بينِ رفوفّ الكتبَ وجدتِك

البارت السابع عشر

على طول طلع واتجه يصلي ويلبس وطلع شاف نجود لبسه بجامه وفاله شعرها وجالسه تحط الفطور :
هيثم بستغرب :كيف سويت الفطور !
نجود واهي تجلس :الناس يقولون السلام عليكم صباح الخير مب كذا كيف سويت الفطور اصلاً كل الاغراض موجوده في الثلاجه
هيثم واهو يجلس :معليش بس على بالي انك راحتي للبقاله بالحالك
نجود ببرود :تبي شاهي؟؟
هيثم :اي ما شالله الفطور حلو
نجود واهي تصب شاهي :الحمدالله
...........................................
في بيت ابو نايف تحديد الديره :
هيفاء واهي تطلع من المطبخ بالقهوة والتمر والحلا الي يبقى من عرس نجود
العمه منيره لام نايف :شخبار نجود
ام نايف واهي تشرب القهوة :نسيت اكلم بنتي 
العمه منيره :يوو ما يصلح دقي خذي اخبار بنتك وشوفي وش وضعها
ام نايف:انشغلت توني اتذكر
دقت ام نايف على نجود الي كانت ترتب الاغراض وخذت علومها و وضعها
.........................................
عند فارس الي نام ولا حس بنفسه الا المغرب قام واهو يفتح الجوال ويشوف المكالمات من امه واخوانه
فارس بستغرب:وش ذا المكالمات
قام وخذا دش على السريع ولبس ثوبه ودق على امه وعلى طول على الاسطبل كان محتاج شي يغير عن نفسيته ما تخطى كيف نجود تزوجت وخلاص عرف انه حب وانتهاء بس كيف يقنع نفسه وكان يحتاج فترة راحه وصل للاسطبل كان هناك بتال جالس يسولف مع واحد من الموظفين
فارس واهو يرفع صوته :بتاااال
بتال واهو يفز له :ارحبب يالله تطول بعمر ذا الصوت
فارس واهو يضحك :امين وياك معليش شكل قطعت سوالفكم
الموظف :لا عادي اصلاً خلصنا وعندي شغل
بتال لفارس :ها وش فيك جيت بدري توكم امس مشيتوا
فارس واهو يجلس على الكرسي ويتنهد : كل شي غلط
يا بتال حاولت اجلس بس مقدرر
بتال بستغرب :ليه وش ؟
فارس بضيق :تذكر الي قلت لك عنها
بتال بتوتر :اي وقلت انك تحبها وتبيها
فارس زفر بضيق وقال :تزوجت ولا قدرت اجلس في الديره ابداً وطلعت العزيمه اهو عرسها بس محد قال لي انا انكسرت يوم حضرت عرسها تخيل اني يوم جيت معصب طلعت اهي لي تبر موقفها طلعت مغصوبها وانا وش اسوي قلبي قسم حبها ابيه
بتال واهو يحاول يفهم :دقيقه اشرح زين يعني اهي تزوجت كيف وليه
قال فارس كل الكلام الي اهي قالته له وبعد ماخلص
بتال :والله مدري وش اقول بس واضح ان الحب متبادل وان اهي صدق مغصوبه ترى كذا كل واحد في الديره يزوج بنته غصب وانت وش بتسوي !!
فارس واهو يضرب الطاوله بقهر وبحزن على حاله :وش اسوي يعني بس اهي قالت (ان كان ذا الوادع او ذا اخر لقاء بيني وبينك ذا الخاتم امانه عندك وكلم ضقت شوفه وتذكرني وان جاء يوم إلقاء لبسني الخاتم )
بتال واهو يضحك :يعني في امل ؟
فارس ببتسامه :نعم
بتال بضحك :مستحيل تعقب تاخد البنت  اهي تزوجت كيف تاخذك ؟؟
فارس بتحدي :يعني اعقب هجل  بتشوف والله لتزوجتها معليك كل شي بيصير معليك اقول وين سهم بس
قام واتجه لسهم فارس واهو يفتح الباب :ارحب ارحب
يا سهم
وعلى طول طلع به للميدان وجلس يقفز مع الحواجز ويتدرب على البطوله القريبه كان يقفز واهو فرحان مره كان سهم يغير جوه جداً ومهم ضاق او زعل يتجه له
بعد ساعه ونص طلع فارس اهو سهم
بتال بضحك :ما بغيت تطلع
فارس :احس سهم تعب بروح انظفه واخليه يرتاح شوي
اتجه فارس اهو وموظف وجلس يروش سهم
وبعد ماخلص دخل سهم للغرفه واعطه جزر
فارس بضحك :شوي انتظر واضح الجوع
وجلس يصهل سهم وبعدها جلس فارس مع سهم يسولف وكان سهم يصهل كأنه يعرف وش يقول فارس
فارس بحماس :ياسهم لاتخيب ضني باذن الله بنفوز انا وانت وبناخذ المركز الاول
طلع فارس واهو يبتسم لسهم الي تعب من التدريب واتجه فارس السكب
فارس :معليش سحبت عليك
صهل السكب لفارس :اوف زعلان يعني
لف براسه السكب ولا رد ضحك فارس :معليك عندي لك هديه
طلع واهو يجب جزر له وجلس يضحك فارس من ردة فعله وجلس شوي معه وطلع من الاسطبل ..
.........................................
الديره تحديد بيت ابو نايف :
ام نايف لبو نايف :والله اني خايفه على البنت
ابو نايف :البنات كذا لازم نحطهم في امر الواقع
ام نايف بصوت شبه عالي :بس اسمع والله لاتجيني بنتك تبكي ولا تشتكي من زوجه ان تطلق فهمت
ابو نايف بعصبيه :البنت لازم تتعلم وتفهم من الحياه وبعدين ذي حياته الجديده وانا اعرف وش مصلحتها
طلعت ام نايف بضيق من الغرفه واتجهت لصاله الي كانوا كلهم فيها ويسولفون
عهد واهي تدخل :السلام عليكم
نوف :وعليكم السلام
ام نايف :ارحبي تعالي يا بنتي
جات عهد واهي تحب راس ام نايف وجلست جنبها
ام نايف بصوت خافت :ها عساك احسن
عهد :الحمدالله توني بدخل الشهر السادس يبقى اسبوعين تقريباً
ام نايف :الحمدالله وعسى نايف زين معك
عهد بضحكه :اي الحمدالله ياخاله
ام نايف بحنيه  :الحمدالله انتبهي على نفسك لا تشيلين شي ثقيل وان تعبتي قولي لنايف يوديك لاهلك احسن لك اهم شي راحتك ولا قولي لي وبساعدك
عهد واهي تحب راسها :ما تقصرين يا خاله وان بغيت شي ما تقصرين انتي ولا نايف
العمه نوره :ترى ام مفلح دقت تعزم
ام محمد :وش المناسبه؟
العمه نوره :تقول بنتها ولدت وبتسوي عزيمه
ام محمد :ما شالله 
...................................................
في بيت ابو تركي :
ام تركي :بنروح نشتري اغراض لتركي اشوف له شي زين
ابو تركي :زين على خير حاولوا تخلصون في الديره كل شي
ليان :لا مستحيل كل شي بيكون موجود في الديره بس بنحاول
(فلاش باك )
طبعاً تركي في يوم الخطبه صارت المشكله الي بين فهد وعيال عم هديل (علي -حسام -ياسر )  ومن بعدها قرر تركي ان الخطبه مختصره جداً واما العرس بعد ثلاث اسابيع ومن الحين بتبدأ التجهيزات
..................................................
نرجع لنجود وهيثم :
خلصت ترتيب كل شي وطلعت واهي تلبس العبايه
هيثم :خلصتي ؟
نجود :اي كل شي
نزل هيثم للاستقبال ودفع الغرفه وطلع اهو ونجود الى المطار اوصلوا بعد ساعه ونص على طول دخل ركض واهو يشوف موعد الطياره ما بقى الا شوي
هيثم :شكلها بتطير الحين
نجود بستغرب :على كيفك عطني اشوف ورفعت راسها لموعد الطيارات ولفت تضحك :يبقى ساعه
هيثم بصدمه  :كيف!!
نجود بضحكه :ماتعرف شي ياولد الديره أقرا  اول شي دبي والموعد اربع العصر وقول  اجلس بروح اطلب لي قهوة ياولد الديره
هيثم : وش فيه ولد الديره حلو  والكل يتمنه
نجود :خف علينا بس
وقام هيثم  يجيب القهوة له و نجود
كانت تتأمل المطار والطيارات وتفكر في كل شي
وهل حياتها خلاص مع هيثم والنهايه كذا
بس قاطع التفكير هيثم واهو يمد القهوة لها
نجود :مشكور
هيثم :والله الموظفه تهبد كلام كثير ولا فهمت شي
نجود بضحك :اكيد لانك ولد الديره
هيثم واهو يقوم :لاتروحين عندي مكالمه وبجي
نجود لفت على الجوال :مكالمه هجل  زين ما عطيتك كف
.....................................................
المجلس تحديداً بيت ابو نايف :
وليد لفهد :اشتقت لنجود قسم
فهد واهو يرفع جواله :بندق عليها
وليد :يمكن مشغوله
فهد :معليك ودق عليها مكالمه
نجود :ارحب يا فهيد
فهد :البقى اخبارك
نجود :بخير والله اشتقت لكم والله ملل
وليد جلس يضحك :وش متوقعه يعني
نجود بضحك :وانت بعد يا سلوقي هجل حطين على المكبر
فهد بضحك :اي ها وش وضعك
نجود :ابد زين الحمدالله واخبار ابوي
وليد بستغرب :ليه ما دقيتي عليه
نجود :اي والله شوي زعلانه عليه
فهد :بخير وكلنا بخير توا نايف يجي تكلمينه
نايف واهو يجلس:نجود ؟
وليد واهو يأشر براسه بمعنى اي
نايف :اهلاً
نجود :ارحب يا نايف اخبارك واخبار عهد
نايف :بخير الحمدالله ها عطيني رايك في الحياه الزوجيه
نجود بضحك :زفت بكون صريحها توني بنسافر ولنا ساعه في المطار
جلسوا كلهم يضحكون من كلام نجود
وليد واهو يضحك :الله ياخذ بليسك يا نجود
نايف واهو يرفع الجوال :استغفرالله توصلون بسلامه
نجود :الله يسلمك يلا ينادون على اسم الطياره
فهد وليد :إذا وصلتي قولي لنا
نجود :من عيوني
..............................................................
السلام عليكم اخباركم ان شالله بخير من امس وانا منزله البارت بس الشبكه زفت وتوه ينزل اتمنى يعجبكم والتنزيل الخميس بأذن الله انتظرونا في البارت الجاي ❤️❤️