهد واهو ينسدح :اها
ناصر واهو يشوف حالة فهد :ذلحين وش السالفه
فهد :الا انتو وش السالفه
مشاري واهو يغير الجلسه
فهد بضحك :اسلم
مشاري :تخيل....
وجلس مشاري يسولف على فهد بكل حماس وكان فهد يستمع بكل حبب كان حبهم لبعض كبيرر
...................................
نرجع لصقر
كانوا يتتبعون علي ولي معه لين ما ادخلوا في بيت قديم مره واختفوا عن الانظار :
ممدوح واهو يعشق:يلا ؟
صقر واهو يلبس الدرع للحمايه :دقيقه
بعده على طول لف صقر للعيال و العساكر :مستعدين
بصوت واحد :نعم
صقر بهيبته وقوته :انطلقوا بدت الخطه
على طول حاصروا المكان صقر بصوت عالي :المكان محاصر اطلعوا بسرعه قبل لا نستعمل القوه
فلاش باك :
بعد ما دخلوا علي وهلال ومتعب :
متعب واهو يرمي الشحنه :اوصلت لكم نبي حقنا
ثنيان واهو يشوف الشحنه :ابشر شافكم احد ؟
علي :لا معليك ماحد شف
ثنيان:كفوو راح ثنيان يجب المبالغ
هلال بخوفف :هييي يا كلبب في صوتت
علي واهو يقمز على الدريشه ويوم شاف الشرطه :
الله لا يوفقكم وش نسوييي
ثنيان واهو يرمي على العيال اسلاحه:خذو
متعب بخوف :وش خذو؟
ثنيان :وش على بالك بنجلس كذا
هلال بعصبيه :وش يعني نرمي عليهم بلا فقعت كبد
ثنيان واهو يجهز اسلاح :اي
علي واهو يطلع مع الباب:اجلس انت لحالك
وطلعوا على طول متعب وهلال وعلي واهم يسلمون نفسهم لانهم مو ناقصين مشاكل وعلى طول دخل صقر والي معه وركض ممدوح واهو يحط السلاح في راسي ثنيان :والله تبي ترمينا
ثنيان واهو يبلع ريقه :وش... لالا
باسل :شافو في الغراف الثانيه
العسكري :ابشر
مشرف واهو ويمشي في الممرات :صقر وينك ؟
صقر واهو يطلع من غرفه :هنا الغرفه كله حبوب يع
مشرف :تعال بس اهم مشي خلصنا منهم والباقي على العساكر
واهم يطلعون من البيت صقر :جوالي مسكر نسيت
ممدوح واهو يشرب ماء :اي دقيت عليك قبل ساعه ولا رديت
صقر واهو يشوف المكالمات :اوفف كل ذا
ممدوح واهو يشوف مع صقر :قروب العائلة وش فيه
صقر واهو يدخل القروب ويقرا الكلام :فهد قام
باسل واهو يركب السياره :اوففف يلااا تعالوا نروح لهم
صقر واهو يركض ويركب :تمم
وعلى طول ركبو واتجهوا للمستشفى عشان يكملون السالفه ومنها يشوفون حالة فهد
....................................
في المستشفى:
الكل تجمع عشان فهد :
ابو محمد :الحمدالله على السلامه
فهد :الله يسلمك
ناصر واهو يدخل :ابشرك حالتك حلوه وتطلع من الحين
فهد بفرح :قل والله
ناصر :والله
ابو نايف :بمناسبة سلامة فهد بكره العزيمه عندي
ابو تركي بفرح :الحمدالله على السلامه وان شالله ان اول الحضور
فهد واهو يحب راس ابوه :ما تقصر يا الغالي
صقر :السلام عليكم
الكل :وعليكم السلام
و فزاو من دخول العيال :
ابو نايف :حياك الله
مشرف :الله يحيك جينا عشان سلامة فهد
نايف واهم يسلمون سلام الرجال (بالخشوم ):ما تقصر
فهد :اعزمك لعشاء بكره بمناسبة سلامتي
ممدوح :ان شالله اول الحضور
وبدت السوالف والضحك عند الجميع بعد نص الساعه طلع فهد مع أبوه واخوانه واتجه للبيت وكان فرحان بس تعبان طلع واهو توه بس يكره انه يجلس في المستشفى
...........................
في بيت ابو نايف
كان الكل مستقبل فهد بضحك ووناسه :
العمه منيره :ارحب يا شمعة البيت
ام محمد :الحمدالله على السلامه
العمه نوره :والله ان البيت بدونك ولا شي
فهد :الله يسلمكم كلكم
وراح ركض عند امه الي اشتاق لها مره دخل واهي تنتظره ركض و اهو فرحان حب راسه ويدينها قامت تضمه وتبكي :ما صدقت انك بخير الا يوم جيت عندي
فهد واهو يمسح دموع امه :يالبى روحك والله اني اعرف كيف كنتي واسف مره الله يخليك لي لاتتعبي نفسك
نجود بفرح:ارحب يا فهودي
لف لها وسلمت عليه :ماشالله انتي الي انقذتيني
نجود :اي الحمدالله صرت دكتوره بس باقي اصير رسمي
ابو نايف واهو متجه لغرفته :ناموا الوقت متاخر مره ولا تتعب نفسك يا فهد
فهد :ابشر ولف على امه :يمه روحي نامي انتي تعبانه
ام نايف بتعب :اي والله
ودخلت تنام ودخلو العمات و اتجه فهد للعيال ودخل المجلس وبدت السوالف ان صقر يشرح المهمه الي جاته وكيف شافهم وكل شي واما البنات ناموا بدري عشان العزيمه
.............................................
عند نايف وعهد :
عهد واهي تحط الكريمات حقتها :ها وش صار بعد
نايف :اي واخر شي قال ابوي اليوم عزيمه عندي
عهد :زين عشان يغير جو فهد
نايف بتعب :اي والله شكله يعور مره وعاد ناصر قال لي كانت حالته خطيره بس اهو ما يحس با الخطر على باله سهالات
عهد واهي تلف على نايف :طيب مافيه موعد له
نايف :اي يقول بعد اسبوع نجي
عهد :زين
لف نايف واتجه للسرير معلن تعبه لفت واهي تشوفه:
على طول نام حتى ماقلت له
و افتحت الدرج وطلعت تحليل الحمل واهي فرحانه :الحمدالله يارب
كان لها كم يوم تحس بتعب وكبدها تقلب عليه يوم حللت طلعت حامل وشعورها ماينوصف بتموت من الفرح وتبي تسوي له مفاجاة
...............................
في الظهر
كانوا كلهم مجتمعين على صحن الغداء :
نوف :سويت حلاء عشاء
نجود :انا حلاء قهوه
حنين :سويت كيكة
ملاذ :اسمعو الباقين يرتبون المكان والجلسات
البنات :تم
العمه منيره :اكلو لا تفكرون با الشغل ماراح يخلص
بعد الغداء بساعه :
ريهام :دقيقه تعبت
ريم :بسرعه بس ذي
ريهام :يلا
وحطت الفراشه في الحوش الحريم وبداو يجهزون للعزيمه كان بنسبه لهم عيد من زمان ماجات عزيمه
وكان الوضع عند العيال نفس الشي :
فهد واهو جالس على الكرسي ويشرب شاهي :منصور شوي شوي على الباب
سعد :يقهرر
منصور بضحك :تعبان لازم يجلسس
فهد واهو يلف على صقر :وين الذبيحه ؟
صقر :مدري مع نايف واحمد
ابو محمد :يلا شوي ويأذن المغرب تجهزوا
وركضوا يتهاوشون على الحمامات :
وليد :انقلع بس
صقر :بندخل البيت
عبدالله واهو يضحك:تمم
فهد :واحد ثنين ثلاثه
وركضوا العيال داخل كانوا البنات متفرقين في البيت :
نوف واهي طالعه با الحلو لفت الا تشوف عبدالله :بسمم الله
عبدالله واهو يضحك:كيف حلى يشيل حلا يالبى بس
صقر واهو يحذف الحذيان :محرمنا يا كلب
وطلع ركض وعلى طول في ربع ساعه خلصوا و تجهوا للمسجد
.......................
عند البنات :
كانوا كلهم خالصين وجاهزين من بعد اذان المغرب وبعدها بشوي وبدت العزيمه من دخول الحريم والبنات وام تركي وليان وشيخه وجيران
ام نايف :
نجود :الله يسلمك
لفت على واحده تناديه نجود :لبيه
الجده :انتي بنت من
نجود واهي تبلع ريقها وعرفت وش بتقول :لبيه مو واضح
الجده واهي تمسك نجود وتقول بصوت عالي :بنت من ؟
نجود :بنت سلطان بن نايف
الجده :ماشالله نجود
نجود :اي
وهجت على طول عند البنات وبدت سوالف عندهم
...............
الرجال :
باسل بصوت جمهوري :السلام عليكم
ابو نايف :وعليكم السلام
وكان كل الموجودين اقراب ابو نايف واصحاب فهد والجيران
وابو نايف واهو يأشر لوليد :تعال صب قهوة
وليد واهو يلف لناصر :خلصت الي معي بروح اقول لهم يسون وانت كمل
ناصر:ابشر
وراح ركض وليد يدق الباب وما سمع صوت وفتحه يوم شاف كانت فاله شعرها ومسويه اطرفه ويفي مع فستان كحلي كان من فوق ماسك وعلى تحت وسيع صد واهو يستغفر وقال :يولد
لفت هيفاء بخوف وركضت تاخذ اي شي تغطي فيه وجها ورجعت من ورا الباب :من
وليد :انا وليد جيت اقول لكم سوا قهوة
هيفاء بربكة :اي سويت دقيقه وبعطيك
راحت تجيب الداله وطلعت يدينها له خذا الداله واهو بس يهوجس فيها :
هيفاء :وليد وش فيك ؟
وليد :لا مافيه شي
هيفاء:زين
ولفت واهي تسمع امها تناديه :لبيه يلا
رجع لرجال وهو بدون قلب حرفياً كان يهوجس فيها
وصب ناصر بدالا وليد وعلى طول جاء محمد يساعد ناصر
بعدها بنص ساعه :
نايف :حياكم الله على العشاء بمناسبة سلامة فهد
ابو صارم :ما قصرتو وجعلها اخر الاوجاع
و اقلطوا الرجال ونفس الوضع عند الحريم
......................
ساعه ١٢
عبدالله واهو يسكر الباب :ولا احد فيه الحمدالله
صقر واهو يطيح على الارض :الحمدالله تكفون ما نبي عزايم
وليد :تعبت بس اصب قهوة يشربون كثير ماشالله
العمه نوره واهي تطلع :يلا جهزوا فراشه
سعد :ليه ؟
العمه نوره :بنجلس نسولف ونطلع الاكل الي عندنا
مشاري :تمم
صقر :عاد ميت جوع
العمه نوره : يخس الجوع
راحوا العيال واهو يفرشون و جلسوا جات العمه نوره مع البنات شكلو دائره في نهاية البنات عهد وفي نهاية العيال نايف :
نوف واهي تصب قهوة :تبون ؟
صقر :اي عطيني
وخذا ناصر الترمس وصب للعيال ونوف البنات
العمه نوره :والله تعب هدت حيل
فهد واهو يأكل حلا :اي تعب
منصور :والله انت اخر واحد تقول تعب
سعد :والله قهرني مره
نجود واهي تضحك :مسوي انه تعبان وابوي مجلسه والعزيمه عشانه
ملاذ واهي تحط الورق العنب في نص :ذا لكم وذا لنا
ناصر :الله ورق عنبب
خولة واهي تقوم :ثامر قام
العمه نوره :تذكرون يوم كنتو تتهاوشون
عبدالله واهو يضحك:اي يوم يقول محمد اخوي صقر لاحد يقربه
صقر واهو يتفل الورق العنب وجلس يكح من الضحك
العمه نوره بضحك :ولا انتو الي تشكلون دائره على نجود وتضربون الي يقرب منها
نجود واهي تضحك :من قدي
وجلسوا على السوالف والضحك لمدة ساعتين ...
ناصر واهو يشوف الساعه :اوففف ٢ الوقت تأخر بنام
العمه نوره :اي والله بروح انام حتى انتو لا تطولون
نوف :معك كلنا بنام
واتجهوا البنات للبيت والعيال للمجلس
.......................................
نايف وعهد :
دخلت عهد ركض واهي تضبط شعرها وشكلها تعطرت من عطرها المفضل ودخلت المطبخ واهي تطلع الكيكة الي مسويته اتجهت لنايف الي جالس على الاريكه دخلت با الكيكه واهي تصرخ لف نايف  :
نايف واهو يضحك:وش المناسبه
عهد واهي تبكي من الفرح :اني حامل
فز نايف من مكانه بصدمه وشعور متلخبط ماحس بذا الشعور:قولي والله
عهد واهي تحط الكيكة وتطلع التحليل :شف والله حامل
لف لها واهو يضمها :مبروكك يا حياتييي اجمللل شييي سمعته ما اصدق
عهد واهي تمسح دموعها :الحمدالله قلت لك عشان يتغيرجوك
نايف واهي فرحان مره :والله ان جوي تغير اقول البسي بنطلع
عهد :وين بنروح في ذا الوقت
نايف واهو يلبس ثوبه :بنطلع نتمشى ونفطر برى ونسوي كل شي تبين
عهد بفرح :من زمان ما طلعنا نتمشى مع بعض
وطلعوا طالعه من زمان عنها كانت فرحت نايف مو طبيعه كيف بيجي ولد او بنت يشيل اسمه وكيف راح تكون ردت فعل ابوه واهلها ..
.........................................................
السلام عليكمم اخباركم نزلت لكم بارت بمناسبة العيد خليته طويل ان شالله يعبجكم وعطوني رايكم ولاتنسون النجمة كل عام وانتوا بخير و رايكم في حمل عهد وفرحت نايف انتظروني في بارت ثاني بس يمكن اطول ❤️