بينِ رفوفّ الكتبَ وجدتِك

البارت الرابع عشر

بعد ماوصلوا لديره البنات على طول دخلوا يرتبون وكل واحده راحت لبيتها واما الرجال على طول تواجهو للعزاء ما بقى الا وليد ومنصور :
وليد بتعب :خير مافيه الا انا وانت
منصور واهو ينزل الاكياس:اخلص بس خلنا نخلص ونروح لهم
وعلى طول خلصوا وبعد اتجهوا للعزاء
............................................
في المجلس :
دخل ابو نايف وقال بصوته الجمهوري ولكن واضح في الحزن والضيق :السلام عليكم
فز ابو عامر بفرح :ارحب يا سلطان من زمان عنك
وبدا سلام الرجال (بالخشوم )
ابو ظافر :وينكم مالكم حس حتى انت يا سياف اختفيت من الديره
ابو محمد زفر بضيق :مافي شي رحت لخوي من زمان عنه واعجبني الوضع وطولت
لف صقر لمشاري :الغثيث ذا ما مات
كان مشاري يشرب مويه غص  ولف على وجه ناصر وتفل المويه ناصر بقرف وعصبيه :العنه وجع
كان صقر طايح من كثر الضحك والعيال نفس الوضع كلهم ماسكين الضحكه
لف عليهم زيد وبصوت عصبي :اسكت انت واهو مافيه احترام
مشاري واهو يعدل جلسته :ابشر يا عم ابشر
وانتهت ثلاث الايام الي كانت اصعب الايام على ابو نايف وعيال عبدالرحمن وتحديداً اخر يوم عزا في المجلس وبعد العشاء  كان ابو نايف جالس يعطي اوامره لنايف
نايف :ابشر الحين
ابو نايف :تبشر بالجنه وطلع نايف
كان يراقب ابو نايف ويوم شافه لحاله والمجلس فاضي اتجه له
هيثم واهو يحب راسه :السلام يا عم
ابو نايف :وعليكم السلام ارحب يا ولدي اخبارك
هيثم :البقى بخير
ابو نايف بحنان :اي شي تحتاجونه انا عندكم اطلبوا ويجيكم
هيثم :ماتقصر انت كأنك ابونا من يومنا صغار واحنا عيالك و من بعد وفاة ابوي الله يرحمه وانت الى الحين ابونا
ابو نايف بفرح من كلام هيثم :الله يخليكم لي
هيثم :امين يا عم جيتك بفتح معك موضوع مهم
ابو نايف بستغراب :عسى خير
هيثم :خير خير انت تعتبر ابوي نفس ماقلت وتخبر احنا ايام ضيق والكل ضايق من بعد ابوي وانا بعد كبرت وابي اكمل نص ديني واخطب نجود بنتك على سنة الله ورسوله
كان ابو نايف مصدوم ماتوقع ان هيثم بيخطب نجود
واحراجه هيثم من بعد كلامه ،كان هيثم يشوف
وجه ابو نايف كيف تغير وقال بربكة :عسى الطلب مب كبير عليك
ابو نايف بتوتر :لا لا ابد انا موافق والبنت لك
لف هيثم لبو نايف بفرح :صدق يعني بعد يومين نكتب
ابو نايف :اي والف مبروك لك يا ولدي
هيثم :و راي البنت !
ابو نايف :البنت رأيه من رأي ابوها
قام هيثم بفرح واهو يحب راس ابو نايف وطلع ركض يحاول يغير جو اهله ويبشرهم ..
..................................
في بيت ابو نايف :
اتجه ابو نايف لغرفته ولحظة ام نايف انه ضايق واتجهت له في الغرفه :
ام نايف بخوف :عسى ماشر يا سلطان وجهك متغير
لف ابو نايف له وزفر زفرت ضيق :وش اقول جاني اليوم هيثم ولد عبدالرحمن وخطب نجود وافقت
لفت ام نايف بصدمه :وشهووو وافقتتت
ابو نايف :وش اسوي احرجني
ام نايف :البنت صغيره وبعدين ما ابي تعيش بالحالها بكره احنا نروح واهي تجلس في الديره
ابو نايف بعصبيه:اص خلاص وافقت وبعد يومين بيكتب الكتاب و الشوفه الشريعه والزواج مختصر
ام نايف بضيق وعصبيه :مب كل شي توافق عليه و رأي البنت طيب !!!
ابو نايف :بقول لها الحين مافيه تراجع انا عطيت الرجال كلمه مقدر
ام نايف بحزن :بكيفك
......................................
عند البنات :
كانوا جالسين جلسه ما بعد التعب والترتيب
سمو :احس بموت من التعب
ريهام :يربي الكذببب جالسه مغير فوق في الغرفه
نوف واهي تصب شاهي :خذوا
نجود واهي تتأمل جو الديره الي من زمان ماراحت لها :ممكن مافيه صوت اسكتوا
قاطع عليهم صوت وليد الي يركض:نجوددد
هيفاء بصوت عالي :لاتجيي احنا موجودين
وليد بنفس طبقة الصوت :وش يعني بشوفكم
نجود واهي تقوم :خلاصص اسكت بجي
طلعت نجود لوليد
وليد :ابوي يبيك
نجود بتوتر :انا وش سويت !!!
وليد بضحك :مدري بس شكل في شي لانه في الغرفه
جلست نجود ورفعت راسها لوليد :ماسويت شي وش تتوقع
وليد جلس مع نجود :وش رايك تقومين لان امي واهي تقول لي معصبه وابوي ما شفته من رجعنا من العزاء
قامت نجود واهي تبلع ريقها وتلف له :خلاص بروح
وليد :قولي لي وش فيه
نجود :معليك
وركضت لدخل يوم وصلت للغرفه زفرت بهدوء ودقت الباب وصلها صوت ابوها ابو نايف :ادخلي
دخلت وسكرت الباب واتجهت تسلم عليه :السلام يبه من يوم ماجيت الديره ما شفتك
ابو نايف :وعليكم السلام مشغول
جلست نجود ولفت على امها واشرت بمعنى (وش فيه )
لفت امها لبو نايف الي بدا يتكلم :نجود بنتي بفتح معك موضوع واهو ان ولد عبدالرحمن خطبك
لفت نجود لبوها وقالت بصوت مصدوم :اكيد لا ماراح اوفق
ابو نايف شاف ان نجود بترفض وقال بصوت عصبي :مافيه انا وافقت وجيت اقول لك تجهزين نفسك بعد يوم بيجي يكتب الكتاب
لفت نجود لامها واهي تبكي :دقيقه وافقت يبه انا بنتك تكفى لا انا توني صغيره وابي اكمل الدراسه بجلس في الديره طول عمري وانا صغيره !!
ابو نايف قام واهو معصب :مافيه بتاخذين الولد بتاخذينه
قامت نجود واهي تبكي وتلف لامها الي مانطقت بحرف :يمه تكفين ليكون انتي مع ابوي استوعب يبه انا تونيي والله توني
ابو نايف بعصبيه :خلاصص اطلعي قلت لك وجهزي نفسك
نجود واهي وسط الدموع والانهيارات :والله ما خذ ولد عبدالرحمن سمعت يبه والله ماخذه
جات ام نايف تضم بنتها الي انفجرت بكاء ماتوقعت ابوها يغصبها على واحد طلعت من الغرفه واهي منهاره واتجهت ركض لسطح وسكرت على نفسها جلست تبكي وتعرف ان ابوها قوي ومستحيل يتراجع  ابداً وتذكرت فارس على طول وقامت تبكي اكثر وبعدها بساعه انزلت تحت وكان البيت كله نايم اتجهت للحمام عشان تتوضى  وفرشة سجدتها وصّلت الوتر وجلست تدعي من كل قلبها يصير شي ويخرب كل شي
............................................................
في بيت ابو محمد :
كانوا كلهم مجتمعين في الصاله نزل صقر واهو معه اغراضه لفت ام محمد بستغرب :عسى ماشر !!
صقر بضحك :الواجب ينادي
ملاذ :الله يحفظك اهم شي انتبه لنفسك
صقر:من عيوني
واتجه يسلم على امه وابوه ثم نوف وسعد وملاذ
صقر :تبون شي
ام محمد :سلامتك انتبه لنفسك
صقر واهو يطلع :ابشري يلا استودعك الله
واتجه صقر لمهمة الي مدتها اسبوعين ومن اصعب المهمات ..
..............................
كانت نجود ماتكلم امها ولا ابوها في اليومين الي قبل الكتاب ودها لو ابوها يحن ويرفض بس بالعكس حلف ان نجود تاخذ هيثم :
كانوا كلهم يركضون يرتبون عكس نجود الي جالسه تبكي مادوها يشوفها ولا تكتب كانوا عندها البنات يهدونها
نوف بتوتر :خلاص يا نجود الرجال برا افرحي
نجود واهي تمسح دموعها :كيفففف انا تونيي ولا ابيه اصلنا اهو اكبر مني يمكن ١١ سنه
ريهام مسكت راسها :يويلي معليك منهم الفرق كبير مره
دخلت العمه منيره :يلاا البسي وتكشخي شوي ويجي الشيخ
نجود بصوت مهزوز :اطلعوا بالبس
وطلعوا وكانت تفكر تهرب يوم او يومين بس خافت من ابوها يقلب الدنيا طلعت فستان اسود الي يعبر عن حزنها
...............................
في المجلس :
دخل هيثم مع عمه واخوانه وعيال عمه
قام ابونايف واهو يرحب :ارحب ياهيثم وابو مفلح
وبدا سلام الرجال كان الكل يعرف ان فيه شي بس مايعرفون انه بيخطب بعد مرور نص ساعه
تكلم هيثم بصوت شبه عالي :انا ياعم جيت اليوم بذات  اخطب يد بنتك على سنة الله ورسوله
لفوا كلهم بصدمه واول شي اخوانها الي ما اتوقعوا وافهمو كل شي
ابو نايف واهو يحاول مايشوف عيون عياله :يشرفنا والله وانت تعتبر ولدي وانا موافق ورأي البنت من رأي ابوها
لفوا يباركون لبعض
نايف لولد عم هيثم :متى بيجي الشيخ !
مفلح :الحين دق علي
........................................
بعدها بدقايق دخل نايف بالكتاب كانت ماتشوف الورقه من كثر الدموع كانت متحجره في عيونها وقعت ولفت تضحك تساير البنات واهلها طلع نايف وكان هيثم بيموت من الفرح يوم سمع اصواتهم يعني الموافقه
دخل نايف بالكتاب :مافي شروط والله يوفقك ومبروك
هيثم بفرح :الله يبارك فيك
لف هيثم لعمه واهو يقول له بصوت خافت :متى الشوفه قول لهم
ابو مفلح :الا الشوفه متى !
ابو نايف :الان
على طول اتجهوا عيال ابو نايف كلهم لنجود الي مافي الا اهي في الغرفه
وليد بصدمه :ليه ماقلتي لي !!
نجود بحزن :وش اقول حلف علي وانا ما ابي ولد عبدالرحمن
نايف واهو يجلس جنب نجود :خلاص هدي كل شي خيره
نجود :صح كل شي خيره قولوا لي كذا عادي على بالكم الوضع عادي
عبدالله واهو داخل :يلا هيثم بيجي
مشاري لنجود :الوضع عادي معليك ما راح تاخذينه معليك
فهد واهو يبوس راس نجود :اضحكي ياجعل مايضحك غيرك
اضحكت من كلام اخوانها وكيف اهم معه على طول طلعوا
...................................
كان نايف يقول لهيثم :يلا في الغرفه الي عندك
هيثم واهو بيطير من الوناسه :ابشر
على طول جاء معه وليد وليد :اسمع لك نص دقيقه فقد ثم بتطلع غير كذا لا
هيثم واهو يبلع ريقه :لاإله الا الله كنت احلم بالحظه ذي واخر شي نص دقيقه
وليد واهو يفتح الباب له :يولد ادخل ولا تفقع كبدي
هيثم :ابشر
كان يسكر الباب ولا شاف نجود يوم لف له ماتوقع كذا نجود كانت بدون اي مكياج حرفياً بس كانت جميله وفستانها الاسود انيق جداً عليها
هيثم واهو يجلس جنب نجود :يربي وش ذا الزين
قامت نجود واهي تصب القهوة وتعطيه الفنجال :الناس يقولون السلام مو يسولفون على طول
هيثم واهو ياخذ الفنجال :ابشري السلام عليكم
نجود واهي تعطيه الحلا :وعليكم السلام
كان الحلا مسويته هيفاء وفي نص الحلو اسم (نجود -هيثم )
هيثم واهو يتأمل نجود :اسمعي العرس بعد اسبوع تم
نجود واهي تشرب القهوة :ذا الكلام مو معي مع ابوي واخواني
لف هيثم واهو كلم قال شي ردت عليه نجود بدون نفس
نجود واهي تقوم :تبي شي ثاني !!
هيثم بستغرب :مسرع تونا
نجود واهي تطلع :انت فاضي وانا مشغوله
هيثم ببتسامه: يالبى المشغوله و ياحظك يا هيثم خذيت لك قمرر
وطلعت وخلت هيثم الي طاح بحبها واهي تحاول ماتشوف وجه طبعاً هيثم يجذب جداً بس عكس فارس الي جميل جداً
.................................................................
السلام عليكم اخباركم انشالله بخير مفروض البارت اطول بس بسبب حماسكم نزلت اليوم البارت فيه احداث رهيب وتحزن بعد وانتظرونا في البارتات الجايه وتتوقعون كيف راح تكون ردت فعل بطلنا تفاعلوا ⭐️مره تحمسني اكتب وبعد تعلقياتكم انتظرونا 😋😋❤️‍🔥❤️‍🔥