بينِ رفوفّ الكتبَ وجدتِك

البارت الثالث

كلهم اركبوا السياره يضحكون على ليان وعبدالعزيز واهم مايعرفون السبب واوصلوا
...................
عند فهد و وليد كانو برا ينتظرون اما مشاري كان داخل يتأكد من كل شي ونايف عند عهد
نايف :عهد كل شي جاهز
عهد :لبيه اي كل شي
عند نايف الي دخل ياخذ دش بسيط
اما عهد الي طلعت فستانها الوردي مع اغراضها وبدت تضبط شكلها بالمكياج على الاغاني وكانت تتحمس شوي وتقوم ترقص وتلف وتجلس وجلست على ذا الوضع اما نايف خلص الشور وطلع وشاف عهد تحط أخر اللمسات
ولفت وقالت :وش رايك حلوووو ؟
كانت عهد لبسها فستانها الوردي الي كان ماسك على جسمها ومناسب لها مره وكانت مسويه شعرها ويفي كله مع خاتم الخطبه الي كان محلي الفستان وكعب أبيض ومكياجها المرتب وكانت تفتن مره 
نايف :ماشالله تفتحين النفس ياحظي فيك
عهد با احرج :حبيبي
نايف :بلبس وبجي
وراح يلبس وعهد راحت تشب الجمر وتجهز العوده والبخور
نايف واهو يقلدها :وش رأيك
عهد :قمرررر ياحظييي فيك
وقربت له وقالت :تفضل العوده
وخذا العود وتبخر وتعطر من عطره المعروف وطلع لرجال وعهد راحت للحريم
في قسم الرجال عند مشاري ونجود :
نجود :مشاري
مشاري :هلاا
نجود :وش رايك فيني !
مشاري بتأمل لشكل نجود الي كانت لبسه فستان أسود من تحت وسيع ومن فوق ضيق مع كعب فضي وطقم مناسب مره وهادي مع الفستان لونه فضي الي يلمع من بعيد ومسويه شعرها ويفي وكانت تفتح النفس
مشاري :وش ذا الجمال ماشالله ياحظنا فيك اقري الاذكار لاتنسين
نجود بنحرج :ابشر
مشاري :يلا جاو الرجال ادخلي
.................
عند الرجال
الي كانو واقفين في الجه عيال ابو نايف و الجه الثانيه عيال أبو تركي
أبو نايف بصوت فرح و عالي :ارحبب تو ينور البيت يا أخوي
أبو تركي بنفس النبره :البقى
وعلى طول ضمو بعض والمشاعر والفرحه غير عند  أبو نايف و أبو تركي
عند العيال الي تأثرو مره وبعدها سلمو على بعض وادخلو
أبو نايف :وليد القهوه
وبدت السوالف عندهم
عند الحريم :
وماهي الا دقايق وادخلت ام تركي مع شيخه وليان
ام نايف بصوت يردد في كل جه في البيت :ارحبي يا أم تركي
أم تركي :البقى اخبارك
أم نايف:بخير يالبى ذا الحس والصوت
أم تركي :العبره اوصلت
ونزلت كم دمعه من أم تركي حب وشوق لأم نايف و ضمو بعض
أم نايف بفرح :ذي مرت ولدي نايف عهد
عهد :السلام عليكم
أم تركي :وعليكم السلام ماشالله قمررر يويلي العيال اكبروا
ام نايف :اي والله وكبرنا من بعدهم
عهد لام تركي :من ذوقك
شيخه واهي تسلم :اخيراً لقيت احد متزوج
عهد بضحكه:ليه
شيخه :أبي اسولف ونكون نفس الحياه
عهد :متزوجه؟
شيخه:اي وحامل
ارتفعت الاصوات فرح ووناسه من الخبر طبعاً ام تركي وليان مايعرفون
أم نايف :ماشالله يابنتي يا شيخه كبرتيي
أم تركي بكت وجلست تعاتب شيخه:قولي لي ليه ماقلتي ؟
شيخه :كانت مفاجاة ههههههه
نجود :مبروكك يا الشوخي
أم تركي :انتي نجود!
نجود :أي ياخاله
أم تركي واهي تتأملها :ياما شالله اذكرك يوم كنتي صغيره يابنتي الحين قمررر وتهبلين
وبعدها كملوا السوالف والضحك والوناسه من خبر حمل شيخه
.......................................
بعدها بنص ساعه
جاء فهد يصوت ويقول :يولد يانجود
عند الحريم
أم نايف :نجود شوفي اخوك
نجود :ابشري
وراحت له
نجود :سم
فهد :سم الله عدوك سوي قهوة وشاهي وشوفي قسم الرجال
نجود :العشاء جاء ؟
فهد :راح عبود يجيب العشاء
نجود :ابشر يعني احط الاغراض حقت العشاء!!
فهد :اي بسرعه
نجود :ابشر
وعلى طول طلع وراحت نجود تجيب الاغراض
......................................
اتمنى يعجبكم البارت ذا وكيف نايف مع عهد وفرحت حمل شيخه وتعامل مشاري مع نجود بأذن الله يعجبكم ومعليش على قصر البارت❤️❤️