بينِ رفوفّ الكتبَ وجدتِك

البارت الخامس عشر

بعد ماطلعت زفرت بضيق ولفت على أمها الي
قالت لها :ها يبنتي وش صار
نجود :ماصار شي قهويته وعطيته حلا وبس
ام نايف كانت خايفه جداً من نجود لا تسوي شي بس تطمنت :الحمدالله
الله يوفقك ويسعدك ويسعده
العمه منيره :ترى سهالات يبنتي
قاطع كلامهم دخول ابو نايف :السلام عليكم
العمه منيره :وعليكم السلام
ام نايف :وش صار
ابو نايف واهو يلف لنجود بعصبيه :ليه ماحددتي وقت العرس ولا ماتبين غصب عليك بتاخذين هيثم فهمتي
العمه نوره بتوتر :عادي افضل انه اهو يحدد العرس عشان وضعه
نجود :انا وش دخلني اصلاً وبعدين وش قلت قلت له ان ذا الموضوع مالي دخل فيه تفاهم مع ابوي وبس
ابو نايف بعصبيه :ترى العرس بعد ٥ ايام وتم التحديد
لف ام نايف بصدمه :يا سلطان كيف ٥ أيام
ابو نايف واهو يتجه لغرفته :اصلاً العرس مختصر جداً ونفس الوضع عندكم يا الحريم بس يدخلون ونخلص
لفت بقهر لوضعها واهي تقول :سوا الي تبون اصلاً ذا العرس عرسكم مو عرسي
لفت العمه منيره للكبار وقالت :يويلي ٥ ايام وش نسوي
ام نايف :والله مدري بطلع للسوق بكره الصبح وبشوف وإذا عن الملابس عادي لان مايصلح نكشخ عشان ابوهم  والتزين عاد انا وبنتي نخلصه بس الحلا
العمه نوره :معليك الحلا انا والبنات والترتيب معليك
وبدأو من اليوم من الترتيب حتى نجود خلاص حست مافي تراجع وان عمرها كله بيروح مع هيثم جلست تساعد امها في كل شي
.........................................................
في بيت ابو تركي :
كانت ام تركي تصب لبو تركي الشاهي وقاطع عليهم الهدوء اتصال من جوال ابو تركي :
ابو تركي :وعليكم السلام ،البقى ،اخبارك انت والعيال عساكم بخير واخبار سياف وزيد ،بخير نحمد الله ونشكره ،ماشالله مبروك مبروك ابشر بنكون من أول الحضور ،كلها يومين ان شاءلله واحنا عندكم
ام تركي بستغرب :غريبه من ؟
ابو تركي واهو يشرب الشاهي :سلطان يعزمني على زواج بنته
كانت داخله من الصدمه طاح الصحن من يدينها
ام تركي بخوف :بسم الله عليك وش فيك
ليان بصدمه :دقيقه عرس من !
ابو تركي بستغرب :بنت سلطان
ليان بتوتر :يبه متاكد
ابو تركي بعصبيه :وش متاكد اي توه مسكر مني وبعدين وش فيه
لفت واهي تركض لفوق وتتجه لغرفتها وتاخذ جوالها دقت على نجود اكثر من مره ولا ردت تذكرت رقم نوف معها وعلى طول دقت دقايق الا تسمع صوت نوف
ليان بتوتر :السلام عليكم
نوف :وعليكم السلام
ليان:اخبارك
نوف :الحمدالله بخير بس من معي ؟
ليان :انا ليان بنت سعود اخت شيخه
نوف واهي تتذكر :ارحبيي معليش ماعرفتك
ليان بخوف :تكفين هل صحيح نجود تزوجت ؟
نوف بضحك:اي تخيلي تونا جينا وعلى طول خطبت وخلصت بعد ٤ ايام العرس والله كبرت
طاح الجوال منها من الصدمه وجلست تفكر في ردت فعل فارس لو عرف
نوف بستغرب :الو الو ليان
ليان بصوت حزين :هلا
نوف :دقايق وادق  امي تبيني
ليان :معليك خذي راحتك
حذفت الجوال ونزلت لامها تقول لها
ابو تركي :وش فيك انتي ماتقولين من يوم سمعتي الخبر وانتي مدري وش فيك
جلست ليان وقالت بحزن :فارس يا يبه فارس
ام تركي بخوف :وش فيه
ليان :اهو قال لي الاسبوع الي راح بيخطب نجود وبعدها سافرو  وقال بعد مايرجعون كيف الحين اقول له انها تزوجت
ام تركي بصدمه :ليه ماقال لي طيب عشان اضبط الوضع
ليان :قبل كان يقول ودي بس بعدها عرفت انه يحبها
ابو تركي بضيق :لا اله الا الله وش الوضع الحين
قاطع كلامهم دخول فارس
فارس :السلام عليكم
ابو تركي بتوتر :وعليكم السلام
فارس واهو يسكر الباب :عسى فيه قهوة جايب لكم حلا معي حلوو بيعجبكم
ام تركي :اي في قهوة قومي جيبي قهوة لخوك ولنا بعد
قامت ليان لف فارس لبوه ولامه :وش في ليان ؟
ام تركي بارتباك:لا لا معلي...معليك تعبانه شوي
ابو تركي :ترى بنسافر
فارس بستغرب :ليه عسى ماشر
ابو تركي :عند سلطان عزيمه يقول ودي بكم
لا إرادي ابتسم من سمع اسم ابوها : معك بس حدد الوقت وابشر
ابو تركي:ان شاءلله بكره نمشي
.............................................
بيت هيثم :
كانوا كلهم يجهزون في الاربع الايام وكانت ام هيثم فرحانه عشان ولدها وحزينه على زوجها شريك حياتها قررت ام هيثم العرس مختصر جداً والرجال في خيمه قريبه من البيت
مرت الايام الاربع الي صعبه جداً على نجود وجميله جداً عند هيثم