بينِ رفوفّ الكتبَ وجدتِك

البارت التاسع عشر

بعد ما رتبت لبست فستان هادي جداً ورفعت شعرها واتجهت لهيثم :
نجود :متى بنطلع !
هيثم :الحين
نجود :هجل دقايق بلبس عبايتي
هيثم بضحك :والله بتلبسين عبايتك
نجود بستغرب :وش يعني اطلع بدون عباية
هيثم :اي وش فيها احنا برا السعوديه فليها ولا احد عندك
نجود بعصبيه :مب على كيفك انا بنت ناس ولا يهمني انا في السعوديه ولا برا اهم شي عبايتي
هيثم بتوتر :ابشري خلاص
دخلت الغرفه وجلست واهي مصدومه قالت بقلة حيله :
بعد التفكير غير عن بعض يعع يارب صبرك
لبست العبايه وطلعت لقته ينتظرها فتح الباب ونزلوا لسياره الي استجاره ركبت واهي اصلاً ما تعرف وين المكان ولا شي بس تحاول تمشي معه بعد ربع ساعه نزلوا لمطعم يتغدون فيه دخلو وجلسو في طاوله تقدم الموظف واعطى نجود المنيو و لهيثم نفس الشي
الموظف :عندكم المنيو شوفوا وإذا تبون شي قولوا لي
هيثم :تمام
راح الموظف وجلست نجود تقلب الصفحات واختارت افضل شي عندهم
هيثم :وش طلبك
نجود واهي تأشر له :ذا
هيثم :تمام
وجاء الموظف وطلبو الغداء كانت طول الوقت ساكته ولا كلمه ولا شي حرفياً
هيثم بتوتر :نجود
نجود واهي ترفع راسها له :هلا؟
هيثم :اسف إذا ازعجتك اليوم
نجود بغصه واهي ماعاد تقدر تسكت اكثر :لا معليك
وعلى طول قامت :بروح الحمام
وركضت له ودخلت واهي تسكر الباب خلاص ماعاد تستحمل انها تجلس معه وطول الوقت تنام في غرفه ثانيه يعني طول عمرها بتجلس معه بعد مرور كم دقيقه طلعت واهي تغسل وجها وطلعت
كان هيثم طول الوقت يراجع حسابته ومستغرب من حركات نجود وشافه جايه وقرار ينسى الي صار قبل شوي
هيثم :سمي بالله واكلي
نجود :بسم الله
وبداو الاكل ويوم خلصوا
قام هيثم للمحاسب ونجود طلعت تنتظره وبعده على طول جاء وجلسو يمشون
هيثم :تبين شي
نجود واهي تمشي :لا انت في خاطرك شي صح
هيثم واهو يبلع ريقه :لا مافيه شي
لفت نجود لمحل جذابه جداً
نجود :هيثم تكفى ابي ذا
هيثم انصدم ولا مره سمع نجود تقول تكفى يعني اخيراً بسولفون زين هيثم :ابشري
دخلت واهي تتأمل المحل كان يخص الخيول من تشيرتات و شوزات وكل شي حرفياً
نجود اهي تجيب تشيرت :اعجبني ابيه
هيثم بستغرب :بس رجالي !!
نجود :عادي ابيه اهم شي على مقاسي
هيثم :تمام شي ثاني
نجود :سلامتك
وراح اشتر له وطلعت واهي فرحانه مره
هيثم :نشرب شاهي !
نجود واهي تزفر بضيق :ياخي احب شاهي بس الحين لا احنا مانبي جو الديره
هيثم بضحك :جو الديره هجل
نجود بضحك :اقول تعال نشوف ذا المحلات
هيثم :يلا شكلي بفلس
دخلت للمحلات وجلست تشتري وتحاول تغير نفسيتها
بعد ماطلعوا جلسو يمشون
هيثم :ذا المحل عصير حلو
نجود :هجل يلا
هيثم :السلام عليكم
صاحب المحل:وعليكم السلام
هيثم:افضل عصير
صاحب المحل :برتقال و.......
هيثم :عطني عصير برتقال ثنين
وجلسو يشربون ثم يكملون يومهم الى الساعه ٨ ارجعو واهم تعبانين
جلسو في الصاله بس كل واحد على جواله
نجود واهي ترسل في القروب:
هلا ملاذ وش تبين
ملاذ :متى بتجين
نجود :مدري والله
نوف :على كيفك توها اول يوم له
ملاذ :انتي مالك داخل
حنين :اسمعو عرسي بعد اسبوع بتمام تم تحديده
نوف :اوفف
نجود :قولي والله خيرر ابي احضر ليه توك تقولين
حنين :وش اسوي توها ترسل ام المعرس لي تقول خلاص بيكنسل تاريخ العرس وحطته قريب
هيفاء :الحمدالله خلصت فستاني من زمان
نوف :انا يحتاج خياط
ريهام :عرسك في الديره ولا لازم نرجع لرياض
حنين :في الرياض 🫣
ريهام :خير لازم نرتب بعد
سكرت نجود الجوال ولفت لهيثم
نجود :هيثم متى بنرجع
هيثم بستغرب :ليه عسى ماشر
نجود :عرس بنت عمي بعد اسبوع بتمام وابي احضر
هيثم :احنا ٥ ايام ونرجع
نجود: يعني قبل العرس بيومين ؟
هيثم :اي
نجود :زين الله يطمنك بس الحين لازم اشتري فستان
هيثم :في محملات فخمه هنا ابحثي وشوفي الاحسن ونروح بكره من بدري واشتري كل شي
نجود :زين
......................................
عند شيخه :
الي اوصلوا ابو تركي وام تركي كانوا كلهم متحمسين يشوفون الحفيده دخلوا واهم يسلمون وكان طول الوقت ام تركي تبكي :
شيخه :يمه تكفين ببكي
ام تركي :الله يوفق بنتكم والله انها فرحه
ابو تركي :يا لطيفه خلاص البنت فرحانه وانتي تبكين
ليان:يا الشوخي وين الحفيده !
شيخه :الحين بتجي
ابو تركي :ألا وين بدر ما شفنه
شيخه :اي دقيت عليه قال الحين جاي
ليان لعزوز بصوت خافت :غريبه وين فارس
عزوز بنفس الصوت :ولله بكون صريح اني قامط منه ماله حس ابداً
ليان :احس الهدوء ذا وراه عاصفه
عزوز :حتى انا
.............................................
الصباح :
قامت نجود ولبست وصلت ولقت هيثم واعي
هيثم :صباح الخير بدري
نجود واهي تلف :بدري من عمرك
هيثم :يلا بنروح نفطر البسي
اتجهت نجود تلبس ولكن كانت تفكر هل خلاص ترضى ان هيثم لها وكيف راح تترك فارس رغم انه ما شفته كثير يعني ما تعرف عنه شي واهو تعلق فيه بس كانت ساكته وتحاول في ذي الفتره ما تقرب ابداً من هيثم لانها ماتعرف ايش راح يصير في المستقبل
هيثم :يلا اخلصي
وعلى طول طلعت واتجهو يفطرون وبعد الفطور راحو للمول تدور لها فستان وبعد الشين لقت الفستان المصمم لها و راحت تشتري هدايا بسيطه لاهلها وقضت باقي اليوم تتسوق
.................................
عند فارس :
الي ما قابل اهله ابداً بس قرار ينزل يسلم عليهم ثم يروح للاسطبل لان المسابقه قربت :
فارس :السلام عليكم
ام تركي :وعليكم السلا ارحب
اتجه لها حب راسها واتجه لبو تركي كذلك ثم لف على ليان الي تسلم وعزوز وكان طولو الوقت ساكت
ام تركي :اخبارك يا ولدي
فارس :بخير وين شيخه
ام تركي :والله تعبانه المسكينه وخليته تنام وخذيت بنتها وبعد الشين نامت
فارس :الله يهديها تبون شي
ابو تركي بستغرب :على وين ؟
فارس :عندي اشغال وبروح للاسطبل
ابو تركي :سلامتك وانتبه على نفسك
فارس :ابشر
طلع وعلى طول لف عزوز ليان :
عزوز بتوتر :شفتي شكله معصب منك
ليان بتأنيب ضمير :يا الله مدري وش اسوي الله ياخذ هيثم
عزوز بستغرب :من هيثم ذا !!
ليان :من يعني زوج نجود تدري متزوجه غصب يالله
يا القهر
عزوز :ليه طيب
ليان :مدري عنهم بس متزوجه غصب عنها واهي ما تبي اصلاً
ابو تركي :وش عندكم مقصرين اصواتكم خلونا نسمع
عزوز بارتباك:لبيه لا لا مافيه شي كنت أسال عن ثوبي الكحلي
ليان واهي تبلع ريقه :اي صحيح
ام تركي :خلهم الله يصلحهم شوفي ريم قامت
ليان :ابشري
..................................
في الديره :
طلعت رهف تركض من البيت قبل لا تعرف حنان انها طلعت :
رهف بتعب :الله ياخذ عدوها اوف
اوصلت لباب بيت ابو نايف دخلت لقت صوت العيال بأنهم في المجلس وحاولت تمشي بخفيف ودخلت على طول وراحت للبنات
عند العيال :
الي كانوا جالسين يسولفون
صقر :والله انه تعب والمشكله بكره بنمشي
منصور :ليه !
وليد :ليكون عندك مهمة ثانيه
صقر واهو يشرب شاهي :لا عرس حنين
منصور :يووه اكيد الكل بيمشي
احمد :جو الديره حلو افضل من الرياض والله
صقر :عبودي صب بي شاهي
مشاري بضحك :هجل عبودي ليسمعك ابوي لعن خيرك
ذيب :اسمعو وش رايكم نطلع الحين نكشت برا بس بدون الحريم لانهم فقعت كبد
احمد :والله فكره حلوه
صقر :تمم بس بشرط نجي قبل ١٢عشان يمدي انام
ذيب :تمم
فهد واهو يقوم :هجل تمم قوموا نجهز الاغراض ذيب تعال معي انت ومنصور
كان في مخزن اخر السور واغلب الاشياء المهمه فيه اتجهو له واهو يسولفون وكان الجو غيوم يعني من الاخر جو يفتح النفس
.....................................
عند البنات :
دخلت رهف شافت البنات جالسين
رهف :وش بلاكم !
ملاذ واهي تلعب بشعرها :مدري عنهم كل واحده معصبه قلت نطلع ولا نسولف ولكن ولا شي كل واحده على جوالها
رهف واهي تفك عبايتها وتحطه على جنب :يلا قوموا بسرعه بنروح نفرش برا ونزين القهوة والشاهي عاد برا الجو غيوم
ملاذ :يلا انا معك
نوف واهي تقوم :بروح اشوف القهوة والشاهي
حنين :حالياً لاحد يكلمني برتب اغراضي وإذا خلصتو قالوا لي وبجي
رهف :هجل انا وملاذي وهيفاء بنروح نفرش وانتي ي ريهام جيب الحب والمكسرات و الحلا
طلعت ملاذ تركض تبي تسبق رهف من بيدخل المخزن قبل ركضت ملاذ وتفتح باب المخزن وتكمخ بجسم شوي عريض وطحت على الارض عند هيفاء ورهف الي واقفو بصدمه
................................
عند العيال الي دخلو المخزن وجلسو يدورن الفرشه والاغراض :
منصور :اوفف كالعاده انا الي اشيل
فهد بتوتر :اسكتتت بطيح
كان فهد راكب فوق الكرسي ويحاول يوصل للعزبه لانها فوق الدولاب
ذيب واهو يقوم :مالقيت الداله بقول لنوف يمكن عندهم
لف توه بيفتح الباب ألا تفتح الباب ملاذ و تكفخ في ذيب طحت واهي تتألم من الطيحه
ملاذ بألم :اوتش
لف منصور وفهد بخوف لصوت البنت
على طولت قامت ملاذ وكانت لبسه الشرشف
(الي ما يعرف الكلمة معنها جلال الصلاة )
وحطته على وجها جائوا هيفاء ورهف
رهف :وش جابكم هنا !!
ذيب :بناخذ العزبه
ملاذ بعصبيه :ماشالله الحين تجون تاخذون الع..
ما امدها تكمل الكلمة الا ويسمعون اصوات في المخزن لف ذيب بخوف وعلى طول ادخلو البنات شافوا فهد طايح والعزبه فوق راسه
ذيب واهو منصرع ضحك :يا ولد وش بلاك تحت العزبه
رهف واهي تضحك :افزع له
منصور واهو يساعد فهد وكانوا كلهم يضحكون
فهد واهو يتألم ويسمك راسه :يالله ابوي وش حاط فيه
هيفاء بضحك :اهم شي سلامتك بس
ملاذ واهي تمسح دموعها :زين جات على كذا تخيلت انه في المستشفى
ذيب :بطني قم اطلع بس
رهف :لاهنتو جيبو الفرشه وحطوها في السور
فهد واهو جالس على الكرسي :انا مقدر شوفي المعضل ذا
منصور :خلاص اخلصو الوقت معنا.
طلعوا الفرشه للبنات وخذوا اغراضهم واطلعوا
....................................................................
أهلاً أهلاً اخباركم ان شالله بخير من طول الغيبه جاب الغنايم سحبت على الخميس الي طاف وقلت بعوضكم في بارت حلو بحاول اطول البارت الجاي رايكم يهمني جداً وليه صاير مافيه حماس ابداً والله ذا الشي يخلني ما اكمل يعني مافيه حماس ولاتنسون ⭐️ وانتظرونا وعطوني افكار للبارت ❤️
حسابي انستا :x8ri.l