بينِ رفوفّ الكتبَ وجدتِك

البارت السابع

فلاش باك
في بيت ابو تركي المغرب:
ام تركي :ها وش شورك
تركي:مدري يمه انتو شرحو عشان افهم
ليان واهي داخله بفشار:اسمع البنت ماتتفوت ابداً ماشالله تفتح النفس وكل شي فيها عسلل
تركي:طيب الاخلاق اهم شي عندي تكون البنت بخلاقها
ليان :تجنن انا سولفت معه وسألت كم واحده قريبه لها وقالوا حلوه
ام تركي:ليون اشرحي له شكلها
ليان:ابشري اسمع طول البنت حلو يعني اطول من بشوي
تركي واهو يضحك :واو تعترفين بقصرك
ليان واهي تحذف عليه المنديل بعصبيه :انقلع بس خلني اشرح لك
تركي بضحك:كملي طيب
ليان :وشعرها متوسط الطول ولونه أسود مثل سواد الليل مع القمرا وعيونها حاده وخشمه يجنننن وجسمها مناسبب لها يعني حلووووو تجنننن البنت
وش رايك!!
عند تركي الي يتخيلي شكل هديل وعيونها الحاده وشعرها الاسود مثل سواد الليل مع القمرا وقطع كل التخيلات ضربة ليان واهي تقول :وين رحت
يا الحبيب
ام تركي:يوليدي نخطبـ..
وقطع الكلام دخول فارس
فارس :الى الحين وانت تفكر ...وجلس جنب تركي وكمل يقول بعد ماشاف تركي متوتر :يا تركي أبد مرحله جديد ترى الحياه تجارب الاول افشلت الثانيه بتنجح وكل شي خيره في الحياه لاتفكر وتشغل عقلك
ليان :صدق في كل شي فاروس
تركي بحماس وصوت في اصرار :اخطبي
ام تركي بفرح الدنيا كلها :انشالله تكون لك باذن الله
وراحت تدق على ام هديل  ودخلت غرفتها
ليان :يلاا انشالله تكون حياتكم حلوه ورديه بس بروح اسمع وش تقول امي واهي تضحك
تركي زفر براحه ولف على فارس وقال :انشالله تكون اهي الي ابيها تكون زوجتي وام عيالي
فارس بفرح واهو يضرب كتف تركي:معليك سهالات انشالله تبي شي يا الغالي
تركي :انشالله لا سلامتك
وطلع فارس وعند تركي الي راح لغرفته وانسدح وبدا يفكر في الخطوه الي تقدم لها ومتوتر وخايف انه ينكسر نفس الخطوه الاول ويرجع لصفر..
................................
في بيت ابو نايف الفجر:
ابو نايف واهو يضرب العصاء في الباب :قومو جعلكم مانب قايل صلاة الفجرر انتَ واهو
الكل نط من ضرب العصاء وصوته :
منصور واهو يمسح وجه :ابشر
صقر بخوف:هد يالغالي خايفين عليك من الضغط
ذيب:يا خال تونا يبقى ربع ساعه على الاذان
ابو نايف نطل العصاء على ذيب وطاحت على رجله وقال :تستاهل ليه ترد علي قلة اداب جب العصاء
عند العيال كل واحد ماسك ضحكته عشان ابو نايف عند ذيب الي يصارخ على الصامت من رجله واول ما راح ابو نايف العيال يضحكون :
ناصر واهو يقلد ذيب :ياخال تونا يبقى ربع ساعه
مشاري:تكفون  بطنييي يضحككك وردت فعله
ذيب بصرخ:اكلو تراب رجلي تعورنيي ما احس فيها
فهد :شكلها مكسوره
العيال كلهم :اوفففف .....لا انشالله
ابو نايف بصوت عالي:بتطلعون ولا ويشش هااا
الكل هج على الحمام ويتهاوشون على الحمام من يبدخل اول
ابو نايف :سعد خلصت
سعد :اي يا عم بغيت شي
ابو نايف :قم دق باب نايف قول له الصلاة بسرعه
وعلى طول راح لباب نايف ودق الباب مره ..مرتين ..وثالث على اخر شي افتحت عهد الباب واهي بشرشف الصلاة الي يدل انها كانت تصلي :
سعد:سلام عليكم
عهد:وعليكم السلام بغيت شي
سعد:قولي لنايف ترى عمي ينتظره لصلاه يقول لا يتاخر 
عهد :معليه
وسكرت الباب وراحت تقوم نايف وبعد الشين قام وراح ولبس وطلع يركض واهو متاخر مره ويوم لف الا يشوف محمد يركض معه :
نايف واهو يركض:صباح الخير وش فيك
محمد واهو يتنفس بسرعه :صباح النور راحت علي نومه وخالي بيفصل معي بس زين انت معي
نايف :ليه تأخرت ؟
محمد :وش ليه تأخرت حتى انت ليه
نايف بضحك:كنت اشوف فلم ولا نمت الا متاخر وانت وش
محمد بضحك:شي مايخصك فاهم
ودخلو المسجد وصلو وخلصو وعند ابو نايف الي ينتظر نايف ومحمد عشان يفصل عليهم ولكان قطع عليه سلام ابو تركي وسلم عليه وسولف معه ودخل معهم
ابو تركي:وش شورك تقلطون عندي اليله
ابو نايف با اصرار :الا عندي احسن الليله
ابو تركي :دامك قلت هجل عندك
ابو نايف :حياكم الله
وراحو للبيت وطول الطريق العيال يطقطقون على محمد ونايف
في المجلس :
ابو نايف بصوت يدل على العصبيه :ماشالله توكم تقومون وتروحون تصلون متأخر والله لو ينننعععادد اني لققطعع رقببتكمم من اجسامكم الا الصلاة خط احمر فهمتووذا كلام للباقين
العيال بخوف :ابشر
ابو محمد:خلاص حصل خير اول مره واخر مره
ناصر :وين ذيب
صقر بضحك:راح للمستشفى بيشوف رجله وبعد الشين خلص الصلاة
نايف :اوف وش صار
محمد بقهر:ياحسافه ماشفت وش السالفه
وجلس يقول لهم ناصر السالفه وقبل لايخلص دخل عليهم ذيب:
مشاري :ارحب
ذيب واهو يمشي بعكازه :البقى
صقر بخوف فز له اهو وفهد وساعدوه وجلس
منصور:سلامتك 
ذيب:الله يسلمك
نايف :سلامتك بس كان ماتكلمت
احمد بضحك:مايقدر
وجلسو يضحكون نايف ومحمد
ابو محمد واهو يأشر لذيب :تعال جنبي وسلامتك يا الذيب
وجلس ذيب :الله يسلمك يوم رحت قال الدكتور بنلفها لك كم يوم بس مو كسر شرخ في العظم
ابو نايف بتأنيب ضمير :سلامتك ماتشوف شر كم يوم وبتجي زي الحصان
يا الذيب
صقر واهو يهمس:خالي سلطان ماتوقع يصير كذا
منصور بنفس الصوت واهو يضحك:اي وعاد ذيب توقع ردت فعل اقوى
وكملو يسولفون ويشربون القهوة
..........................
عند الحريم
الي كانو ام محمد وام نايف يجهزون الفطور :
العمه منيره واهي تدخل:صباح الخير
ام نايف و ام محمد:صباح النور
العمه منيره:ماشالله يالبى حريم اخواني
العمه نوره واهي تدخل :خلصتو اخواني والعيال ميتين جوع
ام محمد واهي تزين الصحن :يلا منيره جيبي العسل
العمه منيره :خذي احطه في صحن
العمه نوره:ماشالله وش ذا العصيدة الريحه والطعم شيي
وبعدها تعاونون وخلصو الفطور وحطوه عند الرجال وسوو فطورهم
.........................
بعد اربع ساعات ساعه ١٢
ام محمد :قامو يابنات واهي تطفي المكيف وبعدها قامو كلهم بعد التهديد
وعلى طول خلصو وانزلو تحت
هيفاء :بنات تعالو نسوي الغداء
نوف واهي تبعد شعرها:تمم ازهلي
نجود :بنقسم الشغل عشان نخلص بدري
ونص البنات جلسو ينقعون الرز والنص الثاني يقطعون سلطة ويسون شطه وبعد نص ساعه
نوف وحنين وهيفاء ونجود جالسين في المطبخ :
نوف :يابنات ودي نطلع في الحوش
نجود:اي ونسوي جلسه وفله
حنين :والعيال الله يفقع كبد العدو
هيفاء :الحوش الخلفي
وقطع حديثهم صوت ام نايف :يا نجود
نجود :لبيه
ام نايف :عهد وينهي
نجود:ارسلت لها ولا ترد مالها حس
حنين :غريبه شوفيها
نجود:نسيت اقول لنايف وينهي
وسمعو صوت الباب المطبخ الخارجي الي يطلع على الحوش يندق :
نوف :من
ذيب :انا
وطلعت له نوف ذيب:متى الغداء
نوف :شوي بس ويجيكم احسنن غداء في الدنيا ويوم نزلت راسه الا تشوف رجل ذيب وشهقت وقالت :وش بلاك
ذيب :معليك اصابه خفيفه
وتشوف المطبخ نوف ولقت البنات وقالت :بنات شوي داخل وفتحت الباب له وجلس في الكرسي الي في المطبخ :
ذيب:انتي اوفر مافي شي
نوف بتوتر وخوف :وش مافيه شي قل
وقال لها كل السالفه وعند نوف الي كانت تسمع بكل حب واخر شي قالت :حصل خير مره ثانيه لا ترفع ضغط خالي
ذيب واهو يأشر على خشمه :ابشري على خشمي
ويوم قده بيطلع سمع صوت نجود تقول :ذيب
ذيب لف وقال :هلا
نجود:اخبارك
ذيب :بخير وانتي
نجود:الحمدالله على سلامتك وخطاك الشر
ذيب :الله يسلمك وخطاك اللاش 
نجود:ممكن لو تنادي لي نايف
ذيب :ابشري
ودخلت وراح ذيب وقال لنايف ان نجود تبيك وراح لها ويوم جاء عند المطبخ دق الباب وقال :يولد
نجود:ادخل مافيه احد
ودخل نايف وقال :صباح الورد والياسمين
نجود :اوفف شكل المود حلووو
نايف :الحمدالله
نجود:وين عهد
نايف بتوتر :ليه مو عندكم
نجود:على كيفك ماجات وخفت وامي قالت شوفي نايف وارسلت لها ولا ردت
نايف بخوف والهواجيس الي صارت له في ذي الدقيقه قال :بروح اشوفها يمكن نايمه
.........................
عند نايف الي راح واهو خايف عليها وان لها اربع ساعات مو عندها فتح الباب الا يوم يشم ريحة عطرها والبخور و اللمبات مشغله ويسع صوت يداوي مسامعه صوت عهد الي كانت تغني دخل نايف بخفيف واهو يسكر الباب ويسمع لصوتها واتجاه اللغرفه وندمج صوته مع صوت عهد الي كانت تقول :
"وشلون مدري كيف روحين في روح
ماكنت اصدق باندماجك يا الارواح
معقوله احد يمشي معي وين ما اروح
معقولة انا امشي معه وين ما راح "